साम्योथिम् इङ् 1:7 - लिम्बु7 आल्ल खिनिॽ साःङ्गाहिम्हाॽ यङे़म्मे़ॽआङ् लाम् थाआसिम्मे़ॽ॥ एमोरिहाॽरे़ खुन्छिॽ कोःक्मा फाङ्जङ्बा लाजेॽओ नु खे़ल्ले़ कुया कुयाओबा के़रे़क् मे़न्छाम् सुवाङ्हाॽओ—यर्दन ने़ने़बादे़न्नो, थे़गु माङ्वाओ, नाम्धा पिसाङ्बा ते़म्बेॽओ, नेगेव लाजेॽओ हे़क्क्याङ् वरःङ्ङिल्ले़ कुयाओ कनानिहाॽरे़ खुन्छिॽ लाजेॽओ थारिक्, लेबनान थारिक् नु पयम् यम्बा वहःङ् युफ्रेतिस थारिक्के पेगे़म्मे़ॽ॥ Gade chapit la |
साम्योथिम् इङ् 1:7
19 Referans Kwoze
कम्भलॽरिक् यहोसुःल्ले़ के़रे़क् लाजेॽ, इग्र कोःक्मा फाङ्जङ्बा ते़ङ्गप्, नेगेव मे़प्मनाबा यो ले़प्माङ्बा लाजेॽ, ते़म्बे नु थे़गु माङ्वा हे़क्क्याङ् खे़प्मोबा के़रे़क् हाङ्हाॽआङ् नाःन्दुसि॥ खुने़ॽ आत्तिन्हाॽआङ् कुहिङ्वे़त् मे़ले़रुसिन्॥ यहवे दाङ्बा इस्राइलबा निङ्वाॽफुमाङ्ङिल्ले़ कुइङ्जाङ् कुइसिक् सक्मा के़सोःन्छिङ्बा के़वाॽवाॽबा के़रे़क् खुने़ॽ मे़क्खुसि॥
कर यहवे दाङ्बे़ल्ले़ कुलागि माङ्से़वा याःम्बक् चोःक्मा खिनिॽ सिराॽमे़धाङ्ने़न्ने़भग्र खिनिॽ हाःत्ले़ कुसे़वा याःम्बक् के़जोगुम्ॽ, खिनिॽ पाधे़बाहाॽरे़ युफ्रेतिस वहःङ् नाधाःम्बि से़वा मे़मे़त्तुसिबा माङ्हाॽ से़वा के़मे़त्तुम्सिम्बि इ खिनिॽ आल्लो के़युङिबा एमोरिहाॽरे़ खुन्छिॽ माङ्हाॽ से़वा के़मे़त्तुम्सिम्बि खिनिॽ आइन्छा निःन्धो चोगे़म्मे़ॽ॥ कर आङ्गाॽ नु आङ्गाॽ आहिम्सयङ्हाॽरे़ग यहवे दाङ्बाओए माङ्से़वा याःम्बक् चोगुम्बे़रो॥”
“आङ्गाॽ खिनिॽ इःन्दोन् हे़ःत्ताङ्बा वरःङ्ङोनु पलिस्तिहाॽरे़ खुन्छिॽ लुम्बा वरःङ् थारिक्, हे़क्क्याङ् मुरे़ःक् खे़रे़ःक् थेआङ् के़होःप्पादे़न्नाङ् कत्ना युफ्रेतिस थारिक्के ने़स्सुङ् पिनिङ्ॽ॥ आङ्गाॽ खे़न् लाजेॽबा यक्युङ्बाहाॽ खिनिॽ हुक्को थासुङ्सिङ्ॽ, खे़ब्याङ् खिनिॽ खे़ङ्हाॽ के़नाःत्तुम् के़देसुम्सिम्ॽ॥
खे़न् एगाङ् यहवे दाङ्बा निङ्वाॽफुमाङ्ङिल्ले़ कुइङ्जाङ् कुइसिक् होरेबलाम् लाङ्घेगिगे़ हे़क्क्याङ् खे़ने़ॽ के़निसुबा खे़न् पयम् यम्बा नु किप्मा पघुगे़घुबा मुरे़क् खारे़क् थेआङ् के़होःप्पादे़न्लाम् पोःक्खिगे़आङ् एमोरिहाॽ मे़युङ्बा कोःक्मा फाङ्जङ् ले़प्माङ् पेगिगे़॥ खे़न् एगाङ् कादेस-बर्ने लाजेॽओ के़रिगे़॥
आल्ल यर्दन वहःङ् नाम्धा पिसाङ्बा के़रे़क् हाङ्हाॽरे़ थे़मा पोःक्खे़आङ् वये़ के़लॽबा पाःन्निन् मे़घे़प्सु॥ कन् हाङ्हाॽग नाम्धा पिसाङ्बा थे़गु माङ्वाहाॽओबा लाजेॽहाॽओ नु लुम्बाङ् वरःङ्ङिल्ले़ कुया कुया लेबनान थाङ्गे़त् ले़प्माङ् कोःक्माहाॽओ थारिक् के़युङ्बा हित्ति, एमोरि, कनानि, परिज्जि, हिब्बि नु यबुसिहाॽ मे़वये़॥
Piblisite