साम्‌योथिम् इङ् 1:2 - लिम्‍बु

² (सेइर कोःक्‍मा फाङ्‌जङ् पोङ्‌माआङ् होरेबलाम् कादेस-बर्ने थारिक् पेःक्‍मा थिबोङ्‌ङाङ् थिक्‌यान् थरुॽ)॥

साम्‌योथिम् इङ् 1:2 Referans Kwoze

खानिःत् 13:26

खे़ङ्‌हाॽ मे़नुःक्‍खे़आङ् पारानबा मुरे़क् खारे़क् थेआङ् के़होःप्‍पादे़न् कादेसओ मोसा, हारुन नु इस्राइलबा के़रे़क् सङ्‌जुम्‍भोओ मे़द्‌ये़, हे़क्‍क्‍याङ् काक् सङ्‌जुम्‍भोःन् के़रे़क् पाःन्‍हाॽ मे़जे़क्‍तुसि, खे़ब्‍याङ् खे़न् लाजेॽओबा सिङ्‌सेॽहाॽ खे़ङ्‌हाॽ ओःन्‍मे़धाक्‍तुसि॥

खानिःत् 32:8

कादेस-बर्नेलाम् आङ्‌गाॽ खिनिॽ सुधे़बा थाःक्‍थे़बाहाॽ कन् लाजेन् थोःम्‍से़ पाङ्‌घुङ्‌सिङ्‌ङिल्‍ले़ खिनिॽ सुधे़बा थाःक्‍थे़बाहाॽ हाबा अक्‍खेए मे़जोगुआङ् मे़वये़॥

साम्‌योथिम् इङ् 9:23

हे़क्‍क्‍याङ् यहवे दाङ्‌बे़ल्‍ले़ कादेस-बर्नेलाम् खिनिॽ अक्‍खे के़मे़त्तिआङ् के़बाङ्‌घि, “खिनिॽ पेगे़म्‍मे़ॽआङ् आङ्‌गाॽ खिनिॽ पिनिङ्‌बा लाजेन् युक् चोगे़म्‍मे़ॽ॥” कर यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् के़अत्तुम्, खे़ब्‍याङ् खिनिॽ खुने़ॽ कुना के़न्‍छाॽरुम्‍मिन्, हे़क्‍क्‍याङ् खुने़ॽ कुबाःन्‍नाङ् के़ङ्‌घे़प्‍सुम्‍मिन्॥

यहोसु 14:6

खे़ब्‍याङ् यहुदाबा मनाहाॽ गिलगालओ यहोसुओ मे़द्‌ये़, हे़क्‍क्‍याङ् कनज्‍जि यपुन्‍नेरे़ कुस्‍सा कालेबरे़ खुने़ॽ मे़त्तु, “कादेस-बर्नेओ खे़ने़ॽ नु आङ्‌गाॽ आयाःम्‍बेओ निङ्‌वाॽफुमाङ्‌ङिल्‍ले़ कुमना मोसान् यहवे दाङ्‌बे़ल्‍ले़ मे़त्तुबा पाःन्‍निन् खे़ने़ॽ निङ्‌वाॽ के़घोसुआङ्‌ङे वाॽ॥

साम्‌योथिम् इङ् 2:8

कल्‍ले़चोगुल्‍ले़ सेइरओ के़युङ्‌बा एसाबरे़ कुमुॽइदाङ्‌सा, आनिगे फुॽनुसाॽहाॽरे़ खुनिॽ लुम्‍मोलाम् पेगिगे़॥ यर्दन ने़ने़बादे़न्‍नोलाम् मे़म्‍बेःक्‍के एलात नु एस्‍योन-गेबेरलाम् हिआसिगे़आङ् थो मोआबबा मुरे़क् खारे़क् थेआङ् के़होःप्‍पादे़न्‍लाम् थाआसिगे़॥

साम्‌योथिम् इङ् 2:4

खे़ने़ॽ मनाहाॽ अक्‍खे मे़त्ते़से़ॽआङ् इङ्‌जाङ् पिरे़से़ॽ, ‘खिनिॽ एसाबरे़ कुमुॽइदाङ्‌साहाॽ, आप्‍फेक् खिनिॽ फुॽनुसाॽ सेइर के़युङ्‌बाहाॽरे़ खुनिॽ लाजेॽओ के़बोःक्‍खिआङ् पेःक्‍मा के़इःत्तिॽ॥ खे़ङ्‌हाॽ खिनिॽनु मे़गिरो, कल्‍ले़चोगुल्‍ले़ खिनिॽ यरिक् सिङ्‌सिङ् ये़क्‌ये़क् लॽरे़म्‍मे़ॽ॥

साम्‌योथिम् इङ् 1:44

हे़क्‍क्‍याङ् कोःक्‍माओ के़युङ्‌बा एमोरिहाॽ खिनिॽनु मे़धक्‍ते़, खम्‍भ्‍याङ् सक्‌वा पन्‍ज्‍याङ्‌मे़ल्‍ले़ मनान् मे़नाःत्तुबा हे़क्‍के खे़ङ्‌हाॽरे़ खिनिॽ पुबेलाप्‍सा के़म्‍नाःत्ति, खे़ब्‍याङ् सेइरलाम् होर्मा थारिक् खे़ङ्‌हाॽरे़ खिनिॽ के़म्‍नाःन्‍दि॥

ले़बि 9:23

खे़ब्‍याङ् मोसान् नु हारुने़न् तुम्‍मादे़न् साःङ्‌गाहिम् सिगाङ् लासे़त्‍छि, हे़क्‍क्‍याङ् लःन्‍दे़सिआङ् मनाहाॽ हाङ्‌वागे़न् मुॽइसाम् पिरे़त्‍छुसि॥ खम्‍भ्‍याङ् यहवे दाङ्‌बे़ल्‍ले़ कुमिमिदिङ्‌ङिन् के़रे़क् मनाहाॽओ ओसेःन्‍धाङ् पोःक्‍खे़॥

ले़बि 2:14

“‘यहवे दाङ्‌बे़ल्‍ले़ कुलागि तगि के़दुम्‍बा खिनिॽ पोगुगे़न् कुजा सिदुङ्‌जभा के़दोःन्‍दुम्‍ने़भग्र, खिनिॽ पोगुगे़न् कुजा सिदुङ्‌जभाःल्‍ले़ लागि युःप्‍मनाबा नु मिओ सिप्‍फङ्‌ग्रा चोःक्‍मनाबा कुजा तोःन्‍दे़म्‍मे़ॽ॥

लाम्‍दिक् 3:1

आल्‍ल मोसाःल्‍ले़ खुने़ॽ कुन्‍नुःप्‍पा मिद्‌याःन्‍बा निङ्‌वाॽफुसाम्‍बा यित्रोःल्‍ले़ कुमे़ल्‍लुक् कुमे़ःन्‍दाहाॽ चाराम्‍सुसिर वये़॥ हे़क्‍क्‍याङ् खुने़ॽ मे़ल्‍लुक् मे़ःन्‍दाक्‍हाॽ चाराम्‍सुसिर मुरे़क् खारे़क् थेआङ् के़होःप्‍पादे़न्‍निल्‍ले़ नाधाःम्‍बि निङ्‌वाॽफुमाङ्‌ङिल्‍ले़ कुगोःक्‍मा होरेब थारिक् तेॽरुसि॥

तोलिङ्‌सोमु 32:3

कुम्‍भुॽ एसाबरे़ कुदुम्‍से़ ए़दोम लाजेॽओबा सेइर ते़ङ्‌गप्‍पो याकुबे़ल्‍ले़ खुने़ॽनुःल्‍ले़ तगि इङ्‌घङ् के़साबाहाॽ पाङ्‌घुदेसुसि॥

लाम्‍दिक् 17:6

आङ्‌गाॽ होरेब कोःक्‍माओ लत्‍छा याक्‍पेॽ थिक्‍ले़ कुदगि के़बेसाङ् ये़प्‍पा॥ खे़न् याक्‍पेःन् खे़ने़ॽ हिप्‍ते़ॽ हे़क्‍क्‍याङ् खे़प्‍मोनु मनाहाॽरे़ लागि थुङ्‌मा च्‍वाःत् लःन्॥” खे़ब्‍याङ् मोसाःल्‍ले़ इस्राइलबा लाम्‍लोबाहाॽरे़ खुन्‍छिॽ तगि हे़क्‍केए चोगु॥

साम्‌योथिम् इङ् 1:19

खे़न् एगाङ् यहवे दाङ्‌बा निङ्‌वाॽफुमाङ्‌ङिल्‍ले़ कुइङ्‌जाङ् कुइसिक् होरेबलाम् लाङ्‌घेगिगे़ हे़क्‍क्‍याङ् खे़ने़ॽ के़निसुबा खे़न् पयम् यम्‍बा नु किप्‍मा पघुगे़घुबा मुरे़क् खारे़क् थेआङ् के़होःप्‍पादे़न्‍लाम् पोःक्‍खिगे़आङ् एमोरिहाॽ मे़युङ्‌बा कोःक्‍मा फाङ्‌जङ् ले़प्‍माङ् पेगिगे़॥ खे़न् एगाङ् कादेस-बर्ने लाजेॽओ के़रिगे़॥

साम्‌योथिम् इङ् 2:1

खे़ब्‍याङ् यहवे दाङ्‌बे़ल्‍ले़ आङ्‌गाॽ मे़त्ताङ्‌बा कुइसिक् आनिगे नुःक्‍खिगे़आङ् हे़ःत्ताङ्‌बा वरःङ् ले़प्‍माङ् मुरे़क् खारे़क् थेआङ् के़होःप्‍पादे़न् पिसाङ् पेगिगे़, हे़क्‍क्‍याङ् यरिक् ये़न् थारिक् सेइरबा कोःक्‍मा फाङ्‌जङ् लाजेन् कबुम्‍बे़॥