साम्योथिम् इङ् 1:19 - लिम्बु19 खे़न् एगाङ् यहवे दाङ्बा निङ्वाॽफुमाङ्ङिल्ले़ कुइङ्जाङ् कुइसिक् होरेबलाम् लाङ्घेगिगे़ हे़क्क्याङ् खे़ने़ॽ के़निसुबा खे़न् पयम् यम्बा नु किप्मा पघुगे़घुबा मुरे़क् खारे़क् थेआङ् के़होःप्पादे़न्लाम् पोःक्खिगे़आङ् एमोरिहाॽ मे़युङ्बा कोःक्मा फाङ्जङ् ले़प्माङ् पेगिगे़॥ खे़न् एगाङ् कादेस-बर्ने लाजेॽओ के़रिगे़॥ Gade chapit la |
साम्योथिम् इङ् 1:19
13 Referans Kwoze
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
कुनिङ् के़आःप्पा असेःक् नु ताङ्साङ् खे़बक्हाॽ के़याक्पा, चिजि खक्खक्पा नु चा मे़न्नुॽमनाबा लाजेॽ के़ने़बा पयम् यम्बा हे़क्क्याङ् किप्मा के़घुबा मुरे़क् खारे़क् थेआङ् के़होःप्पादे़न्निल्ले़ कुलुम्मो खुने़ॽ खिनिॽ लाम्गे़लोसि के़भे़त्ति॥ खुने़ॽ खिनिॽ लागि सियाक्पेॽ थे़याक्पेॽलाम् च्वाःत् लःत्तु॥
मुरे़क् खारे़क्पा थेआङ् के़होप्पा ये़ःङ्घादे़न्नो, सुरित् केजङ् के़हुःक्पा थेआङ् के़होप्पादे़न्नो इक्लाःल्ले़ लोःक्खुबादे़न्नो खुने़ॽ खे़ङ्हाॽ खोसुसिरो॥ खुने़ॽ खे़ङ्हाॽ ताङ्से़ःप्तुसिरो हे़क्क्याङ् खुने़ॽ खे़ङ्हाॽ ओमे़त्तुसिरो, खुने़ॽ खे़ङ्हाॽ कुमिक्हाङ्मा हे़क्के कम्ब्राङ् मे़त्तुसिरो॥
आल्ल खिनिॽ साःङ्गाहिम्हाॽ यङे़म्मे़ॽआङ् लाम् थाआसिम्मे़ॽ॥ एमोरिहाॽरे़ खुन्छिॽ कोःक्मा फाङ्जङ्बा लाजेॽओ नु खे़ल्ले़ कुया कुयाओबा के़रे़क् मे़न्छाम् सुवाङ्हाॽओ—यर्दन ने़ने़बादे़न्नो, थे़गु माङ्वाओ, नाम्धा पिसाङ्बा ते़म्बेॽओ, नेगेव लाजेॽओ हे़क्क्याङ् वरःङ्ङिल्ले़ कुयाओ कनानिहाॽरे़ खुन्छिॽ लाजेॽओ थारिक्, लेबनान थारिक् नु पयम् यम्बा वहःङ् युफ्रेतिस थारिक्के पेगे़म्मे़ॽ॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ के़रे़क् परिक्पा याःम्बक्को हाङ्वागे़न् मुॽइसाम् के़बिरिआङ् वाॽ॥ कन् यम्बा मुरे़क् खारे़क् थेआङ् के़होःप्पादे़न्नोबा लाम्दिक् खाराक् खुने़ॽ खिनिॽ ताप्थेक् याम्धेक् के़गत्तिआङ् वाॽ॥ कन् लिबोङ् तङ्बे थारिक् यहवे दाङ्बा खिनिॽ निङ्वाॽफुमाङ्ङिन् खिनिॽनु सोरिक् वाॽ, हे़क्क्याङ् खिनिॽ थे़मा पाःन्निन्ले़ कुहोःप्मा कुसाक्मोआङ् मे़न्धाए के़वयिॽ॥
कन् लाजेॽओ के़युङ्बाहाॽ मिस्रिहाॽरे़ कन् पाःन्निन् मे़जे़क्तुसिॽ॥ खे़ने़ॽ यहवे दाङ्बे़न् कन्हाॽरे़ खुन्छिॽ लुम्मो के़वाॽ के़लॽबा पाःन्निन् खे़ङ्हाॽरे़ मे़घे़प्सु मे़सुरुआङ् वाॽ, खे़ने़ॽ नादुम्दुम्बाए निगे़धाबे़आङ् के़वाॽ, हे़क्क्याङ् खे़ने़ॽ के़घाॽमिःत्तिन् कन्हाॽरे़ खुन्छिॽ सम्धाङ् ये़म्सिङ् खे़ब्याङ् ले़न्दिक् खाॽमित् सित्लाङ् नु से़न्दिक् मि सित्लाङ् के़बोङ्ङाङ् खे़ने़ॽ कन्हाॽरे़ खुन्छिॽ तगि तगि के़बेःक्॥
Piblisite