साम्योथिम् इङ् 1:11 - लिम्बु11 यहवे दाङ्बा खिनिॽ पाधे़बाहाॽरे़ खुन्छिॽ निङ्वाॽफुमाङ्ङिल्ले़ खिनिॽ आल्लसाङ् हे़न्छिङ् हे़न्छिङ् के़भोसिर खे़ब्याङ् खुने़ॽ माङ्हुप् चोगुबा कुइसिक् खिनिॽ हाङ्वागे़न् मुॽइसाम् के़बिरिर! Gade chapit la |
साम्योथिम् इङ् 1:11
16 Referans Kwoze
के़न्दाङ्घुम्बाल्ले़ चोगुल्ले़ आङ्गाॽ से़क्खाए हाङ्वागे़न् मुॽइसाम् पिने़॥ खे़ने़ॽ के़मुॽइदासाहाॽ फोसुङ्सिङ्ङाङ् ताङ्साक्कोबा खेःम्सिक्पाहाॽ नु वरःङ्ङिल्ले़ कुयाओबा ये़ःङ्घा यारिक् यरिक् चोगुङ्सिङ्ॽ॥ खे़ने़ॽ के़मुॽइदाङ्साहाॽरे़ खुनिॽ निङ्मिहाॽरे़ खुन्छिॽ ये़क्यक्हाॽ मे़नाप्तुसिरो॥
आङ्गाॽ के़मुॽइदाङ्साहाॽ ताङ्साङ्बो के़बप्पा खेसे खेःम्सिक्पाहाॽ हे़क्के आत्तातान्ने यरिक् चोगुङ्सिङ् हे़क्क्याङ् कन् के़रे़क् लाजेॽहाॽ खे़ङ्हाॽ पिरुङ्सिङ्॥ हे़क्क्याङ् खे़ने़ॽ के़मुॽइदाङ्साहाॽ लाम्बाए इक्सादिङ् खाम्बेःक्मोबा के़रे़क् मे़न्छाम् याप्मिहाॽरे़ हाङ्वागे़न् मुॽइसाम् मे़घोसुॽ,
कर योआबे़ल्ले़ हाङ्ङिन् मे़त्तु, “यहवे दाङ्बा के़निङ्वाॽफुमाङ्ङिल्ले़ आल्लो के़वाॽबा के़मनाहाॽ किप्थिक्ले़ङ् यारिक् यरिक् फोसुसिर, हे़क्क्याङ् आदाङ्बारे़ खे़न् के़रे़क् के़निसुर थारिक् निङ्वाॽफुमाङ्ङिल्ले़ के़धाःक् चाॽर चोगुर॥ कर आदाङ्बा हाङ्ङिल्ले़ अक्तङ्बा याःम्बक् थेआङ् चोःक्मा के़गोःत्तुबाबे?”
अब्राहाम, इसहाक नु याकुब आदाङ्बारे़ के़से़वारोबाहाॽ निङ्वाॽ इःत्ते़से़ॽओ, खे़ङ्हाॽनु आदाङ्बारे़ आबाङे के़मिङ्ङो माङ्हुप् के़जोगु हे़क्क्याङ् आदाङ्बारे़ अक्खे के़बाःत्तुआङ् वये़, ‘आङ्गाॽ खिनिॽ मुॽइदाङ्साहाॽ ताङ्साङ्बोबा खेःम्सिक्पाहाॽ कुइसिक् यरिक् चोगुङ्सिङ्ॽ॥ आङ्गाॽ माङ्हुप् चोगुङ्बा कन् के़रे़क् लाजेन् खिनिॽ थिन्दाङ् सायोबोराहाॽ पिरुङ्सिङ्ॽ, हे़क्क्याङ् खे़ङ्हाॽ आभे़ल्ले़ आभे़ल्ले़ थारिक्साङ् खे़न् लाजेःल्ले़ लागि लक्के़घोबा मे़बोङ्ॽ॥’”
योआबरे़ नुगप् पिरु, “यहवे दाङ्बे़ल्ले़ कुधक्सुबाहाॽ किप् थिक् यारिक् फोसुसिर! थे आदाङ्बा आल्लसाङ् खे़ङ्हाॽरे़ खुन्छिॽ दाङ्बा नु हाङ् के़रे़क् मनाहाॽ आदाङ्बारे़ के़से़वारोबा मे़म्बोङ्ने़न्नाङ्बि? आदाङ्बारे़ थेआङ् हे़क्के चोःक्मा पोङ्बाबे? आदाङ्बारे़ इस्राइलओ थेआङ् आप्तिक् के़दारुबाबे?”
ओमे़त्ते़म्मे़ॽ, आङ्गाॽ खिनिॽ पिनिङ्ल पत्ताबा के़रे़क् इङ्जाङ्हाॽ सिङ्सिङ् ये़क्ये़क्काङ् इःत्ते़म् नाःत्ते़म्मे़ॽ, हे़क्केलॽरिक् खिनिॽ कुहिङ्वे़त् वाॽमा के़सुक्तिर हे़क्क्याङ् यरिक् पोःम्मा थे़ॽमा के़सुक्तिर, हे़क्क्याङ् यहवे दाङ्बे़ल्ले़ खिनिॽ पाधे़बाहाॽ माङ्हे़क्तुसिआङ् माङ्हुप् चोगुबा लाजेन् खिनिॽ पेःक्माआङ् युक् चोःक्मा के़सुक्तुम्लरो॥”
Piblisite