दानिए़ल 9:6 - लिम्बु6 आनिगे खे़ने़ॽ के़से़वारोबा माङ्निङ्वाॽपान् के़बाःप्पाहाॽरे़ मे़बाःत्तुबा पाःन्नो निङ्वाॽ मे़बिरुम्बे़न्, खे़ने़ॽ के़मिङ्ङो खे़ङ्हाॽ आनिगे हाङ्हाॽ, आनिगे युक्साबाहाॽ नु आनिगे पाधे़बाहाॽ हे़क्क्याङ् लाजेॽओबा के़रे़क् मनाहाॽनु मे़बारे़आङ् मे़वये़॥ Gade chapit la |
दानिए़ल 9:6
29 Referans Kwoze
आनिगे पाधे़बाहाॽरे़ खुन्छिॽ ये़म्माङ्धो आइन् थारिक् आनिगे खे़ने़ॽ के़मनाहाॽरे़ यम्बा लायो चोगुम्बे़आङ् वयिगे़॥ आनिगे लायोल्ले़ चोगुल्ले़ आनिगे हाङ्ङिन् नु निङ्वाॽफुसाम्बाहाॽ, वेॽ सुवाङ्समा हाङ्हाॽरे़ खुनिॽ हुक्को मे़ध्ये़ हे़क्क्याङ् आनिगे मे़स्ये़रिगे़, मे़नाप्तिगे़ खे़ब्याङ् मे़दे़म्सिगे़आङ् वेॽ लाजेॽओ मे़देॽरिगे़॥ आनिगे साॽरिक् चाःत्थि पे॥ आइन् थारिक्काङ् आनिगे हे़क्तङ्बाए याक्नाम् तुमुम्बे़आङ् वयिगे़॥
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
“खे़ने़ॽ आनिगे निङ्वाॽफुमाङ्ने़रो! खे़ने़ॽग पयम् यम्बा, किप्मा के़घुबा नु मुक्के़गुबा निङ्वाॽफुमाङ्ने़रो! खे़ने़ॽ माङ्हुप् के़जोगुबान् आबाङे के़गे़त्तुरो, अस्सुरबा हाङ्हाॽरे़ आनिगे याप्मि खुम्मा मे़हेःक्तिगे़बा ये़म्माङ्धो आल्लो थारिक् आनिगे साॽरिक् तुक्खे च्ये़ॽइगे़आङ् वाॽरो! आनिगे हाङ्हाॽ, लाम्लोबाहाॽ, निङ्वाॽफुसाम्बाहाॽ, माङ्निङ्वाॽपान् के़बाःप्पाहाॽ, पाधे़बाहाॽ नु आनिगे के़रे़क् के़मनाहाॽरे़ तुक्खे तुमुम्बे़आङ् वाॽरो, आनिगे साॽरिक् तुक्खे चामनाआङ् वाॽ, खे़ने़ॽ निङ्वाॽ इःत्ते़ॽओ!
खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिल्ले़ कुबाःन्जाक्किन् मे़न्इःत्ते मे़न्नाःत्ते मे़वये़, कर खुने़ॽ कुमाङ्हुप्पिन्, हे़क्क्याङ् यहवे दाङ्बे़ल्ले़ कुसे़वारोबा मोसाःल्ले़ खे़ङ्हाॽ पिरुसिबा के़रे़क् इङ्जाङ्हाॽ खे़ङ्हाॽरे़ मे़भेःन्दुआङ् वये़॥ खे़ङ्हाॽरे़ इङ्जाङ्हाॽ निनि खे़म्घे़म् मे़ल्लाप्तुन्, खे़ङ्हाॽ मे़न्इःत्तुन् मे़न्नाःत्तुन्नाङ्॥ कल्ले़चोगुल्ले़ कन् के़रे़क् पाःन्हाॽ पोःक्खे़आङ् वये़रो॥
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
Piblisite