खे़निॽ पाधे़बाहाॽरे़ खुन्छिॽ ये़म्माङ्धोए खे़निॽ आङ्गाॽ चोगुङ्बा उवाहाॽ खे़म्मा के़न्दे़न्दिन्नाङ् के़नुःक्खि के़बेगिआङ् के़वयि हे़क्क्याङ् खे़न् साम्योथिम्हाॽ मे़न्इःत्ते मे़न्नाःत्ते के़वयि॥ खे़निॽ आङ्गाॽ ले़प्माङ् नुःक्खे़म्मे़ॽ हे़क्क्याङ् आङ्गाॽ खे़निॽ ले़प्माङ् नुःङ्ङाॽ॥ “कर खे़निॽ याप्मि पान् से़ःन्गे़लाप्तिॽ, ‘आनिगे आक्खेलॽरिक् नुःक्खिगे़बे?’
दानिए़ल 9:5 - लिम्बु5 आनिगे लायो चोगुम्बे़आङ् वयिगे़ हे़क्क्याङ् याःम्बक् फेःन्दुम्बे़आङ् वयिगे़॥ आनिगे कुॽइगे़भे़म्बा नु पिफ्युङ्बा पोःक्खिगे़आङ् वयिगे़, खे़ने़ॽ के़इङ्जाङ् नु के़साम्योथिम् इङ्जाङ्हाॽलाम् आनिगे माःङ्घा पोःक्खिगे़आङ् वयिगे़॥ Gade chapit la |
दानिए़ल 9:5
31 Referans Kwoze
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
आल्ल यहवे दाङ्बान् होसेःन्लाम् पाःप्मा हेःक्ते़ल्ले़, यहवे दाङ्बे़ल्ले़ खुने़ॽ अक्खे मे़त्तु, “कन् लाजेःल्ले़ यहवे दाङ्बे़न् नाॽरुआङ् साॽरिक् याम्बोःप्मा आप्तिक्को थ्ये़आङ् वाॽ, खे़ने़ॽ पेगे़ॽआङ् चागे़राम्मा के़त्निमाधिक् ते़न्धाम् मेःक्खिम् मे़त्ते़ॽ, खे़ब्याङ् खे़ल्ले़ चाराम्मा के़त्निमा याःम्बक् चोगुबालाम् कत्तुसिबा साहाॽ सा चोगे़से़ॽ॥”
खे़ब्याङ् खे़ङ्हाॽ मे़न्छाम् सुवाहाॽरे़ खुन्छिॽ लुम्मो मे़दे़म्सु मे़देॽरुसिल्ले़ खे़ङ्हाॽरे़ आङ्गाॽ निङ्वाॽ मे़इःत्ता॥ खे़ङ्हाॽरे़ खुन्छिॽ इङ्ले़क्पा निङ्वाॽ नु खुन्छिॽ नावाइत्लाहाॽ सिराॽथाङ्बा ताप्फे़ःम्बा मिक्लो लाम्माल्ले़ आङ्गाॽ आक्ख्यारिक् आनिङ्वाॽ तुक् फाॽआङ् खे़ङ्हाॽरे़ निङ्वाॽ मे़घोसुॽ॥ खे़ब्याङ् निन्धासेःक्ओ खे़ङ्हाॽरे़ खुन्छिॽ के़रे़क् सिक्के़ले़ःङ्बा लायोहाॽरे़ चोगुल्ले़ खुन्छिॽ आप्फेक् मे़जिःत्छिङ्ॽ॥
आङ्गाॽ आमनाहाॽरे़ अक्खे मे़बाःत्तुर पेलिगे़न् तुवा मे़जोःक्कारो, “आनिगे लायोल्ले़ आनिगे याप्मि फोत्याबाए लेःत्तिगे़रो, हे़क्केसाङ् यहवे दाङ्बाए, आबाङे के़मिङ्ङिल्ले़ चोगुल्ले़ आभाॽरे़ॽओ॥ यरिक्ले़ङ् आनिगे खे़ने़ॽनु लाःत्लाःत् पोःक्खिगे़आङ् वयिगे़रो, खे़ने़ॽ के़दक्ले़ङ्वाओ आनिगे लायो चोगुम्बे़आङ् वयिगे़रो॥
आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥”
“यहवे दाङ्बे़न् साम्योबा चोक्लो, हे़क्केसाङ् कुदक्ले़ङ्वाओ पिफ्युङ्बा पोःक्खाङ्ङाङ् वयाङ्लो॥ के़रे़क् मे़न्छाम् सुवाङ्से, खे़प्से़म्मे़ॽओ हे़क्क्याङ् आङ्गाॽ आदुक्खेन् ओमे़त्ते़म्मे़ॽओ॥ सिसागे़न् मे़न्छ्या आमनाहाॽ नु थाङ्बे़न् आमनाहाॽ लाजेॽलाम् लाःक्कात् मे़लःत्तु मे़देॽरुसिआङ् मे़वाॽरो॥
खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिल्ले़ कुबाःन्जाक्किन् मे़न्इःत्ते मे़न्नाःत्ते मे़वये़, कर खुने़ॽ कुमाङ्हुप्पिन्, हे़क्क्याङ् यहवे दाङ्बे़ल्ले़ कुसे़वारोबा मोसाःल्ले़ खे़ङ्हाॽ पिरुसिबा के़रे़क् इङ्जाङ्हाॽ खे़ङ्हाॽरे़ मे़भेःन्दुआङ् वये़॥ खे़ङ्हाॽरे़ इङ्जाङ्हाॽ निनि खे़म्घे़म् मे़ल्लाप्तुन्, खे़ङ्हाॽ मे़न्इःत्तुन् मे़न्नाःत्तुन्नाङ्॥ कल्ले़चोगुल्ले़ कन् के़रे़क् पाःन्हाॽ पोःक्खे़आङ् वये़रो॥
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
Piblisite