दानिए़ल 9:4 - लिम्बु4 आङ्गाॽ लायोलाम् हिन्दाङ्ल यहवे दाङ्बा आनिङ्वाॽफुमाङ्ङिन् पेलि फाक्तुङ्लो— “दाङ्बाए, पयम् यम्बा नु किप्मा के़घुबा निङ्वाॽफुमाङ्ङे, खे़ने़ॽ मिःम्जि के़मे़प्पा नु खे़ने़ॽ के़इङ्जाङ् के़इःप्पा के़नाःप्पा के़रे़क्को खे़ने़ॽ लुङ्माॽ आदुक्तुक्पा के़माङ्हुप्पिन् के़गे़त्तुॽ, Gade chapit la |
दानिए़ल 9:4
30 Referans Kwoze
आप्फेक् आमिङ् के़बाःप्पा आङ्गाॽ आमनाहाॽरे़ चुङ्जिगे़न् पेलि मे़भाक्का, हे़क्क्याङ् आङ्गाॽ मे़गोःत्ताआङ् खुन्छिॽ फे़न्याःम्बक्लाम् मे़नुःङ्ने़भग्र आङ्गाॽ साङ्ग्राम्पेदाङ्लाम् खे़ङ्हाॽरे़ खुन्छिॽ पेलिगे़न् तुवान् खे़प्सुङ्ॽ, खम्भ्याङ् खे़ङ्हाॽरे़ खुन्छिॽ लायोन् ले़प्मि पिरुङ्सिङ्ङाङ् खुन्छिॽ लाजेन् नुॽदार चोगुङ्ॽ॥
“खे़ने़ॽ आनिगे निङ्वाॽफुमाङ्ने़रो! खे़ने़ॽग पयम् यम्बा, किप्मा के़घुबा नु मुक्के़गुबा निङ्वाॽफुमाङ्ने़रो! खे़ने़ॽ माङ्हुप् के़जोगुबान् आबाङे के़गे़त्तुरो, अस्सुरबा हाङ्हाॽरे़ आनिगे याप्मि खुम्मा मे़हेःक्तिगे़बा ये़म्माङ्धो आल्लो थारिक् आनिगे साॽरिक् तुक्खे च्ये़ॽइगे़आङ् वाॽरो! आनिगे हाङ्हाॽ, लाम्लोबाहाॽ, निङ्वाॽफुसाम्बाहाॽ, माङ्निङ्वाॽपान् के़बाःप्पाहाॽ, पाधे़बाहाॽ नु आनिगे के़रे़क् के़मनाहाॽरे़ तुक्खे तुमुम्बे़आङ् वाॽरो, आनिगे साॽरिक् तुक्खे चामनाआङ् वाॽ, खे़ने़ॽ निङ्वाॽ इःत्ते़ॽओ!
हे़क्क्याङ् खुने़ॽ पाःत्तुरो, “यहवे दाङ्बा, इस्राइलबा निङ्वाॽफुमाङ्ङे, थाःङ् साङ्ग्राम्पेदाङ्ङो नु मु इक्सादिङ् खाम्बेःक्मो खे़ने़ॽ हे़क्तङ्बा वेॽ निङ्वाॽफुमाङ् हाःत्ताङ् होप्लो—के़रे़क् सिक्लुङ्माॽरे़ चक्मे़ल्लॽए खे़ने़ॽ के़लाम् के़दिम्बा, खे़न् के़से़वारोबाहाॽनु खे़ने़ॽ माङ्हुप् के़जोगुआङ् चक्मे़ल्लॽए लुङ्माॽ के़दुक्तुसिॽ॥
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
ए़ज्रान् माङ्हिम्मिल्ले़ कुदगि कुधे़गेःक्किन् तर्घुॽ मे़त्तुआङ् पेलिगे़न् तुवा चोःक्नु, हाबे़र खे़ङ्हाॽरे़ लायो मे़जोगुबाए फाॽआङ् पाःत्तुर युङे़॥ इस्राइलबा ये़म्बित्छा, मे़न्छुमा नु हिन्जाॽबित्छाॽहाॽरे़न् लत्छा यम्बा मनालुप् थिक् खुने़ॽ कुघिरि मे़जुप्से़॥ मना लुप्पोबा मनाहाॽआङ् खुन्छिॽ निङ्वाॽ लोरे़र मे़हाबे़र मे़ये़बे़॥
आल्ल दानिए़लरे़ खे़न् इङ्जाङ्ङिन् लःन्दे़बा निङ्वाॽ खोसुआङ् खुने़ॽ कुहिम्मोबा थोसमा कुदाःत्लाओबा याक्फाङ्ङो पे, खे़प्मो पेधाःप्हाॽ यरुसले़म ले़प्माङ् हङ्बे़त् पत्छे़॥ तगि हे़क्केए खुने़ॽ थिक्याःन्ले़ सुम्ले़ङ् थुङ्बोॽहजॽ युङ्सिङ्ङाङ् निङ्वाॽफुमाङ्ङिन् नुगे़न् पिरुर पेलि फाक्तु॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
Piblisite