दानिए़ल 9:12 - लिम्बु12 आनिगे सम्धाङ् यम्बा तुक्खे लाक्खे के़दारुआङ् आनिगे तक्ले़ङ्वाओ नु आनिगे युक्साबाहाॽरे़ खुन्छिॽ तक्ले़ङ्वाओ के़बाःत्तुबा पाःन्हाॽ के़गे़त्तुआङ् वाॽ॥ यरुसले़ःम्मिन् ताप्फे़ःल्लिक् के़मे़त्तुबा कुइसिक् के़रे़क् ताङ्साङ्बे़ल्ले़ कुसिगाङ् आभे़ल्ले़आङ् मे़न्जोःक्के के़वाॽ॥ Gade chapit la |
दानिए़ल 9:12
31 Referans Kwoze
“कप्मोलाम् के़बोङ्बाआङ् के़बेःक्पा लाम्दिःक्पाहाॽ के़रे़क्ले़ लागि थे आङ्गाॽ थे़माआङ् मे़ःन्नाबि? के़रे़क् पिसाङ् ओमे़त्ते़म्मे़ॽआङ् ओमुये़म्मे़ॽओ॥ यहवे दाङ्बे़ल्ले़ किप्मागे़घुबा कुसिक् पोःक्मा ये़न्नो खुने़ॽ आङ्गाॽ तुमुङ्बा आदुक्खेन् हे़क्के वेॽ आत्तिन् मनाःल्ले़ आभे़ल्ले़ ये़त्तुक्खे तुमुआङ् वाॽबि?
आङ्गाॽ आसे़वारोबाहाॽरे़ खुन्छिॽ पाःन्निन् निःन्धो चोगुङ्लो, हे़क्क्याङ् आइङ्घङ् के़साबाहाॽरे़ खुन्छिॽ माङ्निङ्वाॽपान्निन् कुलिङ्दो के़त्तुङ्लो॥ आङ्गाॽ यरुसले़म ये़क्यक्किल्ले़ कुयाःम्बेओ अक्खे पाःत्तुङ्लो, ‘खे़न् मनाहाॽरे़ खुन्छिॽ युङ्मादे़न् पोङ्लो,’ आङ्गाॽ यहुदाबा ये़क्यक्हाॽरे़ कुयाःम्बेओ कम्भ पाःत्तुङ्लो, ‘खे़ङ्हाॽ याम्मो चोःक्मा पोङ्लो,’ आङ्गाॽ खे़न् मे़धुप्सु मे़यसुबादे़न्हाॽरे़ कुयाःम्बेओ अक्खे पाःत्तुङ्लो, ‘आङ्गाॽ याम्मो से़त्तुङ् चोगुङ्लो॥’
यहवे दाङ्बे़ल्ले़ थेःन् चोःक्मा निङ्सेक् चोगुआङ् वये़, खुने़ॽ थेःन् उवा चोगुआङ् वये़, आम्भा खे़न् चोःक्मा इःत्तुबे़न् के़त्तुरो॥ कुलुङ्माॽ स्याःत् मे़ल्लॽए खे़ने़ॽ चिल्ले़क् के़ले़क्खे़ के़देसे़रो, खुने़ॽ निङ्मिहाॽ खे़ने़ॽ के़सम्धाङ् मे़सःत्ते़र याःन्दुसिरो, खम्भ्याङ् के़अत् के़बाङ्हाॽ पधुम् के़धुम्बा चोगुसिरो॥
यरुसले़ःम्मिल्ले़ कुस्सा मे़न्छुमाए, खे़ने़ॽ के़लागि आङ्गाॽ थे पाःप्तुङ्बाबे? आङ्गाॽ खे़ने़ॽ थेःन्नु कुदङ्बा तङ्ने़बाबे? सियोनरे़ कुस्सा मे़न्छ्याए, हाङ्हाङ् मे़प्मारे़ लागि खे़ने़ॽ थेःन्नु तङ्ने़बाबे? के़याङ्घेःक्किन् वरःङ् हे़क्के कुदिम्बे केःम्बा चोक्लो, हाःत्ले़ खे़ने़ॽ के़नुॽर याःम्मा के़सुक्काङ्बे?
ओमे़त्ते़ॽ, से़न्दिक् आङ्गाॽ अक्तङ्बा सुफो निसुङ्, आङ्गाॽ आदगि मनाधिक्ले़ हे़ःत्ताङ्बा अन्निन् युक्तुआङ् वये़॥ खुने़ॽ पाक्लुम्लुम्बा ते़न्नोबा थक्मेःप्पा लाओ के़भे़क्पा सिङ्बुङ्हाॽरे़ कुलुम्मो ये़बे़गरे़, हे़क्क्याङ् खुने़ॽ कुएगाङ् ले़प्माङ् हे़ःत्के़लॽबा, हे़ःत्यङ्यङ्बा नु फगे़रॽबा अन्हाॽआङ् मे़वये़॥
कर आङ्गाॽ आसे़वारोबाहाॽ, आङ्गाॽ आमाङ्निङ्वाॽपान् के़बाःप्पाहाॽ इङ्जाङ् पिरुङ्सिङ्बा आबाःन्जाःक्हाॽ नु आङ्गाॽ आइङ्जाङ्हाॽरे़ थे खिनिॽ पाधे़बाहाॽ मे़गाःक्तुसिन्नाङ् मे़वये़म्बि? खे़ब्याङ् लायोलाम् मे़हिन्दे़आङ् खे़ङ्हाॽरे़ मे़बाःत्तु, “मुक्साम्दाङ्बा यहवे दाङ्बे़ल्ले़ आनिगे सुत्ना नु ये़प्ले़क् कुइसिक् आनिगे थे़मा मे़प्मा निःन्धो चोगुआङ् वये़ खे़न् आनिगे़नु चोगुआङ् वाॽरो॥”
खागे़माक्पा नु मुदोखाम्दोबा ये़न् पोङ्लो, माक्सिःङ्ग्याःप्पा नु मुगे़दःम्बा ये़न् पोङ्लो॥ कोःक्मा फाङ्जङ् थे़गुहाॽओ खाओःप्मान् से़बा हे़क्के मुक्के़गुबा थक्सुबाहाॽ कुइसिक् साॽरिक् यरिक् निःङ्घुक्वाहाॽ मे़दारो॥ तगि हे़क्तङ्बा आप्फाल्ले़आङ् मे़म्बोङ्ङे वये़रो हे़क्क्याङ् याम्मो थाःक्थाःक्को थारिक् आभे़ल्ले़आङ् मे़बोङ्ने़न्लो॥
खे़न्नुःल्ले़ग, खे़ङ्हाॽरे़ खुन्छिॽ सुफोहाॽ इङ्ले़क्पा चोक् हे़क्क्याङ् मे़न्वाॽमनाबा माङ्निङ्वाॽपान्हाॽ मे़बाःत्तु॥ यहवे दाङ्बे़ल्ले़ खे़ङ्हाॽ आप्फाल्ले़आङ् मे़बाङ्घुसिन्छाङ् खे़ङ्हाॽरे़ अक्खे मे़बाःत्तुॽ, “कन् इङ्घङ्ङिन्ग यहवे दाङ्बालाम् के़दाबारो॥” हे़क्केसाङ् खे़ङ्हाॽरे़ खुन्छिॽ माङ्निङ्वाॽपान्हाॽ खुने़ॽ के़त्तुर के़लॽबा निङ्साङ् मे़जोगुॽ!
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
“खे़ने़ॽ पेगे़ॽआङ् इथोपियाबा एबेद-मेलेके़न् मे़त्ते़ॽ, ‘मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ—आङ्गाॽ कन् ये़क्यक्किन् यङ्मा से़रुङ्ङाङ् वाॽआबा के़रे़क् पाःन्हाॽ आङ्गाॽ चोगुङ्ॽ॥ आङ्गाॽ नुॽमादामा मेःन्, मे़क्मासिमे़न् पाङ्घुङ्ॽ॥ कल्ले़ कुमे़क्मा सिमे़न् खे़ने़ॽ के़निसुॽ,
यहवे दाङ्बे़ल्ले़ कुदक्ले़ङ्वाओ खिनिॽ लायो के़जोगुम्बा नु नावाइत्लाहाॽओ सुक्पा के़हाःन्दुम्बाल्ले़ चोगुल्ले़ कन् के़रे़क् किप्मा के़घुबा पाःन्हाॽ पोःक्खे़बारो॥ खुने़ॽ कुइङ्जाङ्हाॽ इःप्मा नाःप्मा के़न्दे़न्दिन् हे़क्क्याङ् खुने़ॽ कुइङ्जाङ्हाॽ, कुधिम्हाॽ नु कुभाङ्हाॽ मे़न्इःत्ते मे़न्नाःत्ते के़वयिॽ॥”
“खे़न् ये़म्मो तुम् माङ्लाइङ्बा मिखाएले़न् ओसेःन्धाङ् पोङ्ङाङ् खुने़ॽ के़मनाहाॽ ताङ्से़ःप्तुसिॽ॥ मे़न्छाम् याप्मिहाॽरे़ खुन्छिॽ हेःक्सिङ्मा पोःक्खे़आङ्धो खे़न् ये़म्मो थारिक् हे़क्तङ्बा आप्फाल्ले़आङ् मे़म्बोङ्ङे के़वाॽबा अक्तङ्बा साॽरिक् तुक्खे लाक्खेरे़ ये़म् तारो—कर साप्पन्नो मिङ् साप्ते़आङ् के़बप्पा के़रे़क् के़मनाहाॽ ताङ्मे़से़ःप्लो॥
मुक्साम्दाङ्बा यहवे दाङ्बे़ल्ले़ कुयाम्साम्मोलाम् तगि तगिबा माङ्निङ्वाॽपान् के़बाःप्पाहाॽलाम् पिरुसिबा साम्योथिम्मिन् नु इङ्घङ्ङिन् खे़म्मा खे़ङ्हाॽ मे़न्दे़न्दे़न्, हे़क्क्याङ् खे़ङ्हाॽरे़ खुन्छिॽ निङ्वान् लुङ्से़रुङ्बा कुइसिक् के़साःक्पा मे़जोगु॥ कल्ले़चोगुल्ले़ मुक्साम्दाङ्बा यहवे दाङ्बे़न् साॽरिक् कुयाःक्ले़ॽरे़॥
Piblisite