मिस्र लाजेॽ, यहुदा, ए़दोम, अम्मोन, मोआबिहाॽ हे़क्क्याङ् ने़सिःम्बोबा थे़गेःक्इ ताङ्ब् ताङ्बा के़घक्पा मुरे़क् खारे़क्पा ये़ःङ्दे़न्नो के़युङ्बाहाॽ के़रे़क् आङ्गाॽ खुम्दिङ् पिरुङ्सिङ्ॽ॥ कन् सुवाङ्हाॽ नु इस्राइलिहाॽरे़न्नाङ् सिक्लुङ्मो हर्दो हे़क्मा याःम्बक् मे़म्बोङ्ङे वाॽरो॥”
दानिए़ल 9:11 - लिम्बु11 खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥ Gade chapit la |
दानिए़ल 9:11
30 Referans Kwoze
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
यहवे दाङ्बे़ल्ले़ कुदक्ले़ङ्वाओ खिनिॽ लायो के़जोगुम्बा नु नावाइत्लाहाॽओ सुक्पा के़हाःन्दुम्बाल्ले़ चोगुल्ले़ कन् के़रे़क् किप्मा के़घुबा पाःन्हाॽ पोःक्खे़बारो॥ खुने़ॽ कुइङ्जाङ्हाॽ इःप्मा नाःप्मा के़न्दे़न्दिन् हे़क्क्याङ् खुने़ॽ कुइङ्जाङ्हाॽ, कुधिम्हाॽ नु कुभाङ्हाॽ मे़न्इःत्ते मे़न्नाःत्ते के़वयिॽ॥”
मुक्साम्दाङ्बा यहवे दाङ्बे़ल्ले़ कुयाम्साम्मोलाम् तगि तगिबा माङ्निङ्वाॽपान् के़बाःप्पाहाॽलाम् पिरुसिबा साम्योथिम्मिन् नु इङ्घङ्ङिन् खे़म्मा खे़ङ्हाॽ मे़न्दे़न्दे़न्, हे़क्क्याङ् खे़ङ्हाॽरे़ खुन्छिॽ निङ्वान् लुङ्से़रुङ्बा कुइसिक् के़साःक्पा मे़जोगु॥ कल्ले़चोगुल्ले़ मुक्साम्दाङ्बा यहवे दाङ्बे़न् साॽरिक् कुयाःक्ले़ॽरे़॥
यहुदा नु इस्राइलबा यक्युङ्बासे! आक्खेलॽरिक् मे़न्छाम् सुवाङ्हाॽरे़ खुन्छिॽ लुम्मो खिनिॽ माङ्दे साङ्ग्रा चाहाक् के़बोःक्खिआङ् वये़, खे़ल्ले़चोगुल्ले़ आङ्गाॽ खिनिॽ ताङ्से़ःप्निङ्ॽ हे़क्क्याङ् खिनिॽ हाङ्वागे़न् मुॽइसाम्रे़ कुबुङ् के़बोःक्खिॽ॥ “खिनिॽ मे़गिसे़म्मिन्ने़ॽ, कर खिनिॽ हुक्हाॽ के़धुम्बा पोङ्ल॥”
खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिल्ले़ कुबाःन्जाक्किन् मे़न्इःत्ते मे़न्नाःत्ते मे़वये़, कर खुने़ॽ कुमाङ्हुप्पिन्, हे़क्क्याङ् यहवे दाङ्बे़ल्ले़ कुसे़वारोबा मोसाःल्ले़ खे़ङ्हाॽ पिरुसिबा के़रे़क् इङ्जाङ्हाॽ खे़ङ्हाॽरे़ मे़भेःन्दुआङ् वये़॥ खे़ङ्हाॽरे़ इङ्जाङ्हाॽ निनि खे़म्घे़म् मे़ल्लाप्तुन्, खे़ङ्हाॽ मे़न्इःत्तुन् मे़न्नाःत्तुन्नाङ्॥ कल्ले़चोगुल्ले़ कन् के़रे़क् पाःन्हाॽ पोःक्खे़आङ् वये़रो॥
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
कर आङ्गाॽ आसे़वारोबाहाॽ, आङ्गाॽ आमाङ्निङ्वाॽपान् के़बाःप्पाहाॽ इङ्जाङ् पिरुङ्सिङ्बा आबाःन्जाःक्हाॽ नु आङ्गाॽ आइङ्जाङ्हाॽरे़ थे खिनिॽ पाधे़बाहाॽ मे़गाःक्तुसिन्नाङ् मे़वये़म्बि? खे़ब्याङ् लायोलाम् मे़हिन्दे़आङ् खे़ङ्हाॽरे़ मे़बाःत्तु, “मुक्साम्दाङ्बा यहवे दाङ्बे़ल्ले़ आनिगे सुत्ना नु ये़प्ले़क् कुइसिक् आनिगे थे़मा मे़प्मा निःन्धो चोगुआङ् वये़ खे़न् आनिगे़नु चोगुआङ् वाॽरो॥”
Piblisite