दानिए़ल 8:4 - लिम्बु4 खे़न् थुःम्बाःल्ले़ नाम्धा नु थाङ्गे़त् हे़क्क्याङ् लाङ्गे़त् पिसाङ् थोःक्खुर यागे़बा आङ्गाॽ ओमे़त्तुङ्॥ खे़ल्ले़ कुदक्ले़ङ्वाओ हाःत्ताङ् ये़प्मा मे़सुक्ते़न् हे़क्क्याङ् खे़ल्ले़ कुमुक्साम्लाम् आत्तिन्नाङ् से़ःप्सिङ्मा मे़सुक्ते़न्॥ खे़ल्ले़ थे चोःक्मा निङ्वाॽ इःत्तु, हाबा खे़न्ने चोगुआङ् पयम् यम्बा पोःक्खे़॥ Gade chapit la |
दानिए़ल 8:4
18 Referans Kwoze
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
साॽरिक् कुसाक्के़न् पोगे़आङ् खे़ल्ले़ मे़ल्लुक्के़न् चिधोःङ् चिधोःङ् थोःक्खु हे़क्क्याङ् कुदाङ्हाॽ ने़प्माङ् ए़क्खु पिरुबा आङ्गाॽ निसुङ्॥ खे़ल्ले़ कुदक्ले़ङ्वाओ ये़प्मारे़ लागि खे़न् मे़ल्लुक्के़न् मे़न्धुम्मनाबा पोःक्खे़॥ खे़न् मे़ःन्दबकाःल्ले़ खाम्बाङ्ङो खे़न् थाप्सुआङ् चिराक् चिराक् लाःक्तु, हे़क्क्याङ् खे़ल्ले़ कुमुक्साम्लाम् मे़ल्लुक्के़न् से़म्मा हाःत्ले़आङ् मे़सुक्तुन्॥
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
“खे़ब्याङ् आङ्गाॽ आदगिबा निसिगेक्पा ताम्भुङ् थक्सान् माःॽयु हे़क्तङ्बा निदे़त्ते़॥ खे़ल्ले़ कुधक्किन् थिक् ले़प्माङ्लाम् थाःङ् मे़भोःक्खु, हे़क्क्याङ् खे़ल्ले़ कुम्ब्राओबा कुहाबोॽबाहाॽओ सुम्सि साबिम्बाहाॽ पत्छे़॥ खे़न् अक्तङ्बा इङ्जाङ् मे़बिरु—‘पोगे़ॽ, हे़क्क्याङ् के़सुक्सुक् सा च्ये़ॽ!’
खुने़ॽ खे़न् यम्बा ताक्फा पिरुबाल्ले़ चोगुल्ले़ मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ मे़गिरुआङ् मे़यक्खे़॥ हाङ्ङिल्ले़ आत्तिन् से़प्मा निङ्वाॽ चोगु, खे़न् से़रु हे़क्क्याङ् आत्तिन् ताङ्मा निङ्वाॽ चोगु, खे़न् ताङ्घु, आत्तिन् यम्बा चोःक्मा निङ्वाॽ चोगु, खे़न् यम्बा चोगु, खम्भ्याङ् आत्तिन् चुक्पा चोःक्मा निङ्वाॽ चोगु, खे़न् चुक्पा चोगु॥
हाङ्वा माङ्वाओ खे़न् तगि के़धाप्पा पित्सात् हे़क्के लॽरो, खे़ल्ले़ कुदाङ्ङिन् ताम्भुङ् साःङ्वे़त्तिल्ले़ कुदाङ्लो॥ कन् कुदाङ्हाॽरे़ इक्सादिङ् खाम्बेःक्मे़ल्ले़ नासमा कुयाओबा मे़न्छाम् सुवाङ्हाॽआङ् थोःक्खुसिरो॥ इफ्राइमबाहाॽ कम्भलॽरिक्के थिबोङ् हे़न्छिङ् हे़न्छिङ् मे़बोङ्लो, मनस्सेबाहाॽ अक्खेलॽरिक्के हे़न्छिङ् मे़बोङ्लो॥”
Piblisite