दानिए़ल 8:2 - लिम्बु2 आङ्गाॽ आसुफोओ आङ्गाॽ आप्फेक् एलाम ते़ङ्गप्पोबा सुसन हाङ्यक्को वयाङ्बा निसुङ्, सुफोओ आङ्गाॽ उलै वालाम्मिल्ले़ कुबेसाङ् वयाङ्॥ Gade chapit la |
दानिए़ल 8:2
24 Referans Kwoze
“एलामे़न् खे़प्मो ताभेःल्ले़ मे़से़रुसिबा खुने़ॽ के़रे़क् कुधक्सुबा सुम्हाॽरे़ खुन्छिॽ इपुङ्हाॽरे़ कब्रिङ् मे़गबुआङ् ने़रो, खे़ङ्हाॽरे़ आत्तान्छाङ् मनाहाॽ खुन्छिॽ सिक्लुङ्मो मे़गिसे़र मे़याःन्दुसि, कर आल्लो खे़ङ्हाॽ आसुसुबा मे़न्छाम् सुवाङ् कुइसिक् इक्सादिङ् खाम्बेक् सिगाङ् मे़ये़आङ् मे़वाॽ॥ आल्लो खे़ङ्हाॽ लुम्बाःत्तो मे़ने़रो हे़क्क्याङ् खुन्छिॽनुःल्ले़ तगि के़युबाहाॽनु कुदङ्बा सिरिङ्ममो मे़ध्ये़आङ् मे़वाॽ॥
आल्ल हाङ्ङिल्ले़ कुइङ्जाङ् नु कुइङ्जाङ्ङिन् इङ्भन् पोःक्खे़, हे़क्क्याङ् हेगेःल्ले़ कुलक्पे़न्नो पिमारे़ लागि यरिक् मे़न्छ्याहाॽ हाङ्पाङ् सुसनओ मे़दारुसि, खे़ब्याङ् ए़स्तररे़न्नाङ् मे़न्छुमाहाॽ कम्ब्राङ् के़मे़प्पा हेगेःल्ले़ कुलक्पे़न्नो पिमारे़ लागि हाङ्हिम्मो मे़देॽरु॥
किप्मा के़घुबा लत्छा सुफोधिक् आङ्गाॽ ओसेःन्मे़धाक्ताङ्लो— इङ्ले़क् के़जोःक्पे़ल्ले़ इङ्ले़क्के चोगुरो, हे़क्क्याङ् के़मे़ङ्बे़ल्ले़ मे़क्खुरो॥ एलामबा थक्सुबासे, ते़न्धङ् चोगे़म्मे़ॽओ, मादिबा थक्सुबासे, ये़क्यक्हाॽ कब्रिङ् कबाम्सिम्मे़ॽओ बेबिलोनबाहाॽरे़ मे़याःत्ल मे़याःन्दुसिबान् आङ्गाॽ नुप्सुङ् पिरुङ्सिङ्लो॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
इङ्गाॽ निसुङ्बा सुफोओ अन्हाॽ नु अन् के़युक्पाहाॽ अक्तङ्बा मे़जोगे़—खे़ङ्हाॽरे़ खुनिॽ सङ्बेॽ से़ःप्चाङ्ङिन् मि हे़क्के हे़ःत्ताङ्बा, कुभिङ्लुङ् हे़क्के फिङ्दाङ्बा नु कान्धाक् हे़क्के अम्दाङ्बा चोगे़रो॥ हे़क्क्याङ् अन्हाॽरे़ खुनिॽ थे़गेक्पाङ्ग खिरिङ्बाल्ले़न् कुइसिक् चोगे़, हे़क्क्याङ् खे़ङ्हाॽरे़ खुनिॽ मुराओलाम् मि, मिःक्खुॽ नु कान्धाक्किन् लःन्दे़रो॥
आङ्गाॽ तङ्बे सुम्बोङ् के़राङ्बा लिसिगेक्पा ला ङासिगेक्पा ये़न्नो, लाजेॽलाम् मे़लःत्तु मे़देसुसिबा यहुदाबा सङ्जुम्भोहाॽनु सोरिक् बेबिलोन लाजेॽओबा कबार वहःङ्ङिल्ले़ कुयाओ आङ्गाॽ इजकिएःल्ले़न् वयाङ्ङिल्ले़ ताङ्साङ्बे़न् हरे़ हे़क्क्याङ् आङ्गाॽ निङ्वाॽफुमाङ्ङिल्ले़ कुसुफोहाॽ निसुङ्॥
Piblisite