दानिए़ल 8:11 - लिम्बु11 खे़न् आप्फेक् साङ्ग्राम्पेदाङ्बा थक्सुबाहाॽरे़ खुन्छिॽ थक्मोबा यारिक् यम्बा चोःक्सिङ्॥ खे़ल्ले़ यहवे दाङ्बे़ल्ले़ थिक्याःन्धक्पा कुसिदुङ्जभाःन् नाप्तु, हे़क्क्याङ् खुने़ॽ कुसेसेदे़न्निन् यो मक्थासु॥ Gade chapit la |
दानिए़ल 8:11
28 Referans Kwoze
खे़ल्ले़ इङ्ले़क्किन् कुलिङ्दो के़त्ल याःन्दुॽ हे़क्क्याङ् खुने़ॽ आप्फेक् यम्बा लेःत्छिङ्ॽ॥ आल्ल खे़ङ्हाॽरे़ कम्ब्राङ्ङो मे़वाॽबा निङ्वाॽ मे़इःत्तुल्ले़ खे़ल्ले़ यरिक् मे़क्खुसिॽ हे़क्क्याङ् के़रे़क् हाङ्हाॽनुःल्ले़ यम्बा हाङ्ङिल्ले़ कुदक्ले़ङ्वाओ खे़न् पोक्॥ हे़क्केसाङ् खे़न् मे़क्, कर आत्तिन् मनाःल्ले़ कुमुक्साम्लाम्माङ् मेःन्॥
काक् पाःन्हाॽग निङ्वाॽफुमाङ्ङिल्ले़न्लो, हे़क्क्याङ् काक् पाःन्हाॽग कुमुक्साम्लाम्बा नावागे़न् चइःत्तिन् ने़स्से़बारो॥ खे़ल्ले़चोगुल्ले़ निङ्वाॽफुमाङ्ङिल्ले़ ये़सुन् इनोगे़न् तुक्खेलाम्बा कुलिङ्दो के़त्तुल्ले़ नुबा नु कुदङ्बा पान् चोगुरो॥ हे़क्केलॽरिक् ये़सुरे़ यरिक् मुॽइदाङ्साहाॽ से़न्लप्पो लाम्लोसुसिॽआङ् कुमिमिदिङ्ङिल्ले़न् लक्के़घोबा मे़बोःक्खे़रो॥
खे़न्नुःल्ले़ग साङ्ग्राम्पेदाङ्बा यहवे दाङ्बे़ल्ले़ कुदक्ले़ङ्वाओ आप्फेक् के़बोगे़आङ् के़वाॽ॥ आदाङ्बारे़ खुने़ॽ कुहिम्मोबा चल्लाङ्ना खोर्याहाॽ खे़ने़ॽओ ताःप्मा के़बाङ्घुसि, हे़क्क्याङ् आदाङ्बा नु आदाङ्बारे़ के़सुहाङ्युक्पाहाॽ, आदाङ्बारे़ के़मेःत्हाॽ नु के़जक्मेःत्हाॽरे़ खे़न् सामाहाॽओ चे़ल्ले़क्सेॽ थि के़धुङुम्॥ खे़ब्याङ् मिक्मे़न्निमनाबा, नामे़ङ्घे़म्मनाबा नु खासिङ् मे़न्निःप्नाबा युप्पा, साम्म्याङ् कासा, फे़न्जेॽ, सिङ् नु लुङ् माङ्हाॽ मिङ्सो इङ्धाङ् के़बिरुम्सिम्॥ कर आदाङ्बारे़ के़हिङ्मन् नु आदाङ्बारे़ के़लाम्हाॽ हुक्को के़गप्पा कन् निङ्वाॽफुमाङ्ङिन् आदाङ्बारे़ मिङ्सो इङ्धाङ् के़म्बिरुन्॥
कन् पाःन्नो निङ्वाॽ पिरे़ॽ हे़क्क्याङ् कुसिङ्निःत्ते़ॽ, यरुसले़ःम्मिन् याम्मो चोःक्मा नु याम्मो तोःम्मारे़ लागि कन् इङ्जाङ्ङिन् इङ्भन् पोःक्खे़बा ये़म्माङ्धो माङ्थोःक्ना के़बोङ्बा मनान्, इग्र युक्साबा थिक् मे़न्दाए थारिक्, नुसि ‘नुसिहाॽ’ नु तुक्पोङ्ङाङ् ने़त्छि ‘नुसिहाॽ’ पोङ्ॽ॥ माराम्हाॽ नु ये़क्यक् कब्रिङ् पाक्लुम् के़लॽबा ते़न्हाॽ सोसोरिक् कन् याम्मो मे़जोगुॽ, कर तुक्खेलाक्खेबा ये़म् पोङ्ॽ॥
Piblisite