हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
दानिए़ल 7:11 - लिम्बु11 “खे़ब्याङ् कन् कुदाङ्ङिल्ले़ आङ्दिङ् लॽमा पाःन्हाॽ पाःत्तुर पत्छे़बाल्ले़ चोगुल्ले़ आङ्गाॽ ओमे़त्तुङ्ङाङ् पत्छाङ्॥ खे़न् ताम्भुङ् थक्सान् मे़स्ये़रुआङ् मिधुङ् मिराःक्को लाप्मे़देसु हे़क्क्याङ् खे़ल्ले़ कुधक्किन् खाप्पुथ्यःङ् मे़बोःक्खे़न्ल थे़म्बा आङ्गाॽ ओमे़त्तुङ्ङाङ् पत्छाङ्॥ Gade chapit la |
दानिए़ल 7:11
14 Referans Kwoze
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
“आल्ल आङ्गाॽ खे़न् कुदाङ्हाॽरे़ कुयाःम्बेओ इःत्छिङ्ङार पत्छाङ्ङिल्ले़ आङ्गाॽ आदगि लत्छा चुक्सा कुदाङ् थिक् खे़ङ्हाॽओलाम् लिङे़आङ् युङे़, हे़क्क्याङ् तगिबा कुदाङ्हाॽओबा सुम्सिग खे़ल्ले़ कुदगि कुबुङ् थे़र्ले़ हाॽयाक् मे़आगे़॥ मना मिक् हे़क्तङ्बाए कन् कुदाङ्ङिल्ले़ कुमिक् पत्छे़, हे़क्क्याङ् आङ्दिङ् पान् के़बाःप्पा खे़ल्ले़ कुम्ब्रा पत्छे़रो॥”
खे़ल्ले़ इङ्ले़क्किन् कुलिङ्दो के़त्ल याःन्दुॽ हे़क्क्याङ् खुने़ॽ आप्फेक् यम्बा लेःत्छिङ्ॽ॥ आल्ल खे़ङ्हाॽरे़ कम्ब्राङ्ङो मे़वाॽबा निङ्वाॽ मे़इःत्तुल्ले़ खे़ल्ले़ यरिक् मे़क्खुसिॽ हे़क्क्याङ् के़रे़क् हाङ्हाॽनुःल्ले़ यम्बा हाङ्ङिल्ले़ कुदक्ले़ङ्वाओ खे़न् पोक्॥ हे़क्केसाङ् खे़न् मे़क्, कर आत्तिन् मनाःल्ले़ कुमुक्साम्लाम्माङ् मेःन्॥
हे़क्क्याङ् इङ्गाॽ यम्बा चुक्पा काक् के़सिबाहाॽ खे़न् हाङ्युक्ना तगि मे़ये़बे़बा निसुङ्सिङ्, हे़क्क्याङ् खे़प्मो साप्पन्हाॽ मे़हन्दे़॥ खे़प्मो वेॽ साप्पन्धिक्काङ् हन्दे़॥ खे़ङ्ग हिङ्मन्ले़न् साप्पन्लो॥ हे़क्क्याङ् खे़न् साप्पन्हाॽओ साप्ते़आङ् पत्छे़बा के़सिबाहाॽरे़ मे़जोगुबा खुनिॽ याःम्बक् कुइसिक् खुनिॽ खासे़न् पोःक्खे़रो॥
हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
Piblisite