दानिए़ल 6:4 - लिम्बु4 खे़ब्याङ् युक्साबाहाॽ नु हाङ्जुम्मोबा यम्बा सुहाङ्गे़म्बाहाॽरे़ दानिए़ले़न् आप्तिक् कुःप्मारे़ लागि हाङ्जुम्बा याःम्बक्हाॽओ खुने़ॽ फेःन्दुबा पाःन्हाॽ कोःप्मा मे़हेःक्तु, कर खे़ङ्हाॽरे़ हे़क्के चोःक्मा मे़न्छुक्तुन्॥ खे़ङ्हाॽरे़ खुने़ॽओ थे़माआङ् फे़न्याःम्बक् खोमा मे़न्छुक्तुन्, थेआङ्भे़ल्ले़ खुने़ॽ निङ्वाॽइरे़ खोःप्तुबा हे़क्क्याङ् कुदोःप्मा याःम्बक् के़जोःक्पा नु कुबाःप्पाःत् पे़र्गे़क् वर्गे़क्काङ् मे़न्जोःक्मनाबा वये़॥ Gade chapit la |
दानिए़ल 6:4
32 Referans Kwoze
के़रे़क्ले़ मुरा मुसिक् मुसिक् लॽरिक् मे़बाःत्तुबान् खे़प्सुङ्लो, “के़रे़क् पिसाङ् किमा यङ्मारक् वाॽरो, कल्ले़ कुदक्ले़ङ्वाओ आनिॽ सुहाङ्युक्पाहाॽओ लुङ्हाःन्पान् युक्खुम्लो!” आङ्गाॽ कुस्साङ् मे़ल्लःम्मनाबा पोङ्ङाबान् आनिःत्ताङ्बा आन्जुम्हाॽरे़आङ् मे़हाङ्घुर मे़वाॽरो॥ खे़ङ्हाॽरे़ मे़बाःत्तुॽ, “से़क्खाःल्ले़ खे़न् फे़न्पाःन्नो थाबिलारो, हे़क्केःल्ले़ खे़ल्ले़ ताप्फे़ःम्बा कुबाःन्निन् आघोसुम्माङ् खे़न् कुले़क्वा नुःक्मा आसुक्तुम्बिलारो॥”
कर यहवे दाङ्बाए, आङ्गाॽ से़प्मारे़ लागि खे़ङ्हाॽरे़ चे़म्भन् मे़जोगुरो खे़न् के़रे़क् खे़ने़ॽ के़दगि नुरिक्काङ् थाबे़आङ् वाॽरो॥ खे़ङ्हाॽरे़ खुन्छिॽ कुॽइभे़म्मान् ले़प्मि मे़बिरे़से़न्ने़ॽओ हे़क्क्याङ् खे़ङ्हाॽरे़ खुन्छिॽ लायोन् मे़घे़त्ते़न् मे़बिरे़से़न्ने़ॽओ॥ खे़ङ्हाॽ हारिमे़दार याःन्दे़से़ॽआङ् सोःन्दे़से़ॽओ हे़क्क्याङ् खे़ने़ॽ के़साक्के़न् पोःक्पा हे़क्केए खे़ङ्हाॽरे़ खोमा मे़यारुबा खुम्दिङ् पिरे़से़ॽओ॥”
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
अहिमे़ले़क्किल्ले़ नोगप् पिरु, “आदाङ्बारे़ के़रे़क् के़सेवोरोबाहाॽओ दाउद हे़क्तङ्बा नसान् चोःक्मा सुक्के़दे़प्पा सुम्बोधासाबा मना, हाङ्ङिल्ले़ए कुम्बाङ्लुमिॽ, आदाङ्बा कम्ब्राङ् के़मे़प्पाहाॽरे़ खुनिॽ थक्पेबा, आदाङ्बारे़ के़हिम्सयङ्ङो मिङ्सो इङ्धाङ् के़घोबा दाउद हे़क्तङ्बा मना वेॽ हात् वाॽबे?
आङ्गाॽ आनिङ्वाॽफुमाङ्ङिल्ले़ कुमाङ्लाइङ्बान् पाङ्घुयुसु, हे़क्क्याङ् खे़ल्ले़ खिरिङ्बाहाॽरे़ खुन्छिॽ मुरान् हुॽरु पिरुसि॥ खे़ङ्हाॽरे़ आङ्गाॽ चबे़ःत्छिक्काङ् मे़घाःन्दाङ्बा होप्, थेआङ्भे़ल्ले़ खुने़ॽ कुनिमो आङ्गाॽ कुदोःप्मा चोगाङ्॥ पयम् हाङ्ङे, आदाङ्बारे़ के़दगिआङ् आङ्गाॽ थेआङ् फे़त्लाःन्दुङ्बा होप्॥”
कन् दानिए़ल मिङ् के़वाःप्पा मनान् हाङ्ङिल्ले़ खुने़ॽ बेलतसजर मे़त्तु, कुनिङ्वा हागे़सुक्पा नु सिक्कुम्साबा हे़क्क्याङ् खासिङ्गे़निःप्पा चोगे़बा खोदे़त्ते़ हे़क्क्याङ् खे़न्नु सोसोरिक् खे़ल्ले़ से़प्माङ्ङिल्ले़ कुबे हम्मा, आप्तोहाॽ फाःङ्मा हे़क्क्याङ् के़साक्पा पाःन्हाॽ तङ्माआङ् सुक्तु॥ दानिए़ले़न् उःत्ते़ॽ, खे़ब्याङ् खुने़ॽ कन् साप्ते़आङ् के़बप्पे़ल्ले़ कुबेन् खे़ने़ॽ मे़प्मा के़सुक्लो॥”
Piblisite