दानिए़ल 6:16 - लिम्बु16 कल्ले़चोगुल्ले़ हाङ्ङिल्ले़ खे़ङ्हाॽ इङ्जाङ् पिरुसि हे़क्क्याङ् खे़ङ्हाॽरे़ दानिए़ले़न् मे़दे़म्सुआङ् थे़रिङ्बे़ल्ले़ कुघरओ लाप्मे़भुसु मे़याक्तु॥ हाङ्ङिल्ले़ खुने़ॽ मे़त्तु, “खे़ने़ॽ चक्मे़ल्लॽए माङ्से़वा के़मे़त्तुबा के़निङ्वाॽफुमाङ्ङिल्ले़ खे़ने़ॽ ताङ्गे़से़ःप्लरो!” Gade chapit la |
दानिए़ल 6:16
28 Referans Kwoze
खे़न् एगाङ् नबुकदनेसररे़ मे़त्तुसि, “सद्रक, मेसक नु अबेद्नगोरे़ खुन्छिॽ निङ्वाॽफुमाङ्ङिल्ले़ कुनारा पोररो, खुने़ॽ कुमाङ्लाइङ्बे़न् पाङ्घुआङ् कुसे़वारोबाहाॽ ताङ्से़ःप्तुसि॥ खे़ङ्हाॽरे़ खुने़ॽ नसान् मे़जोगु, खे़ङ्हाॽ आङ्गाॽ आइङ्जाङ्ङिन् खे़म्मा मे़न्दे़न्दे़न् हे़क्क्याङ् खुन्छिॽ हिङ्मे़न् आप्फेक् के़साक्पो मे़धासु॥ खे़ङ्हाॽरे़ खुन्छिॽ आप्फेक् निङ्वाॽफुमाङ्ङिन्नाङ्धो वेॽ आत्तिन् माङ्ङिन्नाङ् साबन् मे़भन्छिङ्ङाङ् माङ्से़वा मे़म्मे़त्तुन्॥
खे़ने़ॽ च्वाःत्लाम्बा के़बोङ्ङाङ् के़बेःक्किल्ले़ आङ्गाॽ खे़ने़ॽनु वाॽआरो॥ खे़ने़ॽ यङ्घङ् वहःङ्लाम् लाङ्गे़घेःक्किल्ले़ खे़ल्ले़ खे़ने़ॽ के़न्हुम्ने़ल्लो॥ मिलाम्बा लाङ्गे़घेःक्काङ् के़बेःक्किल्ले़ खे़ने़ॽ मिगे़न्दिक्ने़ल्लो॥ खे़न् मिधुङ्दिङ् मिराःक्किल्ले़ खे़ने़ॽ खाप्पुथ्यःङ् के़न्जोःक्ने़ल्लो॥
सिमे़ल्ले़न् खुम्दिङ् खोमा थिम् फेःन्दुङ्ङाङ् वाॽआने़ फाॽग्र इङ्गाॽ सिमा पोङ्साङ् मे़अत्तुङ्ङिन्लो॥ कर इङ्गाॽ मे़गुःत्ताङ्बा आप्तिक् पाःन्नो से़क्खा पान् होप्पाल्ले़ चोगुल्ले़ आत्तिल्ले़आङ् इङ्गाॽ खुनिॽओ हुक्सुप्मा मे़न्छुक्कान्लो॥ इङ्गाॽ रोमओ हाङ्युक्पा सिजररे़ल्लो आदुःन्देल्ले़न् खासे़न् पोङ्ल फाॽआङ् ये़क्पेलि चोःक्कारो!”
हाङ् युक्साबाहाॽ, थुम् युक्साबाहाॽ, हाङ्जुम्मोबा यम्बा सुहाङ्गे़म्बाहाॽ, सुजासाबाहाॽ, चुक्सा हाङ्हाॽ नु के़रे़क् कन् पाःन्नो मे़दे़न्दे़आङ् मे़वाॽ, हाङ्ङिल्ले़ लत्छा इङ्जाङ् के़लःत्तुर पोङ्ॽ हे़क्क्याङ् खे़न् इङ्जाङ्ङिन् के़रे़क्ले़ मे़नाःत्तु मे़इःत्तुर पोङ्ॽ, खे़न् कुइसिक् के़दाबा सुम्बोङ् ये़न् थारिक् आदाङ्बानुःल्ले़ वेॽ कुभा माङ् इग्र मनान् कुभारे़ पेलि फाक्तुने़भग्र, पयम् हाङ् हे़क्तङ्बा मनान् थे़रिङ्बे़ल्ले़ कुघरओ लाप्फुमा पोङ्लो॥
आल्ल खिनिॽ थुत्तुरिःप्पा, मुप्फ्रामा, तुःङ्गे, कङ्नि, अन्मे, ते़ःत्ते़ःप्पा नु के़रे़क् परिक्पा मुक्लाहाॽ मुक्पा के़घे़प्सुम्नुमे़ःन्ने आङ्गाॽ चोगुङ्बा नावाइत्लान् साम्बोन् फन्छिङ्माआङ् से़वा मे़प्मारे़ लागि यारिप् के़बोक्खिने़भग्र नुबाए पोङ्ॽ॥ कर खिनिॽ कन् से़वा के़म्मे़त्तुम्मिन्ने़भग्र, खिमो लुङ्धाक्किल्ले़ फाक्मनाबा मिधुङ्दिङ् मिराःक् के़दिःप्पा मिओ लाप्के़म्भुसिॽ॥ खे़ब्याङ् आत्तिन् माङ्ङिल्ले़ आङ्गाॽ आहुक्कोलाम् खिनिॽ ताङ्से़ःप्मा के़सुक्तिबे?”
खुने़ॽग अक्तङ्बा किप्मा के़घुबा सिमे़न्लाम् से़ःप्तिगे़ हे़क्क्याङ् ताःन्दिआङ् से़ःप्तिगे़रो॥ खुने़ॽ चक्मे़ल्लॽए याम्मोआङ् से़ःप्तिगे़ हे़क्क्याङ् खिनिॽ तुवा चोःक्नु कुभाॽ याप्मि के़बिरिॽ फाॽआङ् खुने़ॽओ निङ्साङ् चोगुम्बे़आङ् वयिगे़रो॥ हे़क्क्याङ् यरिक् मनाहाॽरे़ आनिगे लागि मे़जोगुबा तुवाःल्ले़न् नोगप्पो निङ्वाॽफुमाङ्ङिल्ले़ आनिगे मुॽइसाम् पिरिगे़ॽ हे़क्क्याङ् आनिगे लागि निङ्वाॽफुमाङ्ङिन् नोगे़न् मे़बिरुॽरो॥
खे़ल्ले़चोगुल्ले़ सुहाङ्युक्पाहाॽरे़ यर्मियान् खुने़ॽ युङे़बा याक्फाङ्ङोलाम् मे़देॽरु हे़क्क्याङ् इक्के़गोबाहाॽरे़ खुन्छिॽ लक्खुम्मोबा लत्छा च्वाःत् याङ्घोःप्मा लुम्बात् वाबाक्को थाक्पाःल्ले़ मे़घेःक्खुआङ् मु मे़धासु॥ खे़न् हाङ्हिम्सयङ्बा लत्छा पासिङ्पादाङ् मल्कियाहरे़ कुज्वाःत् याङ्घोःप्मा लुम्बात् ने़स्से़॥ खे़न् च्वाःत् याङ्घोःप्मा लुःम्बाःत् वाबाक्को च्याःत् मे़यागे़न्, कर मु चिम्लिम् चिम्लिङ् के़लॽबा ले़क्वा खाम् यागे़ हे़क्क्याङ् यर्मियान् खे़न् चिम्लिम् चिम्लिङ् के़लॽबा ले़क्वा खाम्मो हुमे़॥
Piblisite