मनाहाॽलाम् आदाङ्बा के़म्लत् के़म्दे, हे़क्क्याङ् ताम्भुङ् थक्साहाॽनु के़वाॽ के़युङ्, पित्थक्साहाॽ कुइसिक् याःन्सुङ्हाॽ के़जरो, हे़क्क्याङ् ताङ्साङ्बोबा सेःक्वाःल्ले़ आदाङ्बा वागे़रक्॥ मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ फाॽआङ् आदाङ्बारे़ निङ्वाॽ के़ङ्घोसुन्ल थारिक् आदाङ्बारे़ के़लागि कुगप् नुसि ये़म् ले़क्पेक्॥
दानिए़ल 5:21 - लिम्बु21 मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ के़लॽबा पाःन्नो मे़न्दे़न्ने थारिक् खुने़ॽ मनाहाॽलाम् मे़नाःत्तु मे़देसुआङ् लत्छा थक्सा निङ्वाॽ मे़बिरु॥ खुने़ॽ ताम्भुङ्ङोबा अदङ्हाॽनु वये़ हे़क्क्याङ् पित्थक्सा इसिःक् याःन्सुङ्हाॽ चआङ् वये़, खम्भ्याङ् खुने़ॽ कुधक्किन् ताङ्साङ्बोबा सेःक्वाःल्ले़ वारक्ते़॥ Gade chapit la |
दानिए़ल 5:21
15 Referans Kwoze
हे़क्क्याङ् केःम्बा सिङ्बुङ्ङिन् योयोक् के़आःप्पा नु ताङ्बा सिङ्बुङ्ङिन् केःम्बा के़जोःक्पा, आङ्गाॽ यहवे दाङ्बाआ फाॽआङ् के़रे़क् सिङ्बुङ्हाॽरे़ निङ्वाॽ मे़घोसुरो॥ सरेःक्याःप्पा सिङ्बुङ्ङिन् के़हेबा के़जोःक्पा नु के़हेबा सिङ्बुङ्ङिन् कुहिङ्वे़त् के़जोःक्पा आङ्गाॽएरो॥ आङ्गाॽ यहवे दाङ्बान् पाराङ्ङाङ् वाॽरो, खम्ब्याङ् आङ्गाॽ पाःत्तुङ्बान् चोगुङ्ङेरो!’”
इक्सादिङ् खाम्बेःक्कोबा के़रे़क् मनाहाॽ खुने़ॽ कुसुम् मे़न्दम्मना थेनाधेबा लेःत्तुसिरो॥ साङ्ग्राम्पेदाङ्बा मुक्साम्हाॽ नु खाम्बेःक्कोबा मनाहाॽ खुने़ॽ निङ्वाॽ इःत्तुबा कुइसिक् चोगुसिरो॥ आत्तिल्ले़आङ् खुने़ॽ कुहुक्किन् थेःक्मा मे़सुक्तुन्लो, इग्र हाःत्ले़आङ् खुने़ॽ अक्खेलॽरिक् सेःन्दोमा मे़सुक्तुन्लो, “खे़ने़ॽ थे़मा के़जोगुआङ् वाॽबे?”
इङ्घङ् के़साबाहाॽरे़ निःन्धो पाःन्निन् मे़मे़त्तुसिआङ् वाॽरो, सेसे मनाहाॽरे़ कुनुप्मा पाःन्निन् उवा मे़जोगुरो, हे़क्केलॽरिक् मनाहाॽरे़ खुन्छिॽ हाङ्जुम्हाॽओबा काक् युक्किन् के़रे़क्नुःल्ले़ यम्बा निङ्वाॽफुमाङ्ङिल्ले़ए कत्तु फाॽआङ् कुहिङ्वे़त्हाॽरे़ निङ्वाॽ मे़घोसुररो, हे़क्क्याङ् खुने़ॽ कुसिराॽ के़धाङ्बाहाॽ खे़न् हाङ्जुम्हाॽ पिरुसिरो मनाहाॽओ के़रे़क्नुःल्ले़ नःम्नःम्बाहाॽ खे़न् हाङ्जुम्हाॽओ फोःक्खुसिरो॥
आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
खे़न् यम्बा इक्लाओ अःक्ते़आङ् अक्खे पाःत्तुरो— “खे़न् सिङ्बुङ्ङिन् ताङे़म्मे़ॽआङ् सोःन्दे़म्मे़ॽओ, हे़क्क्याङ् कुबोराक्हाॽ खक्ते़म्देसे़म्मे़ॽओ, खे़ल्ले़ कुभे़क्वाहाॽ लुःक्से़म्देसे़म्मे़ॽओ हे़क्क्याङ् खे़ल्ले़ कुजाॽहाॽ हत्छे़ हत्छे़ से़से़म्देसे़म्मे़ॽओ॥ खे़ल्ले़ कुसिगाङ्लाम्बा थक्साहाॽ नु खे़ल्ले़ कुबोराक्हाॽओलाम् पुहाॽ मे़घे़त्छिङ्लरो॥
पयम् हाङ्ङे, खे़न् सिङ्बुङ्ङिन्ग आदाङ्बा खे़ने़ॽएरो॥ आदाङ्बा पयम् यम्बा नु मुक्साम्साबा के़बोक्खे़आङ् के़वाॽ, आदाङ्बा पयम् यम्बा के़बोक्खे़बान् पोरे़आङ् ताङ्साक्पो थारिक्के के़गे़रे़आङ् वाॽ, खम्भ्याङ् आदाङ्बारे़ के़युक्किन् इक्सादिङ् खाम्बेःक्माल्ले़ नासमा कुयाओ थारिक्के वाॽ॥
Piblisite