दानिए़ल 5:16 - लिम्‍बु

¹⁶ आल्‍ल खे़ने़ॽ कुबे हम्‍मा नु के़साक्‍पा पाःन्‍हाॽ तङ्‌मा के़सुक्‍तुमु फाॽआङ् आङ्‌गाॽ खे़प्‍सुङ्‌ङाङ् वाॽ॥ खे़ने़ॽ कन् साप्‍ते़आङ् के़बप्‍पे़न् निःप्‍मा नु कल्‍ले़ कुबेन् हम्‍मा के़सुक्‍तुने़भग्र, खे़ने़ॽ परान्‍ला चाङ् के़म्‍जाक् हे़क्‍क्‍याङ् खे़ने़ॽ के़निःङ्‌मो साम्‍म्‍याङ् सिक्‍क्रि के़म्‍वात् खे़ब्‍याङ् लाजेॽओ खे़ने़ॽ सुम्‍सिगेक्‍पा ताक्‍फाओ यम्‍बा के़बोङ्‌ॽ॥”

दानिए़ल 5:16 Referans Kwoze

दानिए़ल 5:7

हाङ्‌ङिल्‍ले़ साम्‍माङ्‌च्‍याःङ् मुरा के़मे़प्‍पाहाॽ, खागे़इक्‍पाहाॽ नु थुम्‍म्‍या के़इबाहाॽ उःप्‍मा ताःप्‍मा पाङ्‌घुसि हे़क्‍क्‍याङ् बेबिलोनबा कन् सिक्‍कुम्‍साबा ये़म्‍बित्‍छाहाॽ मे़त्तुसि, “आत्तिल्‍ले़ कन् साप्‍मनाबान् निरुआङ् कल्‍ले़ कुबेन् आङ्‌गाॽ चे़क्‍का, खे़न् परान्‍ला हाङ्‌देत् चाक्‍मा पोङ्‌ॽ, खे़ल्‍ले़ कुनिःङ्‌मो साम्‍म्‍याङ् सिक्‍क्रिःन् वाःप्‍मा पोङ्‌ॽ खे़ब्‍याङ् कन् हाङ्‌जुम्‍बा सुम्‍सिगेक्‍पा ताक्‍फाओबा यम्‍बा युक्‍साबा चोःक्‍मा पोङ्‌ॽ॥”

दानिए़ल 5:29

खे़न् एगाङ् बेलसजररे़ कुइङ्‌जाङ्‌ङो दानिए़ले़न् परान्‍ला चाङ् मे़जाक्‍तु॥ कुसित्‍लाओ मिङ्‌सो साम्‍म्‍याङ् सिक्‍क्रि मे़वाःत्तु, हे़क्‍क्‍याङ् खुने़ॽ हाङ्‌जुम्‍मोबा सुम्‍सिगेक्‍पा यम्‍बा ताक्‍फाओबा युक्‍साबा फाॽआङ् उवा मे़जोगु॥

तोलिङ्‌सोमु 40:8

खे़ङ्‌हाॽरे़ खुने़ॽ मे़त्ते़छु, “आन्‍छिगे ने़प्‍माङ्‌ले़ से़प्‍माङ् माक्‍ते़त्‍छुगे़, कर खे़ल्‍ले़ कुबे के़हम्‍बा मना हाःत्ताङ् होप्॥” युसुफरे़ खे़ङ्‌हाॽ मे़त्तुसि, “से़प्‍माङ्‌ङिल्‍ले़ कुबेःङ्‌ग निङ्‌वाॽफुमाङ्‌ङिल्‍ले़ कुहुक्‍को मे़वाॽने़म्‍बि? खे़न्‍छिॽ से़प्‍माङ्‌हाॽ आमे़त्ते़छे़ॽ॥”

सेःक्‌युक्‍मिबाहाॽ 8:18

सेःक्‌युक्‍मिबाहाॽरे़ खुन्‍छिॽ हुक्‍किन् ने़स्‍से़त्‍छुल्‍ले़ मनाहाॽ सेसेमाङ्‌ङिल्‍ले़ कुमुक्‍साम्‍मिल्‍ले़ थुक्‍तुसिबा सिमोनरे़आङ् निसु हे़क्‍क्‍याङ् खे़ङ्‌हाॽ याङ् पिरुसिर

तोलिङ्‌सोमु 41:15

फारोल्‍ले़ युसुफे़न् मे़त्तु, “आङ्‌गाॽ लत्‍छा से़प्‍माङ्‌धिक् माक्‍तुङ्, कर कॽयो आत्तिल्‍ले़आङ् खे़ल्‍ले़ कुबे हम्‍मा मे़न्‍छुक्‍तुन्॥ आङ्‌गाॽ खे़ने़ॽ के़याःम्‍बेओ खे़प्‍सुङ्, खे़ने़ॽ से़प्‍माङ् के़घे़प्‍सुआङ् खे़ल्‍ले़ कुबे हम्‍मा के़सुक्‍तुमु॥”

तोलिङ्‌सोमु 41:42

खे़ब्‍याङ् फारोल्‍ले़ कुएःप्‍साप् स्‍वागेःप्‍पिन् कुहुक्‍चोःत्‍लोलाम् फिःक्‍खुआङ् युसुफरे़ कुहुक्‍चोःत्‍लो वाःत्तु, हे़क्‍क्‍याङ् खे़न् पारान्‍ला चाङ्‌ङिन् चाक्‍तु, हे़क्‍क्‍याङ् खे़ल्‍ले़ कुसित्‍लाओ साम्‍म्‍याङ् सिक्रिःन् वाःत्तु॥

दानिए़ल 2:6

कर खिनिॽ आङ्‌गाॽ आसे़प्‍माङ्‌ङिन् नु खे़ल्‍ले़ कुबेन् के़हन्‍दुम्‍ने़भग्र, आङ्‌गाॽलाम् खिनिॽ मिक्‍पेहाॽ नु थुम्‍घोहाॽ हे़क्‍क्‍याङ् यम्‍बा मिङ्‌सो इङ्‌धाङ् के़घोसुम्‌ॽ॥ कल्‍ले़चोगुल्‍ले़ आङ्‌गाॽ आसे़प्‍माङ्‌ङिन् नु खे़ल्‍ले़ कुबेन् आजे़क्‍ते़म्‍मे़ॽ॥”

दानिए़ल 2:48

खे़ब्‍याङ् हाङ्‌ङिल्‍ले़ दानिए़ले़न् थोधोक्‍पा ताक्‍फाओ युक्‍खुआङ् इमे़ल्‍लुङ्‌बा मिक्‍तोःक्‍हाॽ पिरु॥ हाङ्‌ङिल्‍ले़ खुने़ॽ बेबिलोनबा ते़ङ्‌गप्‍पो युक्‍साबा चोगु हे़क्‍क्‍याङ् खे़प्‍मोबा के़रे़क् सिक्‍कुम्‍साबा ये़म्‍बित्‍छाहाॽरे़ खुन्‍छिॽ तुम् लाम्‍लोबा चोगु॥

दानिए़ल 6:2

दाराःल्‍ले़ खे़ङ्‌हाॽरे़ खुन्‍छिॽ सम्‍धाङ् सुम्‍सि युक्‍साबाहाॽ युक्‍तिङ् चोगुसि, खे़ङ्‌हाॽओ लत्‍छा दानिए़ले़न् वये़॥ हाङ्‌ङिल्‍ले़ कुयाःम्‍बक्‍को हान्‍ति मे़बोङ्‌ने़न्‍ल फाॽआङ् खे़न् हाङ्‌जुम्‍मोबा यम्‍बा सुहाङ्‌गे़म्‍बाहाॽ खे़ङ्‌हाॽरे़ खुन्‍छिॽ सम्‍धाङ् लक्‍पे़न्‍साबा चोगुसि॥