दानिए़ल 4:3 - लिम्बु3 खुने़ॽ कुमिक्सेःन्हाॽ साॽरिक् यम्बा चोक्लो, खुने़ॽ निङ्वाॽ के़माबा कुयाःम्बक्हाॽ चाॽरिक् मुक्साम्साबा चोक्लो! खुने़ॽ कुहाङ्जुम्मिङ्ग आभे़ल्ले़आङ् मे़न्नुप्मनाबा हाङ्जुम्लो, खुने़ॽ कुहाङ्युक्किन् थाःक्थाःक्को थारिक् हाबा वाॽरो॥ Gade chapit la |
दानिए़ल 4:3
29 Referans Kwoze
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
खे़ब्याङ् साङ्ग्राम्पेदाङ् सिगाङ्बा हाङ्जुम्हाॽओबा हाङ्युक्किन्, मुक्साम्मिन् नु पयम् यम्बा हाङ्वान् के़रे़क्नुःल्ले़ यम्बा निङ्वाॽफुमाङ्ङिल्ले़ कुमनाहाॽ मे़बिरुसिॽ॥ खुने़ॽ कुहाङ्जुम्मिन् नुप्मे़न्दिङ्बा हाङ्जुम् पोङ्ॽ, हे़क्क्याङ् के़रे़क् युक्साबाहाॽरे़ खुने़ॽ माङ्से़वा मे़मे़त्तुआङ् खुने़ॽ कुइङ्जाङ्ङिन् मे़इःत्तु मे़नाःत्तुॽ॥’
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
इङ्घङ् के़साबाहाॽरे़ निःन्धो पाःन्निन् मे़मे़त्तुसिआङ् वाॽरो, सेसे मनाहाॽरे़ कुनुप्मा पाःन्निन् उवा मे़जोगुरो, हे़क्केलॽरिक् मनाहाॽरे़ खुन्छिॽ हाङ्जुम्हाॽओबा काक् युक्किन् के़रे़क्नुःल्ले़ यम्बा निङ्वाॽफुमाङ्ङिल्ले़ए कत्तु फाॽआङ् कुहिङ्वे़त्हाॽरे़ निङ्वाॽ मे़घोसुररो, हे़क्क्याङ् खुने़ॽ कुसिराॽ के़धाङ्बाहाॽ खे़न् हाङ्जुम्हाॽ पिरुसिरो मनाहाॽओ के़रे़क्नुःल्ले़ नःम्नःम्बाहाॽ खे़न् हाङ्जुम्हाॽओ फोःक्खुसिरो॥
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
Piblisite