दानिए़ल 4:14 - लिम्बु14 खे़न् यम्बा इक्लाओ अःक्ते़आङ् अक्खे पाःत्तुरो— “खे़न् सिङ्बुङ्ङिन् ताङे़म्मे़ॽआङ् सोःन्दे़म्मे़ॽओ, हे़क्क्याङ् कुबोराक्हाॽ खक्ते़म्देसे़म्मे़ॽओ, खे़ल्ले़ कुभे़क्वाहाॽ लुःक्से़म्देसे़म्मे़ॽओ हे़क्क्याङ् खे़ल्ले़ कुजाॽहाॽ हत्छे़ हत्छे़ से़से़म्देसे़म्मे़ॽओ॥ खे़ल्ले़ कुसिगाङ्लाम्बा थक्साहाॽ नु खे़ल्ले़ कुबोराक्हाॽओलाम् पुहाॽ मे़घे़त्छिङ्लरो॥ Gade chapit la |
दानिए़ल 4:14
19 Referans Kwoze
“पयम् हाङ्ङे, आदाङ्बारे़ लत्छा माङ्लाइङ्बा इङ्साबा, सेसे मनाधिक् साङ्ग्राम्पेदाङ्लाम् यो थासिङ्ङाङ् अक्खे पाःत्तुर पत्छे़बा के़निसु, ‘खे़न् सिङ्बुङ्ङिन् ताङे़म्मे़ॽआङ् खाप्पुथ्यःङ् चोगे़म्मे़ॽ, कर इक्ताप्पोबा याःन्सुङ्हाॽओ फे़न्जेॽ नु कासाःल्ले़ इघेःङ्मना युङ्मनाबा कुइसिक् खे़ल्ले़ कुमुःत्ते़न् ले़रे़म् युक्खे़म्मे़ॽ, खे़ल्ले़ कुसाःप्हाॽ खाम्बाङ्ङोए लाःत्ताङ् युङ्॥ ताङ्साक्पोबा सेःक्वाःल्ले़ खे़न् वाबिःन्ल, खे़ल्ले़ कुलागि कुगप् नुसि ये़म् मे़ल्ले़क्के थारिक् ताम्भुङ् थक्साहाॽ कुइसिक् पोङ्ङाङ् कुहिङ्वे़त् युङ्ल॥’
खे़ल्ले़ कुभे़क्वाहाॽ नुबा नु खे़ल्ले़ कुजाॽहाॽ साॽरिक् यरिक् पत्छे़, हे़क्क्याङ् खे़प्मो के़रे़क्ले़ लागि कुजामा चाहाॽ पत्छे़॥ खे़ल्ले़ कुसिगाङ् ताम्भुङ् थक्साहाॽरे़ ने़त्नादे़न् मे़घोसुआङ् वये़, खे़ल्ले़ कुबोराक्हाॽओ पुहाॽ मे़युङे़, खे़प्मोलाम् के़रे़क् थक्सा पुसाहाॽरे़ चामा मे़घोसु॥
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
आनिगे सुक्तुम्बे़बा हे़क्केःल्ले़ग आनिगे खे़न् फाॽरुम्बे़बा वये़मे़न्लो, कर आल्ल खे़न् थेःल्ले़आङ् से़ःप्मा मे़सुक्तुन्लो॥ खे़न् पेःक्लरो, लाप्फुसे़म्मे़ॽओ॥ आल्ल खे़निॽ आप्फेक् लाजेॽओ नुःक्खे़म्मे़ॽओ॥ थेआङ्भे़ल्ले़ खे़ल्ले़ खोसुबा खुम्दिङ्ङिन् साङ्ग्राम्पेदाङ्ङो थारिक् के़त्लो, कन् साॽरिक् पयम् यम्बा चोक्लो कन् सिःक्मा सुक्मे़दे़त्ने़न्लो॥
मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ के़लॽबा पाःन्नो मे़न्दे़न्ने थारिक् खुने़ॽ मनाहाॽलाम् मे़नाःत्तु मे़देसुआङ् लत्छा थक्सा निङ्वाॽ मे़बिरु॥ खुने़ॽ ताम्भुङ्ङोबा अदङ्हाॽनु वये़ हे़क्क्याङ् पित्थक्सा इसिःक् याःन्सुङ्हाॽ चआङ् वये़, खम्भ्याङ् खुने़ॽ कुधक्किन् ताङ्साङ्बोबा सेःक्वाःल्ले़ वारक्ते़॥
Piblisite