दानिए़ल 4:1 - लिम्बु1 आङ्गाॽ नबुकदनेसर हाङ्ङिल्ले़, काक् इक्सादिङ् खाम्बेःक्मो के़युङ्बा मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पा मनाहाॽ अक्तङ्बा इङ्घङ् हाक्निङ्लो— खिनिॽ साॽरिक् के़नुरि के़दासिररो! Gade chapit la |
दानिए़ल 4:1
16 Referans Kwoze
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
कल्ले़चोगुल्ले़ आङ्गाॽ कन् पाःन्निन् उवा चोगुङ्ल पत्ता, आत्तिन् सुवाङ्हाॽरे़ इग्र आत्तिन् पाःन्दाङ् के़बाःप्पा मनाहाॽरे़ सद्रक, मेसक नु अबेद्नगोरे़ खुन्छिॽ निङ्वाॽफुमाङ्ङिल्ले़ कुदक्ले़ङ्वाओ कुभा पान् मे़बाःत्तुने़भग्र, खे़ङ्हाॽ कुजक्ता कुले़म्दा मे़बोङ्ल च्ये़प्मासि पोङ्ॽ हे़क्क्याङ् खे़ङ्हाॽरे़ खुन्छिॽ हिम्धाःङ्हाॽ खाप्पुथ्यःङ् चोःक्मा पोङ्ॽ, थेआङ्भे़ल्ले़ अक्खेलॽरिक् वेॽ आत्तिन् माङ्ङिल्ले़आङ् ताङ्से़ःप्मा आन्छुक्ने़न्॥”
आम्भा खे़न् ये़म्मो खे़न् सुम्बोङ् मनाहाॽओबा तुम् लाम्लोबा अमासैन् याम्साम्मिल्ले़ थुक्तु, हे़क्क्याङ् खुने़ॽ अक्खे पाःत्तुरो, “दाउदए, आदाङ्बानु आनिगे फुङ्ङासिरो! यिसैरे़ कुस्साए, आदाङ्बानु आनिगे वयिगे़रो! आदाङ्बा के़नुॽ के़दाररो, के़नुॽ के़दाररो, हे़क्क्याङ् खे़ने़ॽ के़भाॽबाङ्हाॽ मे़नुॽमे़दाररो, थेआङ्भे़ल्ले़ आदाङ्बारे़ के़निङ्वाॽफुमाङ्ङिन्ने आदाङ्बारे़ के़भाॽबाङ् वाॽरो॥” कल्ले़चोगुल्ले़ दाउदरे़ खे़ङ्हाॽ लाङ्दाक् मे़त्तुसि, हे़क्क्याङ् के़नाप्पा के़हिप्पा कुमना सुम्हाॽओबा लाम्लोबा चोगुसिरो॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—“खे़न् ये़न्नो के़रे़क् मे़न्छाम् सुवाङ्हाॽलाम् नु के़रे़क् पाःन्दाङ् के़बाःप्पाहाॽओलाम् थिबोङ् मनारे़ लत्छा यहुदिन् कुदेःत् फे़राओ मे़दे़म्सुआङ् अक्खे मे़मे़त्तुॽ, ‘आनिगे खे़ने़ॽनु सोरिक् पेगिगे़, थेआङ्भे़ल्ले़ निङ्वाॽफुमाङ्ङिन् खे़ने़ॽनु वाॽ फाॽआङ् आनिगे खे़प्सुम्बे़आङ् वयिगे़रो॥’”
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
खे़न् एगाङ् सुम्सिगेक्पा ला, इग्र सिवान लाओबा निबोङ्ङाङ् सुम्सिगेक्पा ये़न्नो हाङ्ङिल्ले़ कुसुहाङ्मिबाहाॽ मे़उःत्तुसि॥ मोर्दकैःल्ले़ यहुदिहाॽ इङ्जाङ् पिरुसिबा कुइसिक् भारत लाजेॽआङ् कत्ना इथियोपिया लाजेॽ थारिक्पा १२७ ते़ङ्गप्हाॽओबा यम्बा सुहाङ्गे़म्बाहाॽ, चुक्सा हाङ्हाॽ नु तुम्म्याङ्हाङ्हाॽरे़ खुन्छिॽ लागि ते़ङ्गप् थक्माबा आप्फेक् आप्फेक् खुन्छिॽ सक्सक् कुइसिक् नु सुवाङ् थक्माबा खुन्छिॽ आप्फेक् पाःन्दाङ्हाॽओ हे़क्क्याङ् यहुदिहाॽरे़ लागिआङ् खुन्छिॽ आप्फेक् सक्सक् नु पाःन्दाङ्ङो लत्छा साप्मनाबा हाङ्इङ्जाङ् मे़लःत्तु॥
खे़ब्याङ् थिक्सिगेक्पा ला थिबोङ्ङाङ् सुम्सिगेक्पा ये़न्नो हामाने़ल्ले़ हाङ्ङिल्ले़ कुसाप्ला के़साप्पाहाॽ उःत्तुसि॥ हे़क्क्याङ् हामाने़ल्ले़ कुइङ्जाङ् कुइसिक् ते़ङ्गप् थक्मा आम्भा खे़प्मोबा सक्सक् नु सुवाङ् थक्मा खुन्छिॽ आबाङे पाःन्दाङ्ङो मे़साप्तुआङ् हाङ्ङिल्ले़ कुहाङ्जुम्मोबा यम्बा सुहाङ्गे़म्बाहाॽ, वेॽ वेॽ तेःङ्गप्पोबा चुक्सा हाङ्हाॽ नु वेॽ वेॽ सुवाङ्बा तुम्म्याङ्हाङ्हाॽ इङ्जाङ् मे़हाक्तुसि—अहासुरस हाङ्ङिल्ले़ कुमिङ्ङो खे़न् मे़साप्तु, हे़क्क्याङ् मे़भाक्तुआङ् हाङ्ङिल्ले़ कुएःप्साप्पिन् खे़प्मो मे़युक्तुआङ् पत्छे़॥
Piblisite