दानिए़ल 3:26 - लिम्बु26 खे़ब्याङ् नबुकदनेसरे़न् लुङ्धाक्किल्ले़ फाक्मनाबा मिधुङ्दिङ् मिराःक् के़दिःप्पा मिओ लाःप्मा लाम्मो निःत्ताङ् पेआङ् यम्बा इक्लाओ अःक्ते़, “सद्रक, मेसक नु अबेद्नगोसे, के़रे़क्नुःल्ले़ यम्बा निङ्वाॽफुमाङ्ङिल्ले़ कुसे़वारोबासे, लाःक्कात् लःन्दे़म् फे़रे़म्मे़ॽओ॥” खे़ब्याङ् सद्रक, मेसक नु अबेद्नगोन् मिओलाम् लाःक्कात् मे़लःन्दे़ मे़भे़रे़, Gade chapit la |
दानिए़ल 3:26
22 Referans Kwoze
मनाहाॽ मे़प्मासिरे़ लागि मोसाःल्ले़ यहोसुन् मुरा मे़त्तुआङ् वये़बा हे़क्के, यहवे दाङ्बे़ल्ले़ यहोसुन् पिरुबा इङ्जाङ्ङोबा के़रे़क् याःम्बक्हाॽ मे़न्जुःत्ते थारिक् माङ्हुप् सन्दोक् के़बङ्बा निङ्वाॽफुसाम्बाहाॽ यर्दन लुम्मोए हाबा मे़ये़बे़ मे़गरे़, खे़ब्याङ् मनाहाॽ हाराहारा नाधाःम्बि मे़गाःक्तुआङ् मे़बे॥
कर पावलरे़ खे़न् तिलिङ्गाहाॽ मे़त्तुसि, “आन्छिगेग रोमि यक्युङ्बासिगे़साङ् थे़माआङ् तुःन्देॽ मेःन्ने मनालुम्मो आन्छिगे याप्मि ते़ःम्भुक् मे़याक्ते़त्छिगे़आङ् पुङ्लाहिम्मो याप्मि मे़साक्ते़॥ आल्ल खे़ङ्हाॽरे़ स्वाःत्ताङ् ले़प्मादेमा मे़गोःत्ते़त्छिगे़बाबि? कङ्ग पोङ्मा मे़सुक्ने़न्लो! हाराॽ सुहाङ्युक्पाहाॽए कप्मो मे़दाआङ् मे़ले़त्छिगे़र पोङ्लो॥”
खे़ल्ले़चोगुल्ले़ के़रे़क्नुःल्ले़ यम्बा यहवे दाङ्बे़ल्ले़ पाःत्तुरो, “ओमे़त्ते़म्मे़ॽ, आङ्गाॽ यरुसले़म ये़क्यक्को लत्छा लुङ्धिक् युक्खुङ्लो॥ हे़क्क्याङ् खे़ङ्ग से़क्खा चोःक्मनाबा लुङ् थधप् मे़ल्लॽमनाबा हिम्पाङ्यक्ले़ लागि लत्छा कुसुक्पोबा इमे़ल्लुङ्बा मालुङ्लो॥ खे़ॽयो नसान् के़जोःक्पा नु निङ्वाॽ के़युङ्बाहाॽ आप्फाल्ले़आङ् निङ्साङ् पुक्माओ मे़न्धाने़न्लो॥
“खे़ङ्हाॽरे़ आनिगे अक्खे मे़मे़त्तिगे़, ‘आनिगे़ग साङ्ग्राम्पेदाङ् नु इक्सादिङ् खाम्बेःक्मोबा निङ्वाॽफुमाङ्ङिल्ले़ कुसे़वारोबासिगे़॥ खे़न् माङ्हिम्मिन् इस्राइलबा लत्छा मुक्साम्साबा हाङ्ङिल्ले़ यरिक् तङ्बे तगि चोगु वये़ हे़क्क्याङ् आनिगे हाबा खे़न् माङ्हिम्मिन् याम्मो चोगुम्बे़र पत्छिगे़॥
खे़ङ्हाॽरे़ ये़त्तुक्खे मे़दुमुबा फे़न्जेॽ योःम्मादे़न् हे़क्तङ्बा मिस्र लाजेॽलाम्बा आङ्गाॽ खे़ङ्हाॽ लःत्तुङ् थाक्तुङ्सिङ्ङिल्ले़ कन् माङ्हुप्पिन् आङ्गाॽ खे़ङ्हाॽरे़ खुन्छिॽ पाधे़बाहाॽनु खे़न् ये़म्मो चोगुङ्ङाङ् वयाङ्॥ आङ्गाॽ आइङ्जाङ्ङिन् खे़ङ्हाॽ इःत्ते़म्मे़ नाःत्ते़म्मे़ॽ हे़क्क्याङ् खे़न् हे़क्के के़रे़क् याःम्बक्हाॽ चोगे़म्मे़ॽ मे़त्तुङ्सिङ्ङाङ् वयाङ्॥’ आङ्गाॽ खिनिॽ मे़त्निङ्, ‘आङ्गाॽ आइङ्जाङ्ङिन् के़इःत्तुम् के़नाःत्तुम्ने़भग्र खिनिॽ आमना के़बोःक्खिॽ खे़ब्याङ् आङ्गाॽ खिनिॽ निङ्वाॽफुमाङ् पोङ्ङा॥
Piblisite