दानिए़ल 3:23 - लिम्‍बु

²³ हे़क्‍क्‍याङ् कन् सुम्‍सि मनाहाॽ चिगे़क् चिगे़क् मे़म्‍बाःङ्‌ङे इमे़घेःक्‍खुसिबाए लुङ्‌धाक्‍किल्‍ले़ फाक्‍मनाबा मिधुङ्‌दिङ् मिराःक् के़दिःप्‍पा मिओ मे़लासे़॥

दानिए़ल 3:23 Referans Kwoze

यर्मिया 38:6

खे़ल्‍ले़चोगुल्‍ले़ सुहाङ्‌युक्‍पाहाॽरे़ यर्मियान् खुने़ॽ युङे़बा याक्‍फाङ्‌ङोलाम् मे़देॽरु हे़क्‍क्‍याङ् इक्‍के़गोबाहाॽरे़ खुन्‍छिॽ लक्‍खुम्‍मोबा लत्‍छा च्‍वाःत् याङ्‌घोःप्‍मा लुम्‍बात् वाबाक्‍को थाक्‍पाःल्‍ले़ मे़घेःक्‍खुआङ् मु मे़धासु॥ खे़न् हाङ्‌हिम्‍सयङ्‌बा लत्‍छा पासिङ्‌पादाङ् मल्‍कियाहरे़ कुज्‍वाःत् याङ्‌घोःप्‍मा लुम्‍बात् ने़स्‍से़॥ खे़न् च्‍वाःत् याङ्‌घोःप्‍मा लुःम्‍बाःत् वाबाक्‍को च्‍याःत् मे़यागे़न्, कर मु चिम्‍लिम् चिम्‍लिङ् के़लॽबा ले़क्‌वा खाम् यागे़ हे़क्‍क्‍याङ् यर्मियान् खे़न् चिम्‍लिम् चिम्‍लिङ् के़लॽबा ले़क्‌वा खाम्‍मो हुमे़॥

निङ्‌वाॽफु साम्‍लोसुम् 34:19

साम्‌योबा मनान् यरिक् इनोगे़न् तुक्‍खे लाक्‍खेरे़ ते़त्तुसाङ् यहवे दाङ्‌बे़ल्‍ले़ के़रे़क् पिसाङ्‌लाम् खे़न् से़ःप्‍तुरो॥

२ कोरन्‍थि 4:17

थेआङ्‌भे़ल्‍ले़ आनिॽ आदुमुम्‍बा चुक्‍सा नु सप्‍फाधिक्‍पा इनोगे़न् तुक्‍खेहाॽरे़ग मे़न्‍नुप्‍मनाबा मिमिदिङ् के़घोबा आजोःक्‍लो॥ हे़क्‍क्‍याङ् मिमिदिङ्‌ङिन्‍नु तङ्‌माल्‍ले़ खे़ङ्‌ग थेआङ् मेःन्‍लो॥

हिब्रु 11:34

पयम् यम्‍बा मिराःक्‍हाॽ मे़से़रु, ताभेलाम्‍बा ताङ्‌मे़से़ःप्‍ते़, खे़ङ्‌हाॽरे़ खुनिॽ साॽइ होःप्‍ते़साङ् के़धुम्‍बा मे़बोःक्‍खे़ हे़क्‍क्‍याङ् थङ्‌ङो मुक्‍के़गुबा मे़बोःक्‍खे़आङ् निङ्‌मिहाॽ मे़नाःन्‍दुसिरो॥

यसैया 43:2

खे़ने़ॽ च्‍वाःत्‍लाम्‍बा के़बोङ्‌ङाङ् के़बेःक्‍किल्‍ले़ आङ्‌गाॽ खे़ने़ॽनु वाॽआरो॥ खे़ने़ॽ यङ्‌घङ् वहःङ्‌लाम् लाङ्‌गे़घेःक्‍किल्‍ले़ खे़ल्‍ले़ खे़ने़ॽ के़न्‍हुम्‍ने़ल्‍लो॥ मिलाम्‍बा लाङ्‌गे़घेःक्‍काङ् के़बेःक्‍किल्‍ले़ खे़ने़ॽ मिगे़न्‍दिक्‍ने़ल्‍लो॥ खे़न् मिधुङ्‌दिङ् मिराःक्‍किल्‍ले़ खे़ने़ॽ खाप्‍पुथ्‍यःङ् के़न्‍जोःक्‍ने़ल्‍लो॥

दानिए़ल 1:7

तुम् सुहाङ्‌युक्‍पाल्‍ले़ खे़ङ्‌हाॽ कुसङ् मिङ् पिरुसि— दानिए़ले़न् बेलतसजर, हनन्‍याहःन् सद्रक, मिसाएले़न् मेसक हे़क्‍क्‍याङ् अजर्‍याहन् अबेद्‌नगो॥

दानिए़ल 3:24

खे़न् एगाङ् नबुकदनेसर हाङ्‌ङिन् कुनिङ्‌वाॽ मये़आङ् पित्‍चाक् पित्‍चाक् पिन्‍दे़र खुने़ॽ कुसुजासाबाहाॽ सेःन्‍दोसुसि, “थे आनिॽ इआघेःक्‍खुम्‍सिम्‍माङ् मिधुङ्‌दिङ् मिराःक् के़दिःप्‍पा मिओ लाप्‍आभुसुम्‍सिम्‍बा मनाहाॽ सुम्‍भुसि मेःम्‍बि?” खे़ङ्‌हाॽरे़ नुगप् मे़बिरु, “से़क्‍खाएरो, पयम् हाङ्‌ङे॥”