दानिए़ल 2:9 - लिम्बु9 खिनिॽ आङ्गाॽ आसे़प्माङ्ङिल्ले़ कुबेन् के़न्हन्दुम्मिन्ने़भग्र खिनिॽ लागि लत्छारक् खुम्दिङ् वाॽ॥ खे़न् याक्नाम्मिन् ले़ङ्बिला के़लॽबा निङ्वाॽ के़इःत्तुम्माङ् खिनिॽ मे़न्वाॽमनाबा नु फे़न्याःम्बक् चोःक्मा इङ् के़दङ्घुम्माङ् वाॽ॥ कल्ले़चोगुल्ले़ आसे़प्माङ्ङिन् आजे़क्ते़म्मे़ॽ, हे़क्क्याङ् खिनिॽ खे़ल्ले़ कुबेन् हम्मा के़सुक्तुम् फाॽआङ् आङ्गाॽ निङ्वाॽ खोसुङ्ॽ॥” Gade chapit la |
दानिए़ल 2:9
17 Referans Kwoze
“हाङ्ङिल्ले़ के़रे़क् कुयुक्साबाहाॽ नु ते़ङ्गप्पोबा के़रे़क् मनाहाॽरे़ कन् पाःन्निन् कुसिङ् मे़निःत्तुआङ्ङे वाॽ, कुभा ये़म्बित्छा इग्र मे़न्छुमान् हाङ्ङिल्ले़ मे़न्उःत्तेए हाङ्ङिल्ले़ कुदगि हाङ्हिम् सिगाङ्बा लक्खुम्मो लासे़ने़भग्र खे़न् मे़से़रुॽ॥ खे़ल्ले़ लागि लत्छारक् कुभाङ् वाॽ, हाङ्ङिल्ले़ कुसाम्म्याङ् हाङ्तक्काःत्तिन् सन्छुने़भग्ररक् खे़न् हिङ्ॽ॥ आङ्गाॽ आप्फेक्काङ् पेःक्मारे़ लागि हाङ्ङिल्ले़ मे़न्उःत्ते वाॽआबा सुम्बोङ् ये़न् के़रे़मारे़॥”
आल्ल खिनिॽ थुत्तुरिःप्पा, मुप्फ्रामा, तुःङ्गे, कङ्नि, अन्मे, ते़ःत्ते़ःप्पा नु के़रे़क् परिक्पा मुक्लाहाॽ मुक्पा के़घे़प्सुम्नुमे़ःन्ने आङ्गाॽ चोगुङ्बा नावाइत्लान् साम्बोन् फन्छिङ्माआङ् से़वा मे़प्मारे़ लागि यारिप् के़बोक्खिने़भग्र नुबाए पोङ्ॽ॥ कर खिनिॽ कन् से़वा के़म्मे़त्तुम्मिन्ने़भग्र, खिमो लुङ्धाक्किल्ले़ फाक्मनाबा मिधुङ्दिङ् मिराःक् के़दिःप्पा मिओ लाप्के़म्भुसिॽ॥ खे़ब्याङ् आत्तिन् माङ्ङिल्ले़ आङ्गाॽ आहुक्कोलाम् खिनिॽ ताङ्से़ःप्मा के़सुक्तिबे?”
खे़न्नुःल्ले़ग, खे़ङ्हाॽरे़ खुन्छिॽ सुफोहाॽ इङ्ले़क्पा चोक् हे़क्क्याङ् मे़न्वाॽमनाबा माङ्निङ्वाॽपान्हाॽ मे़बाःत्तु॥ यहवे दाङ्बे़ल्ले़ खे़ङ्हाॽ आप्फाल्ले़आङ् मे़बाङ्घुसिन्छाङ् खे़ङ्हाॽरे़ अक्खे मे़बाःत्तुॽ, “कन् इङ्घङ्ङिन्ग यहवे दाङ्बालाम् के़दाबारो॥” हे़क्केसाङ् खे़ङ्हाॽरे़ खुन्छिॽ माङ्निङ्वाॽपान्हाॽ खुने़ॽ के़त्तुर के़लॽबा निङ्साङ् मे़जोगुॽ!
आङ्गाॽ इङ्ले़क् माङ्निङ्वाॽपान् के़बाःप्पाहाॽरे़ खुनिॽ मिक्सेःन्निन् कुसुम् मे़न्दम्मनाबा चोगुङ्लो, हे़क्क्याङ् थुम्म्या के़इबाहाॽ अदङ् चोगुसिङ्लो॥ आङ्गाॽ सिक्कुम्साबा मनाहाॽरे़ खुन्छिॽ ने़हिनिङ्वान् खादाःक्पा चोगुङ्लो, खे़ब्याङ् खे़ङ्हाॽ खासिङ् मे़न्निःप्मना मे़बोङ्ल चोगुङ्सिङ्लो॥
हुक्पक् थिक्ने़त्छि हःक्सि इग्र कुघे़ःक् थिक्ने़त्छि खरे़ःङ्ले़ लागि आङ्गाॽ आमनाहाॽरे़ खुन्छिॽ लुम्मो खिनिॽ आङ्गाॽ आजाःत्थि के़देसुम्॥ इङ्ले़क्पा पाःन्हाॽ खे़म्मा कुसिराॽ के़धाङ्बा आमनाहाॽ खिनिॽ इङ्गे़ले़क्तुम्सिम्माङ् सिमा मे़म्बोङ्मनाबा आमनाहाॽ खिनिॽ के़से़रुम्सिम्ॽ, हे़क्क्याङ् हिङ्मा मे़न्याःप्मनाबा मनाहाॽनु हिङ्मारे़ लागि माङ्हुप् के़जोगुम्ॽ॥
“यहवे दाङ्बे़ल्ले़ सेःन्दोसु, ‘आक्खेआङ्बे?’ “खे़ल्ले़ पाःत्तु, ‘आङ्गाॽ पेःक्काआङ् आहाबरे़ के़रे़क् कुमाङ्निङ्वाॽपान् के़बाःप्पाहाॽरे़ खुन्छिॽ मुराओ इङ्ले़क् के़बाःप्पा लत्छा याम्साम् पोङ्ङा॥’ “यहवे दाङ्बे़ल्ले़ मे़त्तु, ‘खुने़ॽ हुमारे़ लागि खे़ने़ॽ कुलिङ्दो के़गे़प्पा के़बोङ्ॽ॥ पेगे़ॽ, पेगे़ॽआङ् हे़क्केए चोगे़ॽ॥’”
कल्ले़चोगुल्ले़ इस्राइलबा हाङ् आहाबरे़ किप् लिसि यारिक् माङ्निङ्वाॽपान् के़बाःप्पाहाॽ सुप्सुसिआङ् खे़ङ्हाॽ सेःन्दोसुसि, “आङ्गाॽ रामोत-गिलादरे़ कुदक्ले़ङ्वाओ थङ् चोःक्से़ पेःक्काबि मे़बेःक्कान्बि?” खे़ङ्हाॽरे़ खुने़ॽ मे़मे़त्तु, “पेगे़ॽ, थेआङ्भे़ल्ले़ यहवे दाङ्बे़ल्ले़ हाङ्ङिन् खे़न् हुक्सुप्तुॽ॥”
Piblisite