दानिए़ल 2:3 - लिम्‍बु

³ खुने़ॽ खे़ङ्‌हाॽ मे़त्तुसि, “आङ्‌गाॽ लत्‍छा से़प्‍माङ् माक्‍तुङ्‌ङाङ् वाॽ॥ खे़ल्‍ले़ आङ्‌गाॽ निङ्‌वाॽ तुक्‍खे चामो थ्‍याङ्‌ल याःन्‍दाङ्‌ङाङ् वाॽआ, हे़क्‍क्‍याङ् खे़ल्‍ले़ कुबेन् आङ्‌गाॽ कुसिङ् निःप्‍मा आनिङ्‌वाॽ वाॽ॥”

दानिए़ल 2:3 Referans Kwoze

तोलिङ्‌सोमु 41:15

फारोल्‍ले़ युसुफे़न् मे़त्तु, “आङ्‌गाॽ लत्‍छा से़प्‍माङ्‌धिक् माक्‍तुङ्, कर कॽयो आत्तिल्‍ले़आङ् खे़ल्‍ले़ कुबे हम्‍मा मे़न्‍छुक्‍तुन्॥ आङ्‌गाॽ खे़ने़ॽ के़याःम्‍बेओ खे़प्‍सुङ्, खे़ने़ॽ से़प्‍माङ् के़घे़प्‍सुआङ् खे़ल्‍ले़ कुबे हम्‍मा के़सुक्‍तुमु॥”

तोलिङ्‌सोमु 40:8

खे़ङ्‌हाॽरे़ खुने़ॽ मे़त्ते़छु, “आन्‍छिगे ने़प्‍माङ्‌ले़ से़प्‍माङ् माक्‍ते़त्‍छुगे़, कर खे़ल्‍ले़ कुबे के़हम्‍बा मना हाःत्ताङ् होप्॥” युसुफरे़ खे़ङ्‌हाॽ मे़त्तुसि, “से़प्‍माङ्‌ङिल्‍ले़ कुबेःङ्‌ग निङ्‌वाॽफुमाङ्‌ङिल्‍ले़ कुहुक्‍को मे़वाॽने़म्‍बि? खे़न्‍छिॽ से़प्‍माङ्‌हाॽ आमे़त्ते़छे़ॽ॥”

दानिए़ल 4:5

आङ्‌गाॽ किमा यङ्‌माओ आधाधाबा से़प्‍माङ् थिक् माक्‍तुङ्॥ आङ्‌गाॽ इप्‍नाओ सोःन्‍छिङ्‌ङाआङ् ने़स्‍साङ्‌ङिल्‍ले़, आङ्‌गाॽ आनिङ्‌वाॽओ इःत्तुङ्‌बा पाःन्‍हाॽ नु सुफोहाॽरे़ चोगुल्‍ले़ आङ्‌गाॽ चिजिङ् यङ्‌मा स्‍ये़ॽआङ्॥

दानिए़ल 2:1

नबुकदनेसररे़ युक् चोगुबा निसिगेक्‍पा तङ्‌बेओ खुने़ॽ से़प्‍माङ्‌हाॽ माक्‍तु॥ खुने़ॽ कुनिङ्‌वाॽ चारामे़आङ् खुने़ॽ इम्‍माए मे़सुक्‍ते़न्॥

तोलिङ्‌सोमु 41:8

सोरे़आङ् तानाम् साॽरिक् निङ्‌साङ्‌ङो थ्‍ये़, हे़क्‍क्‍याङ् मिस्र लाजेॽबा के़रे़क् कित्‍चाक्‍हाॽ नु खे़ॽयोबा सिक्‍कुम्‍साबा मनाहाॽ खुने़ॽ उःत्तुसि॥ फारोल्‍ले़ खे़ङ्‌हाॽ कुसे़प्‍माङ्‌हाॽ चे़क्‍तुसि, कर खे़ॽयो खुने़ॽ कुसे़प्‍माङ्‌ङिल्‍ले़ कुबे के़हम्‍बा के़बिबा हाःत्ताङ् मे़होःप्‍ते़॥