इङ्घङ् के़साबाहाॽरे़ निःन्धो पाःन्निन् मे़मे़त्तुसिआङ् वाॽरो, सेसे मनाहाॽरे़ कुनुप्मा पाःन्निन् उवा मे़जोगुरो, हे़क्केलॽरिक् मनाहाॽरे़ खुन्छिॽ हाङ्जुम्हाॽओबा काक् युक्किन् के़रे़क्नुःल्ले़ यम्बा निङ्वाॽफुमाङ्ङिल्ले़ए कत्तु फाॽआङ् कुहिङ्वे़त्हाॽरे़ निङ्वाॽ मे़घोसुररो, हे़क्क्याङ् खुने़ॽ कुसिराॽ के़धाङ्बाहाॽ खे़न् हाङ्जुम्हाॽ पिरुसिरो मनाहाॽओ के़रे़क्नुःल्ले़ नःम्नःम्बाहाॽ खे़न् हाङ्जुम्हाॽओ फोःक्खुसिरो॥
दानिए़ल 2:21 - लिम्बु21 खुने़ॽए ये़म् नु याक्वाहाॽ ले़क्खुरो॥ खुने़ॽए हाङ्हाॽ हाङ्युक्नाओ युक्खुसिरो हे़क्क्याङ् खुने़ॽए खे़ङ्हाॽ खे़त्तुसिरो॥ खुने़ॽ सिक्कुम्साबाहाॽ ने़हिनिङ्वाॽ पिरुसिरो खे़ब्याङ् खासिङ् के़निःप्पाहाॽ सिक्कुम् निङ्वाॽ पिरुसिरो॥ Gade chapit la |
दानिए़ल 2:21
40 Referans Kwoze
मनाहाॽलाम् खे़ने़ॽ के़म्नात् के़म्देरो हे़क्क्याङ् ताम्भुङ् थक्साहाॽनु के़वाॽ के़युङ्ॽ, पित्थक्साहाॽ कुइसिक् खे़ने़ॽ याःन्सुङ्हाॽ के़जरो॥ मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ के़लॽबा पाःन्नो खे़ने़ॽ के़न्दे़न्ने़ल्ल थारिक् खे़ने़ॽ के़लागि कुगप् नुसि ये़म् ले़क्पेक्॥”
खिनिॽ आङ्गाॽ आसे़प्माङ्ङिल्ले़ कुबेन् के़न्हन्दुम्मिन्ने़भग्र खिनिॽ लागि लत्छारक् खुम्दिङ् वाॽ॥ खे़न् याक्नाम्मिन् ले़ङ्बिला के़लॽबा निङ्वाॽ के़इःत्तुम्माङ् खिनिॽ मे़न्वाॽमनाबा नु फे़न्याःम्बक् चोःक्मा इङ् के़दङ्घुम्माङ् वाॽ॥ कल्ले़चोगुल्ले़ आसे़प्माङ्ङिन् आजे़क्ते़म्मे़ॽ, हे़क्क्याङ् खिनिॽ खे़ल्ले़ कुबेन् हम्मा के़सुक्तुम् फाॽआङ् आङ्गाॽ निङ्वाॽ खोसुङ्ॽ॥”
“कुभा तङ्बे एगाङ् खे़ङ्हाॽ तेःङ्जुम् लाजेॽ मे़बोङ्ॽ॥ लत्छा नादङ् चोःक्मारे़ लागि लाङ्गे़त् ले़प्माङ्बा हाङ्ङिल्ले़ कुस्सा मे़न्छुमान् थाङ्गे़त् ले़प्माङ्बा हाङ्ङिन्नु पेक्, कर खे़न् मे़न्छुमाःल्ले़ कुमुक्साम्मिन् हाबा मे़वाॽने़न्, खे़ब्याङ् खे़न् हाङ्ङिन् नु कुमुक्साम्मिन् इरिक् मे़वाॽने़न्॥ खे़न् ये़न्हाॽओ खे़ल्ले़ कुहाङ् कम्ब्राङ्बाहाॽ नु खुने़ॽ कुम्बा हे़क्क्याङ् खुने़ॽ कुभाॽबाङ्हाॽनु सोसोरिक् खुने़ॽ हुक्मे़सुप्तुॽ॥
खे़न् साप्ते़आङ् के़बप्पा पाःन्हाॽओ खुने़ॽ आक्खेलॽरिक् हाङ्युक् चोगु, खुने़ॽ आक्ख्यारिक् मुक्साम्साबा चोगे़ हे़क्क्याङ् खुने़ॽ नु इस्राइलि सुवाङ्हाॽ हे़क्क्याङ् के़रे़क् पिसाङ्बा हाङ्जुम्हाॽनु थे़मा थे़मा हिन्दोक्हाॽ पोःक्खे़आङ् वये़, खे़ङ्हाॽ के़रे़क् पोधक् पोःक्खे़आङ् पत्लो॥
आसुधे़बा आधाःक्थे़बाहाॽरे़ खुन्छिॽ निङ्वाॽफुमाङ्ङे, आङ्गाॽ खे़ने़ॽ नुगे़न् पिने़रो हे़क्क्याङ् खे़ने़ॽ के़नारा फोसुङ्लो, खे़ने़ॽ सिक्कुम्दिङ् निङ्वाॽ नु आङ्गाॽ मुक्साम् के़बिराङ्ङाङ् वाॽरो॥ आनिगे खे़ने़ॽ नाःक्कासिगे़बा पाःन्निन् आङ्गाॽ ओसेःन्गे़धाक्ताङ्ङाङ् वाॽरो खे़ने़ॽ हाङ्ङिल्ले़ कुसे़प्माङ्ङिन् आनिगे याप्मि ओःन्गे़धाक्ते़आङ् वाॽरो॥”
खे़न् यम्बा इक्लाओ अःक्ते़आङ् अक्खे पाःत्तुरो— “खे़न् सिङ्बुङ्ङिन् ताङे़म्मे़ॽआङ् सोःन्दे़म्मे़ॽओ, हे़क्क्याङ् कुबोराक्हाॽ खक्ते़म्देसे़म्मे़ॽओ, खे़ल्ले़ कुभे़क्वाहाॽ लुःक्से़म्देसे़म्मे़ॽओ हे़क्क्याङ् खे़ल्ले़ कुजाॽहाॽ हत्छे़ हत्छे़ से़से़म्देसे़म्मे़ॽओ॥ खे़ल्ले़ कुसिगाङ्लाम्बा थक्साहाॽ नु खे़ल्ले़ कुबोराक्हाॽओलाम् पुहाॽ मे़घे़त्छिङ्लरो॥
पयम् हाङ्ङे, खे़न् सिङ्बुङ्ङिन्ग आदाङ्बा खे़ने़ॽएरो॥ आदाङ्बा पयम् यम्बा नु मुक्साम्साबा के़बोक्खे़आङ् के़वाॽ, आदाङ्बा पयम् यम्बा के़बोक्खे़बान् पोरे़आङ् ताङ्साक्पो थारिक्के के़गे़रे़आङ् वाॽ, खम्भ्याङ् आदाङ्बारे़ के़युक्किन् इक्सादिङ् खाम्बेःक्माल्ले़ नासमा कुयाओ थारिक्के वाॽ॥
Piblisite