दानिए़ल 12:3 - लिम्‍बु

³ सिक्‍कुम्‍साबाहाॽ ताङ्‌साङ्‌बो से़ल्‍ले़ङ् के़ले़क्‍पा ओःत्ति कुइसिक् हे़क्‍क्‍याङ् यरिक् मनाहाॽ साम्‌योबा लाम्‍मो लाम्‍गे़लोबाहाॽग खेःम्‍सिक्‍पाहाॽ हे़क्‍के सदादिङ् आभे़ल्‍ले़साङ् मे़ओत्॥

दानिए़ल 12:3 Referans Kwoze

मत्ति 13:43

हे़क्‍क्‍याङ् साम्‌योबाहाॽ खुनिॽ निङ्‌वाॽफुपाःल्‍ले़ कुहाङ्‌जुम्‍मो नाम् कुइसिक् मे़ले़क्‍लो॥ नुःरिक्‍काङ् खे़प्‍से़म्‍मे़ॽआङ् कुसिङ् निःत्ते़म्‍मे़ॽओ॥”

खाहुन् 4:18

साम्‌योबाल्‍ले़ कुये़प्‍ले़क्‍किन् तानाम् के़गे़प्‍पा नाम् हे़क्‍तङ्‌बारो, खे़न् ले़न्‍जो मे़म्‍बोङ्‌ङे थारिक् आल्‍लसाङ् साॽरिक् ओःत्‍ल पेःक्‍लो॥

दानिए़ल 11:33

“आत्तिन्‍हाॽ सिक्‍कुम्‍साबा मे़जोक्, खे़ङ्‌हाॽरे़ यरिक् मनाहाॽ निसाम् मे़हुॽरुसिॽ, हे़क्‍केसाङ् कुभा ये़म्‍ले़ लागि खे़ङ्‌हाॽ ताभेःल्‍ले़ मे़ज्‍ये़प्‍तुसिॽ इग्र मिःल्‍ले़ मे़ओॽरुसिॽ इग्र पुङ्‌लाहिम्‍मो मे़साक्‍तुसिॽ इग्र मे़नाप्‍तुसिॽ॥

दानिए़ल 11:35

खे़ङ्‌हाॽओ कुभा सिक्‍कुम्‍साबाहाॽ मे़दोक्, कम्‍भलॽरिक् खे़ङ्‌हाॽ कुनुप्‍मा ये़न्‍नो थारिक् सुत्‍थो मे़बोङ्‌ॽ, सेसे मे़बोङ्‌ॽ हे़क्‍क्‍याङ् आप्‍तिक् मेःन्‍नेबा मे़जोगुसिॽ, थेआङ्‌भे़ल्‍ले़ खे़न् ये़न्‍निन् निःन्‍धो के़बोङ्‌बा ये़म्‍मो तारो॥

खाहुन् 11:30

साम्‌योनिमाल्‍ले़ कुजाॽइङ्‌ग हिङ्‌मन्‍ले़ सिङ्‌बुङ्‌लो, हे़क्‍क्‍याङ् आत्तिल्‍ले़ मनाहाॽ से़ःप्‍सिङ्‌मो तारुसिॽ, खे़ङ्‌ग सिक्‍कुम्‍दिङ् निङ्‌वाॽसाबारो॥

हिब्रु 5:12

से़क्‍खाःल्‍ले़ कन् ये़म् थारिक्‍ले़ग खिनिॽग वेॽहाॽ के़हुॽबा सिक्‍साम्‍बा पोङ्‌मा के़बोङ्‌बा वये़, कर खिनिॽने़ निङ्‌वाॽफु पाःन्‍जाक्‍किल्‍ले़ कुहेःक्‍सिङ्‌मा निसाम्‍मिन् याम्‍मो हुॽमा के़बोङ्‌बा के़बोःक्‍खिआङ् के़वयिॽरो॥ खिनिॽग कुजा चामा मे़न्‍छुक्‍मना नुरक् के़धुङ्‌बा अङे़ःक्‌वा कुइसिक् के़वयिॽरो॥

युहुन्‍ना 5:35

युहुन्‍नाःङ्‌ग सेमि कुइसिक् के़दिःप्‍पा नु ओःत्ति के़बिबा वये़ हे़क्‍क्‍याङ् सप्‍फाधिक्‍साङ् खुने़ॽ कुओःत्तिन् खिनिॽ सिराॽथाङे़रो,

युहुन्‍ना 4:36

हे़क्‍क्‍याङ् के़सुम्‍बाल्‍ले़ खुने़ॽ कुनाम्‌याक् खोसुरो॥ हे़क्‍क्‍याङ् खे़ङ्‌हाॽरे़ मे़न्‍नुप्‍मनाबा हिङ्‌मन्‍ले़ लागि पोगुगे़न् कुजान् मे़सुप्‍सुरो॥ हे़क्‍केलॽरिक् याॽरिःम्‍बा के़हेॽबा नु चा के़सुम्‍बा ने़प्‍माङ् सःत्‍छिरो॥

१ कोरन्‍थि 3:10

निङ्‌वाॽफुमाङ्‌ङिल्‍ले़ पिराङ्‌बा लुङ्‌गुम्‍लाम्‍बा इङ्‌गाॽ चाःप्‍पा हिम् के़जोःक्‍पा कुइसिक् हिम्‍पाङ्‌यक्‍किन् ने़स्‍सुङ्, हे़क्‍क्‍याङ् वेॽसमाल्‍ले़ खे़न् सम्‍दाङ् लुङ्‌धाक् से़त्तुर हिम् चोगुॽ॥ कर लुङ्‌धाक् के़से़प्‍पार हिम् के़जोःक्‍पाल्‍ले़ हिम् चोगुल्‍ले़ खुने़ॽ सिङ्‌सिङ् लॽमा पोङ्‌लो॥

यर्मिया 23:22

कर खे़ङ्‌हाॽरे़ आजुम्‍लुङ्‌ङोबा पाःन्‍निन् मे़ले़सुआङ् वये़ल्‍ले़ग आबाःन्‍जाःक्‍किन् खे़ङ्‌हाॽरे़ आमनाहाॽ खे़म्‍मा मे़बाङ्‌घुसिबा वये़रो हे़क्‍क्‍याङ् खे़ङ्‌हाॽ ताप्‍फे़ःम्‍बा ये़प्‍ले़क् नु फे़न् याःम्‍बक् चोःक्‍मालाम् मे़नुःक्‍तुसिबा वये़रो॥

सुफो 1:20

खे़ने़ॽ इङ्‌गाॽ आजुप्‍साङ् ले़प्‍माङ् के़निसुबा नुसि खेःम्‍सिक्‍हाॽ नु नुसि साम्‍म्‍याङ् सेमियुङ्‌दे़न्‍हाॽरे़न् सिबिॽ पाःन्‍हाॽग बा कन्‍लो—नुसि खेःम्‍सिक्‍हाॽ नुसि सेसेहुप्‍लक्‍हाॽओबा माङ्‌लाइङ्‌बासिरो, हे़क्‍क्‍याङ् नुसि साम्‍म्‍याङ् सेमियुङ्‌दे़न्‍हाॽ नुसि सेसेहुप्‍लक्‍सिरो॥”

२ पत्रुस 3:15

के़रे़क् मनाहाॽरे़ से़न्‍लप् मे़घोसुर फाॽआङ् दाङ्‌बाल्‍ले़ नासि थःत्तुबान् निङ्‌वाॽ इःत्ते़म्‍मे़ॽओ॥ आनिॽ मिःम् नुसाॽ पावलरे़आङ् निङ्‌वाॽफुमाङ्‌लाम् खोसुबा सिक्‍कुम्‍दिङ् निङ्‌वाॽलाम् कन् पाःन्‍हाॽ साप्‍तुआङ् के़हाक्‍तिआङ् वये़रो॥

एफिसि 4:11

खुने़ॽए कुभा सेःक्‌युक्‍मिबा, माङ्‌निङ्‌वाॽपान् के़बाःप्‍पा, सुनाइङ् के़से़बा हे़क्‍क्‍याङ् नसानिबाहाॽ कम्‍ब्राङ् के़मे़प्‍पा नु सिक्‍साम्‍बा पोङ्‌से़ पर्धाःम्‍हाॽ पिरुसिरो॥

मत्ति 24:45

“आत्तिन् से़वारोबान् नसाःन्‍साबा नु सिक्‍कुम्‍साबा चोक्, खे़न्‍निन् हिम्‍दाङ्‌बाल्‍ले़ कुहिम्‍धाःङ्‌हाॽ ओमे़प्‍मा युक् पिरुआङ् खे़ल्‍ले़ वेॽ से़वारोबाहाॽ ये़म्‌ये़म्‍मो चामा थुङ्‌मा पिरुसिॽरो॥

मत्ति 19:28

हे़क्‍केःल्‍ले़ ये़सुरे़ खे़ङ्‌हाॽ मे़त्तुसि, “इङ्‌गाॽ से़क्‍खाए मे़त्‍निङ्, इङ्‌गाॽ मे़न्‍छाम्‍सान् के़दाबा कुसङ् हाङ्‌जुम्‍मो मिमिदिङ्‌गे़न् हाङ्‌युक्‍नाओ युङ्‌ङारो॥ खे़न् ये़म्‍मो खिनिॽ इङ्‌गाॽ याप्‍मि के़दिम्‍बाहाॽआङ् थिक्-ने़त् (१२) हाङ्‌युक्‍नाओ के़युङिआङ् इस्राइलबा थिक्-ने़त् सुवाङ्‌हाॽ सम्‍दाङ् हाङ् के़जोगिॽरो॥

सेःक्‌युक्‍मिबाहाॽ 13:1

एन्‍तिओकसमा सेसेहुप्‍लक्‍को माङ्‌निङ्‌वाॽपान् के़बाःप्‍पाहाॽ नु सिक्‍साम्‍बाहाॽ मे़वये़—बरनाबास, माक्‍ला मे़प्‍मनाबा सिमियोन, साइरेनिलाम् के़दाबा लुसियस, सुहाङ्‌गे़म्‍बा हे़रोदे़न्‍नु के़बोबा माने़न हे़क्‍क्‍याङ् सावल वये़रो॥

खाहुन् 3:35

सिक्‍कुम्‍निबा मनाहाॽरे़ मिङ्‌सोइङ्‌धाःङ् मे़घोसुरो, कर याक्‍तुप्‍पा अदङ्‌हाॽ खुने़ॽ सिरिङ्‌ममो थासुसिरो॥

यसैया 53:11

के़साक्‍पा ये़त्तुक्‍खे तुमुआङ् एगाङ् खुने़ॽ कन् के़रे़क् निमा खोसुरो हे़क्‍क्‍याङ् कुनिङ्‌वाॽ तारो॥ साम्‌योबा आसे़वारोबे़ल्‍ले़ यरिक् मनाहाॽ साम्‌योबा चोगुसिरो हे़क्‍क्‍याङ् खुन्‍छिॽ के़रे़क् लायोहाॽ कुयुरो॥

दानिए़ल 12:10

यरिक् मनाहाॽ सुत्‍थो मे़जोगुसिॽ, फोत्‍या मेःन्‍नेबा नु सेसे मे़जोगुसिॽ, कर ताक्‍के़भे़ॽबाहाॽरे़ फे़न्‌याःम्‍बक् मे़जोगुर मे़देॽरु॥ ताक्‍के़भे़ॽबाहाॽओ आत्तिल्‍ले़आङ् कुसिङ् मे़निःत्तुन्‌ॽ, कर सिक्‍कुम्‍साबाहाॽरे़ कुसिङ् मे़निःत्तुॽ॥

लाम्‍दिक् 34:35

इस्राइलिहाॽरे़ मोसाःल्‍ले़ कुनारान् ओःत्ते़बा मे़निसु॥ खे़ब्‍याङ् मोसान् यहवे दाङ्‌बे़न्‍नु पाःप्‍मारे़ लागि सिगाङ् मे़ल्‍लःत्ते थारिक् खे़न् पःत्‍थाङ्‌ङिन् खुने़ॽ कुनाराओ याम्‍मो ते़प्‍तुरो॥

खासे़न्‍लोःम्‍बा 5:31

“यहवे दाङ्‌बाए, कम्‍भलॽरिक्‍के के़रे़क् के़निङ्‌मिहाॽ मे़मे़क्‍लरो, कर खे़ने़ॽ मिःम्‍जि के़मे़प्‍पाहाॽ के़रे़क् नाम्‍लाःङ्‌मो नाम् के़गे़प्‍पा नाम् कुइसिक् मे़बोङ्‌लरो॥” खे़ब्‍याङ् लिबोङ् तङ्‌बे थारिक् लाजेॽओ सनारुङ् पोःक्‍खे़रो॥

खाहुन्‍साबा 12:9

कर खाहुन्‍साबान् सिक्‍कुम्‍निबा वये़ हे़क्‍क्‍याङ् खुने़ॽ ले़सुबा पाःन्‍निन् मनाहाॽ हुॽरुसि॥ खुने़ॽ यरिक् खाहुन्‍हाॽ नुरिक्‍काङ् साप्‍तु, कोःत्तु, हे़क्‍क्‍याङ् नुरिक्‍काङ् पे़न्‍छुफत्‍छु॥