दानिए़ल 11:7 - लिम्बु7 खे़ल्ले़ कुयुक्नान् मे़त्छिङ्मारे़ लागि खुने़ॽए कुहिम्सयङ्लाम् थिक्पा पोक्॥ खुने़ॽ थाङ्गे़त् पिसाङ्बा हाङ्ङिल्ले़ के़धुम्बा कुधक्सुबाहाॽ थङ्ङो फत्तुसिॽ हे़क्क्याङ् खे़ल्ले़ कुहाङ्यक्किन् फुरुत् लिसुॽ॥ खुने़ॽ खे़ङ्हाॽरे़ खुन्छिॽ तक्ले़ङ्वाओ थङ् चोःक्काङ् खे़ङ्हाॽ नाःन्दुसिॽ॥ Gade chapit la |
दानिए़ल 11:7
14 Referans Kwoze
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
“कुभा तङ्बे एगाङ् खे़ङ्हाॽ तेःङ्जुम् लाजेॽ मे़बोङ्ॽ॥ लत्छा नादङ् चोःक्मारे़ लागि लाङ्गे़त् ले़प्माङ्बा हाङ्ङिल्ले़ कुस्सा मे़न्छुमान् थाङ्गे़त् ले़प्माङ्बा हाङ्ङिन्नु पेक्, कर खे़न् मे़न्छुमाःल्ले़ कुमुक्साम्मिन् हाबा मे़वाॽने़न्, खे़ब्याङ् खे़न् हाङ्ङिन् नु कुमुक्साम्मिन् इरिक् मे़वाॽने़न्॥ खे़न् ये़न्हाॽओ खे़ल्ले़ कुहाङ् कम्ब्राङ्बाहाॽ नु खुने़ॽ कुम्बा हे़क्क्याङ् खुने़ॽ कुभाॽबाङ्हाॽनु सोसोरिक् खुने़ॽ हुक्मे़सुप्तुॽ॥
“कुनुप्मा ये़म्मो लाङ्गे़त् ले़प्माङ्बा हाङ्ङिन् खे़न्नु थङ् चोक्, हे़क्क्याङ् थाङ्गे़त् ले़प्माङ्बा हाङ्ङिन् अन्लाधाहाॽ, अन्गे़युक्पाहाॽ नु यरिक् वालाधाहाॽ युरुसिआङ् खे़ल्ले़ कुदक्ले़ङ्वाओ सुरित् केजङ् कुइसिक् युरो॥ खुने़ॽ यरिक् लाजेॽहाॽ थङ्ङो फत्तुसिॽ, खुने़ॽ के़गुङ्बा के़युबा च्वाःत् हे़क्के खे़ङ्हाॽ सुःप्तुसिॽ॥
Piblisite