दानिए़ल 11:4 - लिम्बु4 खुने़ॽ कुमुक्साम्मो पोःक्काङ् एगाङ्, खुने़ॽ कुहाङ्जुम्मिन् खे़ःक्काङ् कुलक् लिसिओ पःङ्ॽ॥ खुने़ॽ कुस्साहाॽरे़ खे़न् मे़ङ्घोसुन्ॽ, खुने़ॽ युक् चोगु कत्तुबे़न्नाङ् कुस्साहाॽरे़ मे़ङ्घोसुन्ॽ, हे़क्क्याङ् खुने़ॽ हाङ्युक् चोगुल्ले़ हाङ्जुम्मिन् कुमुक् यागे़बा हे़क्के कुमुक् के़याक्पा मे़बोङ्ने़न्, थेआङ्भे़ल्ले़ खुने़ॽ कुहाङ्जुम्मिन् कुसाःप्पोनुए हाॽयाक् मे़आःक्खुआङ् वेॽहाॽ मे़बिरुसिॽ॥ Gade chapit la |
दानिए़ल 11:4
24 Referans Kwoze
“आल्ल आङ्गाॽ खे़न् कुदाङ्हाॽरे़ कुयाःम्बेओ इःत्छिङ्ङार पत्छाङ्ङिल्ले़ आङ्गाॽ आदगि लत्छा चुक्सा कुदाङ् थिक् खे़ङ्हाॽओलाम् लिङे़आङ् युङे़, हे़क्क्याङ् तगिबा कुदाङ्हाॽओबा सुम्सिग खे़ल्ले़ कुदगि कुबुङ् थे़र्ले़ हाॽयाक् मे़आगे़॥ मना मिक् हे़क्तङ्बाए कन् कुदाङ्ङिल्ले़ कुमिक् पत्छे़, हे़क्क्याङ् आङ्दिङ् पान् के़बाःप्पा खे़ल्ले़ कुम्ब्रा पत्छे़रो॥”
“खे़न् एगाङ् आङ्गाॽ ओमयाङ्, हे़क्क्याङ् आङ्गाॽ आदगि खे़प्मो वेॽसमा थक्सा थिक् ये़बे़, खे़न् थे़रिङ्बा हे़क्तङ्बा निदे़त्ते़॥ हे़क्क्याङ् खे़ल्ले़ कुएःक्थाःक्मो पुःल्ले़न् हे़क्तङ्बा लिसि कुलाप्हाॽ पत्छे़॥ खे़न् ताम्भुङ् थक्साःल्ले़ कुधे़गेःक्हाॽ लिसि पत्छे़, खम्भ्याङ् खे़न् हाङ्युक् चोःक्मा युक् मे़बिरु॥
चेहाॽ लुप्मा नु ताम्जि लाप्फुमा काक् ने़ने़बादे़न् हे़क्क्याङ् नाङ्गे़न् पिसाङ्बा किद्रोन पाक्लुम्लुम्बादे़न् थारिक्पा के़रे़क् इक्ताप्हाॽ नु अन् लाम्धेःप्पाल्ले़ कुसुक्पो थारिक् आङ्गाॽ यहवे दाङ्बे़ल्ले़ लागि सेसेबा पोङ्ॽ, खे़ब्याङ् खे़न् ये़क्यक्किन् याम्मो आभे़ल्ले़आङ् हाॽयाक् मे़न्आःक्खुन् इग्र मे़न्यन्छुन्लो॥”
लत्छा मनाधिक् एःक्से़त्छा वये़रो, खे़ल्ले़ कुस्सा ये़म्बित्छा कुम्भुॽ कुन्साॽआङ् मे़होःप्ते़रो॥ खे़ल्ले़ स्याङ्मे़न्दाङ्बा कुयाःम्बक्किन् मे़नुबे़न्लो, हम्भसाङ् कुयाङ्साकुन्धेओ कुनिङ्वाॽ मे़द्ये़ने़न्लो॥ खे़ल्ले़ “हाःत्ले़ कुलागि आङ्गाॽ स्याङ्मे़न्दाङ् याःम्बक् चोगुङ्ङाङ् पत्ताबा, हिङ्मन्नोबा नुॽमादामान् थेआङ् ले़रुङ्ल पत्ताबा?” फाॽआङ् आफेक् पान् सेःन्दोसाङ्॥ कन्नाङ् हने़ थेनाधेरो, लत्छा तुक्खेवा पाःन्लो॥
खे़ब्याङ् खुने़ॽ आङ्गाॽ अक्खे मे़त्ताङ्, “नासिगे़न् थक्ला के़गप्पा मे़न्छाम् याप्मिए, सुरित् केजङ्ङिन् माङ्निङ्वाॽपान् इङ्घङ् मे़त्ते़ॽ॥ माङ्निङ्वाॽपान् इङ्घङ् पारे़ॽआङ् अक्खे मे़त्ते़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—साःङ्गोगे़न् सक्माए, के़रे़क् पिसाङ्बा सुरित् केजङ्हाॽलाम् त्ये़ॽओ! कन् कुसिवे़त् नासिगे़न् थक्हाॽओ सक्मा सोःन्छिङ्ङे़ॽ हे़क्केलॽरिक् खे़ङ्हाॽ याम्मो कुहिङ्वे़त् मे़बोङ्लरो॥’”
Piblisite