दानिए़ल 11:1 - लिम्‍बु

¹ मादि हाङ् दाराःल्‍ले़ हाङ्‌युक् चोगुबा थिक्‍सिगेक्‍पा तङ्‌बेओ खुने़ॽ के़धुम्‍बा चोःक्‍मा नु ताङ्‌से़ःप्‍मारे़ लागि आङ्‌गाॽ पोगाङ्॥)

दानिए़ल 11:1 Referans Kwoze

दानिए़ल 9:1

अहासुरसरे़ कुस्‍सा दाराःल्‍ले़ हाङ्‌युक् चोगुबा थिक्‍सिगेक्‍पा तङ्‌बेओ खुने़ॽ बेबिलोनबा हाङ्‌जुम्‍मो युक्‍साबा मे़जोगु, खुने़ॽ मादि थाःक्‍कोबा वये़—

दानिए़ल 5:31

हे़क्‍क्‍याङ् मादि दारान् तुक्‍पोङ्‌ङाङ् तङ्‌बे ने़त्‍छि योरे़ल्‍ले़ खुने़ॽ खे़न् हाङ्‌जुम्‍मिन् मे़त्‍छिङ्‌लो॥

सेःक्‌युक्‍मिबाहाॽ 14:22

खे़प्‍मो खे़ङ्‌हाॽरे़ हुॽसाम्‍बाहाॽ नसाःन्‍नो चक्‍मे़ल्‍लॽए वये़म्‍मे़ॽ मे़त्ते़छुसिर हाङ्‌हाङ् चोगे़त्‍छुसि, हे़क्‍क्‍याङ् यरिक् इनोगे़न् तुक्‍खे के़दुमुम्‍साङ् निङ्‌वाॽफुहाङ्‌जुम्‍मो लाःप्‍माए पोङ्‌लो फाॽआङ् आःन्‍छिङ्‌मा पिरे़त्‍छुसिरो॥

दानिए़ल 10:18

याम्‍मो खे़न् मना हे़क्‍तङ्‌बा निगे़दे़प्‍पे़ल्‍ले़ आङ्‌गाॽ सुसाङ्‌ङाङ् के़धुम्‍बा चोगाङ्॥

निङ्‌वाॽफु साम्‍लोसुम् 103:20

खुने़ॽ कुइङ्‌जाङ् के़इःप्‍पा के़नाःप्‍पा नु खुने़ॽ पाःत्तुबा पान् के़घे़म्‍बा हे़क्‍क्‍याङ् मुक्‍साम्‍साबा माङ्‌लाइङ्‌बासे, यहवे दाङ्‌बे़ल्‍ले़ कुनारा फोसे़म्‍मे़ॽओ॥

दानिए़ल 6:1

हाङ्‌जुम्‍मो के़रे़क् युक् चोःक्‍मारे़ लागि १२० मनाहाॽ हाङ्‌जुम्‍मोबा यम्‍बा सुहाङ्‌गे़म्‍बाहाॽ हाङ्‌ङिल्‍ले़ युक्‍तिङ् चोगुसि॥