दानिए़ल 10:2 - लिम्‍बु

² खे़न् ये़म्‍मो आङ्‌गाॽ, दानिए़ले़न्, ये़त्‍नाम् सुम्‍सि थारिक् मे़रिङ् थक्‍ताङ्‌ल वयाङ्॥

दानिए़ल 10:2 Referans Kwoze

नहेम्‍याह 1:4

कन् इङ्‌घङ्‌ङिन् खे़प्‍सुङ्‌ङाङ् आङ्‌गाॽ खाम्‍मो पे़र्जु युङ्‌सिङ्‌ङाआङ् हाबाङ्॥ आङ्‌गाॽ यरिक् ये़न् थारिक् मे़रिङ् थक्‍ताङ् हे़क्‍क्‍याङ् थेआङ् मे़न्‍जाबा मे़न्‍धुङ्‌बा॥ आङ्‌गाॽ साङ्‌ग्राम्‍पेदाङ्‌बा निङ्‌वाॽफुमाङ्‌ङिन् अक्‍खेलॽरिक् पेलि फाक्‍तुङ्,

सुफो 11:5

आत्तिन्‍हाॽरे़ खुन्‍छिॽ तुक्‍खे चाःप्‍मासि निङ्‌वाॽ मे़जोगुॽ, खे़ङ्‌हाॽरे़ खुन्‍छिॽ मुराओलाम् के़लःम्‍बा मिराःक्‍किल्‍ले़ खुन्‍छिॽ निङ्‌मिहाॽ लाबु से़रुसिॽरो॥ अक्‍खेलॽरिक् खुन्‍छिॽ तुक्‍खे चाःप्‍मासि निङ्‌वाॽ के़जोःक्‍पाहाॽ सिमाए पोङ्‌लो॥

याकुब 4:9

लायो के़जोगुम्‍बाओ मे़रिङ् थक्‍ते़म्‍मे़ॽ, हाबे़म्‍मे़ॽओ॥ खिनिॽ एःप्‍मान् मे़रिङ् थक्‍मो, हे़क्‍क्‍याङ् खिनिॽ सःप्‍मे़न् तुक्‍खेओ ले़क्‍खे़म्‍मे़ॽओ॥

रोमि 9:2

आमिःम् इस्राइलि फुॽनुसाॽ नु ने़ॽनुसाॽहाॽरे़ खुनिॽ लागि इङ्‌गाॽ निङ्‌वाॽओ तुक्‍खेःल्‍ले़ साॽरिक् याःन्‍दाङ्‌ङाङ् वाॽआरो॥ आबाङे आसुवाङ् इस्राइलिहाॽरे़ से़न्‍लप् खोमा मे़सुक्‍तुल्‍ले़ग इङ्‌गाॽ खुम्‍दिङ्‌ङो थामा नु ख्रिस्‍तलाम् लाःत्‍लाःत् पोङ्‌मा सुक्‍ताङ्‌बामे़न्॥

मत्ति 9:15

ये़सुरे़ खे़ङ्‌हाॽ नोगप् पिरुसि, “मेःक्‍खिम्‍साबे़न् कुन्‍जुम्‍हाॽनु वाॽर थारिक् खुने़ॽ कुन्‍जुम्‍हाॽ चाने़त्तो मे़युङ्‌ङाङ् मे़रिङ् मे़धक्‍पि? कर खे़ङ्‌हाॽलाम् मेःक्‍खिम्‍साबे़न् साक्‍के़ल्‍ले़क् मे़दे़म्‍सुआङ् मे़देॽरुल्‍ले़रक् खे़ङ्‌हाॽ चाने़त्तो मे़युङ्‌लो॥

यर्मिया 9:1

ए, आध्‍गेक्‍किन् च्‍वाःत्तिल्‍ले़ वबाक् पोःक्‍खे़बा हे़क्‍केःल्‍ले़ग हे़क्‍क्‍याङ् आङ्‌गाॽ आमिक्‍हाॽ मिक्‌वाःल्‍ले़ वाधाःम् पोःक्‍खे़बा कुसिङ्‌ङिल्‍ले़ग आङ्‌गाॽ से़न्‍दिक् ले़न्‍दिक् मे़से़रुसिबा आमनाहाॽरे़ खुन्‍छिॽ लागि हाबाङ्‌बारो॥

यसैया 66:10

“यरुसले़ःम्‍मिन्‍नु सःत्ताम्‍मे़ॽओ, खे़न् ये़क्‌यक्‍किन् लुङ्‌माॽ के़दुक्‍पा के़रे़क्‍ले़ आल्‍लोए खे़न्‍नु निङ्‌वाॽ ये़ये़ मे़त्ताम्‍मे़ॽओ! खे़ल्‍ले़ कुलागि मे़रिङ् के़धक्‍पा के़रे़क्, खे़ल्‍ले़ कुलागि निङ्‌वाॽ तासाम्‍मे़ॽओ!

निङ्‌वाॽफु साम्‍लोसुम् 43:2

खे़ने़ॽग आइःम्‍सिङ्‌मादे़न् आङ्‌गाॽ आनिङ्‌वाॽफुमाङ्‌ने़रो॥ थेआङ् आङ्‌गाॽ के़नाॽराङ्‌बाबे? थेआङ् आनिङ्‌मिहाॽरे़ तुक्‍खे मे़जाःत्ताआङ् मे़रिङ् थक्‍मार वाॽमा पोङ्‌बाबे?

निङ्‌वाॽफु साम्‍लोसुम् 42:9

आङ्‌गाॽ आयाक्‍पेॽ आनिङ्‌वाॽफुमाङ्‌ङिन् अक्‍खे मे़त्तुङ्‌ङाङ् पत्तारो, “थेआङ् खे़ने़ॽ निङ्‌वाॽ के़भेःत्‍छाङ्‌बाबे? थेआङ् आनिङ्‌मिहाॽरे़ तुक्‍खे मे़जाःत्तार के़साक्‍पा तुमुङ्‌ङाङ् वाॽबाबेॽ?”

दानिए़ल 10:12

खुने़ॽ पाःत्तुर तेॽरु, “दानिए़लए, मे़गिसे़न्‍ने़ॽ, खे़ने़ॽ के़निङ्‌वान् खासिङ्‌निःप्‍मा ले़प्‍माङ् निङ्‌वाॽ के़बिरुबा नु खे़ने़ॽ के़निङ्‌वाॽफुमाङ्‌ङिल्‍ले़ कुदगि आप्‍फेक् नःम्‍नःम्‍बा के़जोःक्‍सिङ्‌बा थिक्‍सिगेक्‍पा ये़न्‍नाङ्‌धोए के़बेःल्‍लिहाॽ के़निङ्‌वाॽफुमाङ्‌ङिल्‍ले़ खे़प्‍सुआङ् वये़, आङ्‌गाॽ के़बेलिगे़न् तुवाःल्‍ले़ नुगप् पिसे़ याङ्‌ङाङ् वाॽआ॥