दानिए़ल 10:16 - लिम्बु16 हे़क्क्याङ् खे़न् मना हे़क्तङ्बा निगे़दे़प्पा थिक्ले़ आङ्गाॽ आम्ब्रान् सुसु, हे़क्क्याङ् आङ्गाॽ आम्ब्रान् हन्दुङ्ङाङ् पाःप्मा हेःक्ताङ्॥ आङ्गाॽ आदगि के़ये़प्पे़न् मे़त्तुङ्, “आदाङ्बे, सुफोःल्ले़ चोगुल्ले़ आङ्गाॽ याम्दुक्मा नु थेआङ् चोःक्मा मे़न्छुक्मनाबा पोःक्खाङ्ङाङ् वाॽआ॥ Gade chapit la |
दानिए़ल 10:16
29 Referans Kwoze
आल्ल खे़न् आङ्गाॽ ये़बाङ्बादे़न् निःत्ताङ् फे़रे़ल्ले़, आङ्गाॽ साॽरिक् किसाङ्ङाङ् खाम्बाङ्ङो सम्बे़त् ने़स्साङ्॥ खुने़ॽ आङ्गाॽ मे़त्ताङ्, “नासिङ्गे़न् थक्ला के़गप्पा मे़न्छाम् याप्मिए, कन् सुफोःल्ले़ इक्सादिङ् खाम्बेःक्माल्ले़ कुनुप्मा ये़म्मिन् ओसेःन्धाङ् चोगुॽ फाॽआङ् खे़ने़ॽ कुसिङ्निःत्ते़ॽ॥”
कर आङ्गाॽ आइङ्घङ्ङिन् खे़ने़ॽओ के़त्तिल्ले़, आङ्गाॽ खे़ने़ॽ के़ल्सोःप्पान् फाःक्खुङ्ॽ, हे़क्क्याङ् आङ्गाॽ खे़ने़ॽ के़बाःत्ल याःन्ने़॥ खे़ब्याङ् खे़ने़ॽ खे़ङ्हाॽ अक्खे के़मे़त्तुसिॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ!’ आत्तिन्हाॽरे़ खे़म्मा निङ्वाॽ मे़जोगुॽ खे़ङ्हाॽरे़ मे़घे़प्सुॽ, कर आत्तिन्हाॽ खे़म्मा मे़न्दे़न्ने़न् खे़ङ्हाॽरे़ मे़ङ्घे़प्सुन्ॽ, थेआङ्भे़ल्ले़ खे़ङ्हाॽग पिफ्युङ्बासिरो॥”
खे़ब्याङ् मानोहरे़ यहवे दाङ्बे़न् अक्खे मे़त्तुआङ् पेलि फाक्तु, “यहवे दाङ्बाए, पेलि फाक्ने़, खे़ने़ॽ के़बाङ्घुबा, निङ्वाॽफुमाङ्ङिल्ले़ खे़न् कुमनान् याम्मो थिक्ले़ङ् आन्छिगे़ओ ताररो, हे़क्क्याङ् खे़न् सागे़वाःन्छिङ्बान् हिङ्मा कुम्मारे़ लागि आन्छिगे थे चोःक्मा पोङ्ॽ खे़न् पाःन्निन् आन्छिगे मे़त्छिगे़ररो॥”
गिदोनरे़ खे़न् मे़त्तु, “आदाङ्बे, खे़प्से़ॽओ, यहवे दाङ्बे़न् से़क्खाए आनिगे़नु वाॽने़भग्र कन् के़रे़क् पाःन्हाॽ आनिगे थेआङ् तुमुम्बे़बे? खे़न् के़रे़क् निङ्वाॽ के़माबा खुने़ॽ कुयाःम्बक्हाॽ थे़मा पोःक्खे़बे, आनिगे पाधे़बाहाॽलाम् खे़न् खे़म्सुम्बे़आङ् वाॽ, खे़ङ्हाॽरे़ अक्खे मे़बाःत्तुआङ् वये़, ‘थे यहवे दाङ्बे़ल्ले़ मिस्र लाजेॽलाम् आनिॽ आलःत्ते़ आभे़त्ते़बा मेःम्बि?’ कर आल्लग यहवे दाङ्बे़ल्ले़ आनिॽ आनाॽरे़आङ् वाॽ, हे़क्क्याङ् मिद्यानिहाॽरे़ खुन्छिॽ हुक्को आनिॽ हुक्आसुप्ते़ आदेसे़आङ् वाॽ॥”
हे़क्क्याङ् खे़ल्ले़ पाःत्तु, “तेःङ्बाआङ् मेःन्, निङ्मिआआङ् मेःन्, कर यहवे दाङ्बे़ल्ले़ कुधक्सुबा थक्मोबा पोःक्खाङ्ङाङ् कॽयो त्याङ्ङाङ् वाॽआ॥” खे़ब्याङ् यहोसुन् खाम्बाङ्ङो साम्बोन् हबत् फन्छिङ् हे़क्क्याङ् से़वा मे़त्तुआङ् खुने़ॽ अक्खे मे़त्तु, “आदाङ्बे, खे़ने़ॽ के़से़वारोबाल्ले़ थे़मा चोगुङ्ल के़लॽबा के़निङ्वाॽ वाॽबे?”
दानिए़ल (खुने़ॽ बेलतसजरआङ् मे़मे़त्तु) सप्फा थारिक्क खुने़ॽ साॽरिक् कुनिङ्वाॽ मये़, हे़क्क्याङ् खुने़ॽ इःत्तुबा पाःन्हाॽरे़ किमा यङ्माओ थासु॥ कल्ले़चोगुल्ले़ मे़त्तु, “बेलतसजरए, से़प्माङ्ङिन् नु खे़ल्ले़ कुबेःल्ले़ खे़ने़ॽ निङ्वाॽ तुक्खे चामो के़न्धाने़न्ल॥” बेलतसजरले़ नुगप् पिरु, “पयम् हाङ्ङे, कन् से़प्माङ्ङिन् आदाङ्बारे़ के़निङ्मिहाॽ नु कल्ले़ कुबेःल्ले़ आदाङ्बा के़अप्पाहाॽ याङ्घुसिल्ले़ग नुॽबा वये़मे़न्॥
Piblisite