दानिए़ल 10:12 - लिम्‍बु

¹² खुने़ॽ पाःत्तुर तेॽरु, “दानिए़लए, मे़गिसे़न्‍ने़ॽ, खे़ने़ॽ के़निङ्‌वान् खासिङ्‌निःप्‍मा ले़प्‍माङ् निङ्‌वाॽ के़बिरुबा नु खे़ने़ॽ के़निङ्‌वाॽफुमाङ्‌ङिल्‍ले़ कुदगि आप्‍फेक् नःम्‍नःम्‍बा के़जोःक्‍सिङ्‌बा थिक्‍सिगेक्‍पा ये़न्‍नाङ्‌धोए के़बेःल्‍लिहाॽ के़निङ्‌वाॽफुमाङ्‌ङिल्‍ले़ खे़प्‍सुआङ् वये़, आङ्‌गाॽ के़बेलिगे़न् तुवाःल्‍ले़ नुगप् पिसे़ याङ्‌ङाङ् वाॽआ॥

दानिए़ल 10:12 Referans Kwoze

दानिए़ल 10:19

खुने़ॽ मे़त्ताङ्, “निङ्‌वाॽफुमाङ्‌ङो खे़ने़ॽग साॽरिक्‍के इमे़ल्‍लुङ्‌बा के़जोक्, मे़गिसे़न्‍ने़ॽ॥ के़निङ्‌वाॽ हाङ्‌हाङ् लॽर, आल्‍ल खे़ने़ॽ, के़धुम्‍बा पोःक्‍खे़ॽ॥” आल्‍ल खुने़ॽ आङ्‌गाॽनु पारे़ल्‍ले़, आङ्‌गाॽ के़धुम्‍बा पोःक्‍खाङ्‌ङाङ् पाराङ्, “आदाङ्‌बे, पारे़ॽ, थेआङ्‌भे़ल्‍ले़ आङ्‌गाॽ के़धुम्‍बा के़जोगाङ्‌ङाङ् वाॽ॥”

यसैया 58:9

खिनिॽ पेलि के़भाक्‍तुम्‍मिल्‍ले़ खुने़ॽ नुगप् के़बिरिरो, खे़निॽ पाःन्‍गे़साःत्तुम्‍मिल्‍ले़ खुने़ॽ पाःन्‍गे़साःत्तिरो॥ “खिनिॽ मना तुक्‍खे चाःप्‍मा, मना कुनामे़न्‍छाॽ मे़प्‍मा, हे़क्‍क्‍याङ् मुराओलाम् के़लःम्‍बा के़रे़क् फे़न् पाःन्‍हाॽ के़ले़रुम् के़देसुम्‍ने़भग्र,

मत्ति 28:5

हे़क्‍क्‍याङ् माङ्‌लाइङ्‌बाल्‍ले़ खे़न् मे़न्‍छुमाहाॽ मे़त्तुसि, “मे़गिसे़त्‍छे़न्‍ने़ॽओ, खिन्‍छिॽ सिलाम्‍साक्‍मा सिङ्‌सम्‍दाङ् मे़भोःन्‍दुबा ये़सुन् के़गोःत्‍छुबा पाःन्‍निन् कुसिङ् निःत्तुङ्‌लो॥

यसैया 65:24

खे़ङ्‌हाॽरे़ आङ्‌गाॽ पेलि फाक्‍मानुःल्‍ले़ तगि खे़ङ्‌हाॽरे़ आङ्‌गाॽ मे़नाःक्‍काबा पाःन्‍हाॽ पिरुङ्‌सिङ्‌लो॥

यसैया 41:10

कल्‍ले़चोगुल्‍ले़ खे़ने़ॽ मे़गिसे़न्‍ने़ॽओ, थेआङ्‌भे़ल्‍ले़ आङ्‌गाॽ खे़ने़ॽनु वाॽआरो॥ के़निङ्‌साङ् मे़बुगे़न्‍ने़ॽ, थेआङ्‌भे़ल्‍ले़ आङ्‌गाॽ के़निङ्‌वाॽफुमाङ्‌आरो, आङ्‌गाॽ खे़ने़ॽ के़धुम्‍बा चोःक्‍ने़रो॥ आङ्‌गाॽ खे़ने़ॽ फाॽने़रो, साम्‌योबा आजुक्‌वा आहुक्‍किल्‍ले़ आङ्‌गाॽ खे़ने़ॽ फाॽने़ चोःक्‍ने़रो॥

यसैया 41:14

यहवे दाङ्‌बे़ल्‍ले़ अक्‍खे पाःत्तुरो, “फेॽबात् याकुबए, चुःक्‍सा इस्राइलए, मे़गिसे़ने़ॽओ! थेआङ्‌भे़ल्‍ले़ आङ्‌गाॽए फाॽने़रो, खे़ने़ॽ के़धे़ॽबा, इस्राइलबा सेसे निङ्‌वाॽफुमाङ् आङ्‌गाॽएरो॥

यसैया 35:4

निङ्‌वाॽओ साॽरिक् के़गिबाहाॽ मे़त्ते़म्‍सिम्‍मे़ॽओ, “हाङ्‌हाङ् लॽरे़म्‍मे़ॽ, मे़गिसे़म्‍मिन्‍ने़ॽओ॥ खे़निॽ निङ्‌वाॽफुमाङ्‌ङिन् कुले़क्‌वा हुङ्‌से़ युरो, साम्‌योबा हाङ्‌से़म्‍नु खे़निॽ ताङ्‌से़ःप्‍से़ युर पत्‍लो॥

लुका 24:38

कर ये़सुरे़ खे़ङ्‌हाॽ मे़त्तुसि, “थेआङ् खिनिॽ यङ्‌मा के़रे़बा? हे़क्‍क्‍याङ् खिनिॽ निङ्‌वाॽबो थेआङ् चप्‍चि के़जोगुम्‍बाबे?

ले़बि 16:31

खे़न् ये़न्‍निङ्‌ग साॽरिक् सेसेबा ये़न्‍लो॥ खे़ल्‍ले़ याःन्‍दिक् खिनिॽ तःक्‍ने़त् युङे़म्‍मे़ॽ हे़क्‍क्‍याङ् याःम्‍बक् थेआङ् मे़जोगे़म्‍मिन्‍ने़ॽ॥ कन् थिम्‍हाॽ सदादिङ् आभे़ल्‍ले़साङ् इःप्‍मा नाःप्‍मा पोङ्‌ॽ॥

ले़बि 16:29

“खिनिॽ लागि कन् सदादिङ्‌बा थिम् पोङ्‌ल॥ नुसिगेक्‍पा ला थिबोङ् ये़न्‍नो खिनिॽ आप्‍फेक् आप्‍फेक् नाॽआसिम्‍मे़ॽ॥ लाजेॽओ खिनिॽ सागे़वाःन्‍छिङ्‌बानिङ्‌साङ्, इग्र खिनिॽलुम्‍मो के़वाॽबा वेॽ लाजेॽबासाङ्, खिनिॽ आत्तिन्‍हाॽरे़आङ् थे़मा परिक्‍ले़न्‍नाङ् याःम्‍बक् मे़जोगे़म्‍मिन्‍ने़ॽ,

सुफो 1:17

हे़क्‍क्‍याङ् खुने़ॽ निसुङ्‌ङाङ् इङ्‌गाॽग सिमालिङ्‌धोओ के़राङ्‌ङाङ् कुलाङ्‌जक्‍पो हर्गुप्‍सा चोःन्‍दाङ्‌लो॥ खुने़ॽ कुजुप्‍साङ् हुक्‍किन् आसम्‍दाङ् ने़स्‍सुआङ् अक्‍खे मे़त्ताङ्‌लो, “मे़गिसे़न्‍ने़ॽओ इङ्‌गाॽ तोलिङ्‌सोमु नु कुनुप्‍माआरो॥

सेःक्‌युक्‍मिबाहाॽ 27:24

अक्‍खे मे़त्ताङ्, ‘पावलए, मे़गिसे़न्‍ने़ॽओ, खे़ने़ॽग सिजरले़ कुदगि खासे़न् लोःन्‍छिङ्‌से़ ये़प्‍माए पोङ्‌लो॥ हे़क्‍क्‍याङ् निङ्‌वाॽफुमाङ्‌ङिल्‍ले़ खे़ने़ॽनु लाम्‍दिक् के़जोःक्‍पाहाॽआङ् हिङ्‌घुसिॽरो॥’

निङ्‌वाॽफु साम्‍लोसुम् 69:10

आङ्‌गाॽ हाःप्‍पार तःक्‍ने़त्तो युङ्‌ङारो, कर मनाहाॽरे़ आना मे़धासु मे़बिआरो॥

लुका 2:10

कर माङ्‌लाइङ्‌बाल्‍ले़ खे़ङ्‌हाॽ मे़त्तुसि, “खिनिॽ मे़गिसे़म्‍मिन्‍ने़ॽओ! काक् मनाहाॽ साॽरिक् मे़सःत्‍ल फाॽआङ् इङ्‌गाॽ खिनिॽ लागि सुनाइङ् तारुङ्‌ङाङ् वाॽआरो॥

लुका 1:30

हे़क्‍क्‍याङ् माङ्‌लाइङ्‌बाल्‍ले़ खुने़ॽ मे़त्तु, “मरियम्‍मे, मे़गिसे़न्‍ने़ॽओ! निङ्‌वाॽफुमाङ्‌ङिल्‍ले़ खे़ने़ॽग साॽरिक् कुसिराॽ के़धाङे़आङ् के़वाॽरो॥

लुका 1:13

कर खे़न् माङ्‌लाइङ्‌बाल्‍ले़ खुने़ॽ मे़त्तु, “मे़गिसे़न्‍ने़ॽओ जकरियाए! आल्‍लो खे़ने़ॽ के़जोगुबा तुवान् निङ्‌वाॽफुमाङ्‌ङिल्‍ले़ खे़प्‍सुआङ् वाॽरो॥ आल्‍ल मे़ल्‍लिङ्‌गे़न् के़मेःत् इलिसिबारे़ ये़म्‍बित्‍छाॽसाधिक् के़गत् के़बिॽरो॥ खे़न् अङे़ःक्‌वान् युहुन्‍ना मिङ् वाःत्ते़ॽओ॥

मर्कुस 16:6

खे़ल्‍ले़ खे़ङ्‌हाॽ मे़त्तुसि, “खिनिॽ निङ्‌वाॽ मे़मये़म्‍मिन्‍ने़ॽओ! खिनिॽ सिलाम्‍साक्‍मा सिङ्‌सम्‍दाङ् मे़भोःन्‍दुबा नासरतबा ये़सुन् के़गोःत्तुम्‍बा मेःम्‍बि? खुने़ॽग कप्‍मो होप्‍लो! खुने़ॽग सिमे़न्‍लाम् याम्‍मो हिङे़, मेःन्‍ने फाॽग्र खुने़ॽ मे़ने़स्‍सुबादे़न्‍निन् ओमे़त्ते़म्‍मे़ॽओ॥

मत्ति 28:10

हे़क्‍क्‍याङ् ये़सुरे़ खे़ङ्‌हाॽ मे़त्तुसि, “खिन्‍छिॽ मे़गिसे़त्‍छे़न्‍ने़ॽओ, पेगे़त्‍छे़ॽआङ् आन्‍साॽसि गालिलओ के़बेगिमु मे़त्ते़छे़से़ॽओ, खे़ङ्‌हाॽरे़ इङ्‌गाॽ खे़त्‍थोए मे़दुम्‍माॽरो॥”

दानिए़ल 10:11

खुने़ॽ आङ्‌गाॽ मे़त्ताङ्, “दानिए़लए, निङ्‌वाॽफुमाङ्‌ङो खे़ने़ॽग साॽरिक्‍के इमे़ल्‍लुङ्‌बा के़जोक्, आङ्‌गाॽ खे़ने़ॽ मे़त्‍ने़र पत्ताबा पाःन्‍जाःक्‍हाॽ नुरिक्‍काङ् निङ्‌वाॽ इःत्ते़ॽ, हे़क्‍क्‍याङ् तक्‍पे़त् ये़बे़ॽ, थेआङ्‌भे़ल्‍ले़ आङ्‌गाॽ खे़ने़ॽओ मे़बाङ्‌घाङ्‌ङाङ् वाॽआ॥” आल्‍ल खुने़ॽ कन् मे़त्ताङ्‌ङाङ् आङ्‌गाॽ थे़गक्‍कक्‍ना यक्‍खाङ्‌ल ये़म्‍सिङ्‌ङारो॥

खानिःत् 29:7

“‘आम्‍भा खे़न् नुसिगेक्‍पा लाओबा थिबोङ्‌गेक्‍पा ये़न्‍नो खिनिॽ लत्‍छा सेसे चुम्‍लुङ् पोङ्‌ल॥ खे़न् ये़न्‍निल्‍ले़ याःन्‍दिक् खिनिॽ थे़माआङ् मे़जाम्‍मिन्‍ने़ॽ मे़धुङे़म्‍मिन्‍ने़ॽ, हे़क्‍क्‍याङ् खिनिॽ थे़मा परिक्‍ले़न् याःम्‍बक्‍काङ् मे़जोगे़म्‍मिन्‍ने़ॽ॥