दानिए़ल 1:2 - लिम्बु2 हे़क्क्याङ् निङ्वाॽफुमाङ्ङिल्ले़ कुहिम्मोबा कुभा खप्प्या सामाहाॽनु सोसोरिक् यहुदाबा यहोयाकिम हाङ्ङिन् नबुकदनेसरे़न् दाङ्बे़ल्ले़ हुक्सुप्तु॥ खुने़ॽ खे़न् खप्प्या सामाहाॽ बेबिलोनबा लाजेॽओ के़युङ्बा कुमाङ्हिम्मो तेॽरुआङ् माङ्हिम्मोबा थाःङ्ङो युक्खु॥ Gade chapit la |
दानिए़ल 1:2
30 Referans Kwoze
यहवे दाङ्बे़न् इस्राइलिहाॽनु कुसाक्के़न् पोगे़ खे़ल्ले़चोगुल्ले़ खे़ङ्हाॽ फाःन्दाहाॽ नु आनाप्नाप्पाहाॽरे़ खुन्छिॽ हुक्को थासुसिआङ् खे़ङ्हाॽरे़ मे़नाप्तुसिर याःन्दुसि॥ खुने़ॽ खे़ङ्हाॽरे़ खुन्छिॽ कब्रिङ् पिसाङ्बा निङ्मिहाॽओ सङ्घुदेसुसि, खे़ब्याङ् निङ्मिहाॽरे़ खुन्छिॽ तगि खे़ङ्हाॽरे़ थःप्मा मे़न्छुक्तुन्॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
चिगक्वा याङ्साकुन्धे के़नाप्पाहाॽरे़ खुन्छिॽ हुक्को याकुबे़न् हाःत्ले़ हुक्सुप्तुबे, हे़क्क्याङ् इस्राइले़न् फाःन्दाहाॽरे़ खुन्छिॽ हुक्को हाःत्ले़ थासुबे? थे आनिॽ खुने़ॽ कुदक्ले़ङ्वाओ लायो आजोगुम्बा यहवे दाङ्बे़ल्ले़ए थासुसिबा मेःम्बि? थेआङ्भे़ल्ले़ खे़ङ्हाॽ खुने़ॽ कुलाम्मो लाङ्मे़ङ्घेगे़ल्लो, खे़ङ्हाॽरे़ खुने़ॽ कुइङ्जाङ्ङिन् मे़न्इःत्तुन् मे़न्नाःत्तुल्लो॥
हे़क्क्याङ् निङ्वाॽफुसाम्बाहाॽ नु मनाहाॽ मे़त्तुङ्सिङ्, “यहवे दाङ्बे़ल्ले़ अक्खे पाःत्तुॽ, ‘माङ्हिम्मोबा याङ्साकुन्धेन् बेबिलोनलाम्बा मे़नुःक्तु मे़दारुॽ फाॽआङ् माङ्निङ्वाॽपान् के़बाःप्पाहाॽरे़ मे़बाःत्तुबा पाःन्निन् मे़घे़प्से़म्मिन्ने़ॽ॥ खे़ङ्हाॽरे़ खिनिॽ इङ्के़म्ले़क्तिर मे़बत्॥
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
Piblisite