दानिए़ल 1:19 - लिम्बु19 हाङ्ङिन् खे़ङ्हाॽनु ताॽजे़क्खे़ हे़क्क्याङ् खुने़ॽ दानिए़ल, हनन्याह, मिसाएल नु अजर्याहन्नाङ्धो हाःत्ताङ् कुदङ्बा मे़घोसुसिन्॥ कल्ले़चोगुल्ले़ खे़ङ्हाॽ हाङ्ङिल्ले़ कुयाःम्बक्को युक्तिङ् मे़बोःक्खे़॥ Gade chapit la |
दानिए़ल 1:19
11 Referans Kwoze
खे़ल्ले़चोगुल्ले़ यहवे दाङ्बे़ल्ले़ अक्तङ्बा नुगप् पिराङ्लो, “खे़ने़ॽ लायोलाम् के़नुःङ् के़दाने़भग्र आङ्गाॽ खे़ने़ॽ याम्मो ताःक्मा ते़न्नारो हे़क्क्याङ् खे़ने़ॽ याम्मो आसे़वारोबा के़बोङ्लो॥ हने़बा पान् पाःप्मारे़ कुले़क्वाओ कुसि के़याक्पा याःम्बक् के़जोगुने़भग्र खे़ने़ॽ याम्मो आङ्गाॽ आनिङ्वाॽपान् के़बाःप्पा के़बोङ्लो॥ मनाहाॽ खे़ने़ॽ ले़प्माङ् मे़नुःङ्ङाङ् मे़दारो कर खे़ने़ॽ खुन्छिॽ ले़प्माङ् मे़बेगे़न्ने़ॽओ॥
कल्ले़चोगुल्ले़ आङ्गाॽ कन् पाःन्निन् उवा चोगुङ्ल पत्ता, आत्तिन् सुवाङ्हाॽरे़ इग्र आत्तिन् पाःन्दाङ् के़बाःप्पा मनाहाॽरे़ सद्रक, मेसक नु अबेद्नगोरे़ खुन्छिॽ निङ्वाॽफुमाङ्ङिल्ले़ कुदक्ले़ङ्वाओ कुभा पान् मे़बाःत्तुने़भग्र, खे़ङ्हाॽ कुजक्ता कुले़म्दा मे़बोङ्ल च्ये़प्मासि पोङ्ॽ हे़क्क्याङ् खे़ङ्हाॽरे़ खुन्छिॽ हिम्धाःङ्हाॽ खाप्पुथ्यःङ् चोःक्मा पोङ्ॽ, थेआङ्भे़ल्ले़ अक्खेलॽरिक् वेॽ आत्तिन् माङ्ङिल्ले़आङ् ताङ्से़ःप्मा आन्छुक्ने़न्॥”
खे़न् नालिगे़न् थाङ्बे़न् मनाहाॽ खुन्छिॽ थक्ला लिङ्गे़न्नो थेआङ् के़गाःम्बा मे़म्बप्मना, पनुनुबा, के़रे़क् परिक्पा निसाम् हुॽसिङ्मा के़सुक्पा, सिक्कुम्दिङ् निङ्वाॽ के़गप्पा, हारा हुॽसिङ्मा के़सुक्पा नु हाङ्हिम्मो याःम्बक् चोःक्मा के़सुक्पा पोङ्मा के़बोङ्बा वये़॥ असपेनजरे़ खे़ङ्हाॽ बेबिलोनबा पाःन्दाङ् नु साप्सक् हुॽमासि के़बोङ्बा वये़॥
Piblisite