दानिए़ल 1:17 - लिम्बु17 कन् लिसि नालिगे़न् थाङ्बे़न्हाॽ निङ्वाॽफुमाङ्ङिल्ले़ के़रे़क् परिक्पा सक्साप् कुसिङ् निःप्मा नु निसाम् हे़क्क्याङ् ने़हिनिङ्वाॽ पिरुसि॥ हे़क्क्याङ् दानिए़ले़न् के़रे़क् परिक्पा मिक् निमा सुफो नु से़प्माङ्हाॽरे़ कुबे हम्मा के़सुक्पा पोःक्खे़॥ Gade chapit la |
दानिए़ल 1:17
36 Referans Kwoze
से़क्खासाङ् खे़ने़ॽ के़नाःक्तुबे़न् आङ्गाॽ के़त्तुङ् पिने़॥ आङ्गाॽ खे़ने़ॽ सिक्कुम्साबा नु निःन्धो चोःक्मा के़सुक्पा निङ्वाॽ पिने़, हे़क्केलॽरिक् खे़ने़ॽनुःल्ले़ तगि खे़ने़ॽ हे़क्तङ्बा आभे़ल्ले़आङ् हाःत्ताङ् मे़म्बोङ्ङे वाॽ, हे़क्क्याङ् खे़ने़ॽ के़एगाङ्ङाङ् आप्फाल्ले़आङ् हाःत्ताङ् मे़बोङ्ने़न्॥
आसुधे़बा आधाःक्थे़बाहाॽरे़ खुन्छिॽ निङ्वाॽफुमाङ्ङे, आङ्गाॽ खे़ने़ॽ नुगे़न् पिने़रो हे़क्क्याङ् खे़ने़ॽ के़नारा फोसुङ्लो, खे़ने़ॽ सिक्कुम्दिङ् निङ्वाॽ नु आङ्गाॽ मुक्साम् के़बिराङ्ङाङ् वाॽरो॥ आनिगे खे़ने़ॽ नाःक्कासिगे़बा पाःन्निन् आङ्गाॽ ओसेःन्गे़धाक्ताङ्ङाङ् वाॽरो खे़ने़ॽ हाङ्ङिल्ले़ कुसे़प्माङ्ङिन् आनिगे याप्मि ओःन्गे़धाक्ते़आङ् वाॽरो॥”
आत्तिन् मनाःल्ले़ निङ्वाॽफुमाङ्ङिन् कुनिङ्वाॽ तासुॽ, खुने़ॽ खे़न्ने सिक्कुम् निङ्वाॽ, ने़हिनिङ्वाॽ नु निङ्वाॽ तामा पान् पिरुॽ॥ कर निङ्वाॽफुमाङ्ङिल्ले़ कुनिङ्वाॽ के़दाबा मनान् पिमा फाॽआङ् खुने़ॽ लायोबा मनान् याङ्साकुन्धे फुङ्मा नु लुम्मा याःम्बक् पिरुॽ॥ कन्नाङ् हने़ थेनाधे, साम्मिःत् केजङ्ङिन् नाःप्मनाबा हे़क्केरक्लो॥
खे़न् नालिगे़न् थाङ्बे़न् मनाहाॽ खुन्छिॽ थक्ला लिङ्गे़न्नो थेआङ् के़गाःम्बा मे़म्बप्मना, पनुनुबा, के़रे़क् परिक्पा निसाम् हुॽसिङ्मा के़सुक्पा, सिक्कुम्दिङ् निङ्वाॽ के़गप्पा, हारा हुॽसिङ्मा के़सुक्पा नु हाङ्हिम्मो याःम्बक् चोःक्मा के़सुक्पा पोङ्मा के़बोङ्बा वये़॥ असपेनजरे़ खे़ङ्हाॽ बेबिलोनबा पाःन्दाङ् नु साप्सक् हुॽमासि के़बोङ्बा वये़॥
आङ्गाॽलाम् कन् सिबिॽ पाःन्निल्ले़ कुबे ओसेःन्धाङ् पोःक्खे़बान् आङ्गाॽ वेॽ कुहिङ्वे़त् मे़न्छाम् याप्मिहाॽनुःल्ले़ यरिक् सिक्कुम्साबा पोःक्खाङ्बाल्ले़ चोगुल्ले़ मेःन्, कर आदाङ्बा पयम् हाङ्ङिल्ले़ के़से़प्माङ्ङिल्ले़ कुबेन् हन्ल हे़क्क्याङ् आदाङ्बारे़ के़निङ्वाॽओ के़वाॽबा पाःन्हाॽ कुसिङ् निःप्मा के़सुक्तुर फाॽआङ् ओसेःन्धाङ् पोःक्खे़आङ् वाॽ॥
Piblisite