कलस्‍सि 4:2 - लिम्‍बु

² चक्‍मे़ल्‍लॽए निङ्‌वाॽफुमाङ्‌ङिन् नोगे़न् पिरे़म्‍मे़ॽर सिङ्‌सिङ् ये़क्‌ये़क्‍काङ् तुवा चोगे़म्‍मे़ॽओ॥

कलस्‍सि 4:2 Referans Kwoze

फिलिप्‍पि 4:6

आत्तिन् पाःन्‍नोआङ् निङ्‌साम्‍मो मे़ध्‍ये़म्‍मिन्‍ने़ॽओ, कर के़रे़क् पाःन्‍हाॽरे़ लागि निङ्‌वाॽफुमाङ्‌ङिन् नोगे़न् पिरे़म्‍मे़ॽर तुवा नु ये़क्‍पेलिलाम्‍बा निङ्‌वाॽफुमाङ्‌ङो खिनिॽ पेलिहाॽ तोःन्‍दे़म्‍मे़ॽओ॥

एफिसि 6:18

के़रे़क् ये़म्‍हाॽओ के़रे़क् परिक्‍ले़न् तुवा नु ये़क्‍पेलिहाॽ सेसेमाङ्‌ङिल्‍ले़ लाम्‍गे़लोसिबा कुइसिक् तुवा चोगे़म्‍मे़ॽ॥ कन् पाःन्‍निन् निङ्‌वाॽ इःत्ते़म्‍मे़ॽर सिङ्‌सिङ् ये़क्‌ये़क्‍काङ् निङ्‌वाॽफुमाङ्‌ङिल्‍ले़ सेसे कुमनाहाॽरे़ लागि तुवा चोःक्‍मा पिमासि मे़ले़रे़म्‍मिन्‍ने़ॽओ॥

रोमि 12:12

खिनिॽ निङ्‌साङ् के़जोगुम्‍बाल्‍ले़ चोगुल्‍ले़ सःत्ते़म्‍मे़ॽओ, इनोगे़न् तुक्‍खे के़ज्‍ये़ॽइल्‍ले़ नासि थःत्ते़म्‍मे़ॽओ, तुवा चोःक्‍मा मे़ले़रे़म्‍मिन्‍ने़ॽओ॥

मत्ति 26:41

हङ्‌साॽमाओ मे़ध्‍ये़ॽइगे़न्‍ल फाॽआङ् निङ्‌वाॽ चाङ्‌जाङ्‌ङाङ् तुवा चोगे़म्‍मे़ॽओ॥ खिनिॽ निङ्‌वाॽइल्‍ले़ नुरिक्‍काङ् चोःक्‍मा के़गोःत्तुम्, कर खिनिॽ नासिङ्‌गे़न् थक्‍किङ्‌ग मे़धुम्‍मिन्‍बाल्‍ले़ चोगुल्‍ले़ के़न्‍छुक्‍तुम्‍मिल्‍लो॥”

लुका 18:1

हे़क्‍क्‍याङ् ये़सुरे़ कुहुॽसाम्‍बाहाॽ चक्‍मे़ल्‍लॽए तुवा चोःक्‍मा पोङ्, आप्‍फाल्‍ले़आङ् निङ्‌वाॽ सोःम्‍मा मे़नुॽने़न् लॽरिक् हुॽमासि फाॽआङ् लत्‍छा खे़दाॽ मे़त्तुसि॥

लुका 21:36

के़रे़क् ये़म्‍मो आप्‍फाल्‍ले़साङ् कन् के़दाबा पाःन्‍नोलाम् खे़त्‍छिङ्‌मा पेःक्‍मा मुक्‍साम् के़घोसुम्‍ल हे़क्‍क्‍याङ् मे़न्‍छाम्‍साःल्‍ले़ कुदगि ये़प्‍मा के़सुक्‍पा के़बोःक्‍खिर फाॽआङ् सिङ्‌सिङ् लॽरे़म्‍मे़ॽर तुवा चोगे़म्‍मे़ॽओ॥”

निङ्‌वाॽफु साम्‍लोसुम् 109:4

आङ्‌गाॽग खे़ङ्‌हाॽ लुङ्‌माॽ तुक्‍तुङ्‌सिङ्‌लो हे़क्‍क्‍याङ् खुन्‍छिॽ लागि तुवा चोगुङ् पिरुङ्‌सिङ्‌लो, हे़क्‍केसाङ् खे़ङ्‌हाॽरे़ आङ्‌गाॽ मे़अत्तारो॥

१ पत्रुस 4:7

काक् पाःन्‍हाॽरे़ कुनुप्‍मान् निःत्ताङ्‌ङे त्‍ये़आङ् वाॽरो॥ खे़ल्‍ले़चोगुल्‍ले़ खिनिॽ तुवा चोःक्‍मा के़सुक्‍तिर फाॽआङ् सेसे निङ्‌वाॽ नु चाङ्‌जाङ्‌ङाङ् वये़म्‍मे़ॽओ॥

कलस्‍सि 1:9

खे़ल्‍ले़चोगुल्‍ले़ खिनिॽ याःम्‍बेओ आनिगे खे़प्‍सुम्‍बे़आङ्‌धोए खिनिॽ लागि चक्‍मे़ल्‍लॽए तुवा चोगुम्‍बे़रो॥ सिक्‍कुम्‍दिङ् निङ्‌वाॽ नु इःत्‍छिङ्‌साम्‍लाम् निङ्‌वाॽफुमाङ्‌ङिल्‍ले़ साम्‍जिक्‍गे़न् कुनिङ्‌वाॽइल्‍ले़ खिनिॽ के़धिम्‍सिर फाॽआङ् तुवा चोगुम्‍बे़रो॥

मर्कुस 13:33

हे़क्‍केःल्‍ले़ सिङ्‌सिङ् ये़क्‌ये़क् लॽरे़म्‍मे़ॽओ, थेआङ्‌भे़ल्‍ले़ कन् ये़न्‍निन् आप्‍फाल्‍ले़ ताः फाॽआङ् खिनिॽ के़न्‍निसुम्‍मिन्‍लो॥

कलस्‍सि 3:17

खिनिॽ च्‍या के़बाःत्तुम्‍साङ् च्‍या के़जोगुम्‍साङ् दाङ्‌बा ये़सुरे़ कुमिङ्‌ङो चोगे़म्‍मे़ॽओ, हे़क्‍क्‍याङ् खुने़ॽलाम्‍बाए पानुदिङ् पाः निङ्‌वाॽफुमाङ्‌ङिन् नोगे़न् पिरे़म्‍मे़ॽओ॥

कलस्‍सि 2:7

खुने़ॽओ के़हुॽआसिबा निसाम्‍मो, साःप् लेःत्ते़म्‍मे़ॽआङ् पोरे़म्‍मे़ॽ, नसाःन्‍नो के़धुम्‍बा पोःक्‍खे़म्‍मे़ॽर दाङ्‌बान् सदादिङ् नोगे़न् पिरे़म्‍मे़ॽओ॥

कलस्‍सि 4:12

खिनिॽनुएबा थिक्‍पा ख्रिस्‍त ये़सुरे़ कुसे़वारोबा इपाफ्रासरे़ खिनिॽ से़वा के़हाक्‍तिरो॥ खुने़ॽग खिनिॽ लागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌दो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

१ सामुए़ल 12:23

खे़निॽ लागि तुवा चोःक्‍मा ले़प्‍माआङ् यहवे दाङ्‌बाल्‍ले़ कुदक्‍ले़ङ्‌वाओ लायो चोःक्‍मा पान् आङ्‌गाॽलाम् माःङ्‌घा पोङ्‌ल॥ हे़क्‍क्‍याङ् थेःन् नुबा नु कुदोःप्‍मा चोक् खे़न्‍निन्‍ने ओसेःन्‍धाक्‍निङ्॥

कलस्‍सि 3:15

हाराॽ ख्रिस्‍तरे़ कुसनारुङ्‌ङिल्‍ले़ खिनिॽ सिक्‍लुङ्‌मान् युक्‍तुररो, थेआङ्‌भे़ल्‍ले़ सनारुङ्‌ङो वाॽमा फाॽआङ् खिनिॽग लत्‍थिक् नासिङ्‌गे़न् थक्‍को उःत्‍छिङ्‌मा के़घोसुम्‍माङ् के़वयिॽरो॥ खिनिॽ नोगे़न्‍साबा पोःक्‍खे़म्‍मे़ॽओ॥

अयुब 15:4

खे़ने़ॽ के़बाःत्तुबा हे़क्‍के पोङ्‌ङिल्‍ले़ग आत्तिल्‍ले़आङ् निङ्‌वाॽफुमाङ्‌ङिन् मे़गिरुन्‍लो, हे़क्‍क्‍याङ् हाःत्‍ले़आङ् खुने़ॽ पेलि मे़भाक्‍तुन्‍लो॥

सेःक्‌युक्‍मिबाहाॽ 1:14

खे़ङ्‌हाॽ काक् सोरिक् मे़बोःक्‍खे़र चक्‍मे़ल्‍लॽए तुवा चोःक्‍कि मे़यागे़॥ खे़ङ्‌हाॽओ ये़सुरे़ कुम्‍मा मरियम नु वेॽ मे़न्‍छुमाहाॽ हे़क्‍क्‍याङ् ये़सुरे़ कुन्‍साॽसिआङ् मे़वये़रो॥

१ सामुए़ल 1:12

हे़क्‍केलॽरिक् हन्‍नाःल्‍ले़ यहवे दाङ्‌बाल्‍ले़ कुदगि चक्‍मे़न्‍लॽए इरिक् थारिक् पेलिगे़न् तुवा चोगु, कर एलिःल्‍ले़ हन्‍नाःल्‍ले़ कुम्‍ब्रा मुसिक् मुसिक् मुन्‍दे़बाल्‍लक् स्‍वाःत् ओमे़त्तु॥