कलस्सि 3:12 - लिम्बु12 हे़क्केःल्ले़ निङ्वाॽफुमाङ्ङिल्ले़ सेगुसिबा मनाहाॽ, सेसे नु साॽरिक् लुङ्माॽ तुक्तुसिबाहाॽरे़, लुङ्दुक्किन्, लुङ्माॽ तुक्सिङ्मान्, नोनिङ्वाॽइन्, चुङ्जिगे़न् नःम्नःम् लॽमान् नु नासि थःप्मान् चाङ् कुइसिक् चाक्सिङ्मा पोङ्लो॥ Gade chapit la |
कलस्सि 3:12
50 Referans Kwoze
आनिगे सेसे हिङ्मन्लाम्, खासिङ्निःप्मालाम्, नासि थःप्मालाम्, नुरिक्काङ् लुङ्माॽ तुक्मालाम्, सेसेमाङ्ङिल्ले़ कुमुक्साम्लाम्, कुदोःप्मा मिःम्जिलाम्, से़क्खाबा सुनाइङ्घङ्लाम्, हे़क्क्याङ् निङ्वाॽफुमाङ्ङिल्ले़ कुमुक्साम्मोलाम् निङ्वाॽफुमाङ्ङिल्ले़ कुसे़वारोबासिगे़ फाॽआङ् आबाङे ओसेःन्धाक्कासिगे़रो॥ आक्तङ्बा ये़म्मोसाङ् आनिगे फे़जुम् फे़याग निङ्वाॽफुमाङ्ङिल्ले़ कुसिराॽ के़धाङ्बा आनिगे साम्योबा हिङ्मन्नेरो॥
हे़क्क्याङ् आङ्गाॽ याम्मो लाङ्घेगाङ्ङिल्ले़, खे़ने़ॽ नानुॽमा के़ये़म् के़रे़बा निने़॥ खे़ल्ले़चोगुल्ले़ आङ्गाॽ आजाङ्ङिल्ले़ खे़ने़ॽ ले़क्चाबुधुःक्पा के़धक्किन् ते़प्तुङ् पिने़ हे़क्क्याङ् खे़ने़ॽनु मेःक्खिम् चोःक्मा माङ्हे़क् चोगुङ्॥ आङ्गाॽ खे़ने़ॽनु माङ्हुप्पाङ् चोगुङ् मुक्साम्दाङ्बा यहवे दाङ्बे़ल्ले़ पाःत्तुॽ, खे़ब्याङ् खे़ने़ॽ आङ्गाॽइन् के़बोःक्खे़॥
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
निङ्वाॽफुमाङ्ङिल्ले़ कुसे़वारोबा नु ये़सु ख्रिस्तरे़ कुसेःक्युक्मिबा इङ्गाॽ पावललाम्बा कन् सक्इङ्घङ्ङिन् हाक्ने़ॽरो॥ निङ्वाॽफुमाङ्ङिल्ले़ सेगुसिबा कुमनाहाॽ खुनिॽ नसाःन्नो कुभाॽ पिमासि हे़क्क्याङ् आनिॽ साम्योरे़ आहुॽरे़बा से़क्खाओ लाम्लोमासि फाॽआङ् निङ्वाॽफुमाङ्ङिल्ले़ इङ्गाॽ सेगाङ्लो॥
खुने़ॽए आनिॽ ताङ्आसे़ःप्ते़आङ् आप्फेक् सेसे कुमना पोङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् कुनिङ्वाॽसोक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेक् चोगुआङ् वये़॥
कर खे़न् काप्साबासाहाॽ सावाःन्छिङ्मानुःल्ले़ तगिए, खे़ङ्हाॽरे़ नुबा नु ताप्फे़ःम्बा याःम्बक् थेआङ् मे़न्जोःक्के, निङ्वाॽफुमाङ्ङिल्ले़ रिबेक्कान् अक्खे मे़त्तुआङ् वये़रो, “तुम्बाल्ले़ फोॽबान् से़वा चोगुॽरो॥” निङ्वाॽफुमाङ्ङिल्ले़ पाःत्तुबा कुइसिक् साम्योसाप्लाओ अक्खेलॽरिक् साप्ते़आङ् पत्, “इङ्गाॽ याकुबे़न् लुङ्माॽ तुक्तुङ्, कर ए़साउःन् चिःत्तुङ्लो॥” अक्खेलॽरिक् निङ्वाॽफुमाङ्ङिल्ले़ मनाहाॽरे़ खुनिॽ याःम्बक्किन् ओमे़त्तुआङ् मेःन्, कर खुने़ॽ आबाङे कुनिङ्वाॽसोक् कुइसिक् सेगुॽ के़लॽबा पाःन्निन् निःन्धो चोगुरो॥
“एफ्राइमे़न्, के़रे़क्नुःल्ले़ लुङ्माॽ तुक्तुङ्बा आस्सारो, के़रे़क्नुःल्ले़ यरिक् आलुङ्माॽ स्याःत् के़लॽबा आस्सारो कुदक्ले़ङ्वाओ पाःत्तासाङ् मिःम्जिनु निङ्वाॽ इःत्तुङ्लो॥ खुने़ॽ कुलागि आलुङ्माॽ फ्याःङ्भ्याःङ् लॽरो, कुत्चाॽए आङ्गाॽ खुने़ॽ लुङ्माॽ तुक्तुङ्लो॥ आङ्गाॽ यहवे दाङ्बे़ल्ले़ पाःत्तुङ्लो॥
खे़ङ्हाॽरे़ हिम्हाॽ मे़जोगुआङ् आफेक् मे़युङ्लो, वेॽहाॽ मे़लाःत्ताङ् मे़न्युङ्ने़न्लो, हे़क्क्याङ् खे़ङ्हाॽरे़ मे़लेःत्तुबा इक्ताप्हाॽ आबाङे मे़जरो वेॽहाॽरे़ मे़न्जने़न्लो॥ थेआङ्भे़ल्ले़ सिङ्बुङ्ङिन् इरिक् हिङ्बा हे़क्केए आङ्गाॽ आमनाहाॽरे़ खुन्छिॽ थाःक् चाॽरो, खे़ब्याङ् आङ्गाॽ सेगुङ्सिङ्बाहाॽरे़ आबाङे हुक्किल्ले़ मे़जोगुबा याःम्बक्को यरिक् ये़न् थारिक् मे़सःत्लो॥
Piblisite