कलस्सि 2:8 - लिम्बु8 सिङ्सिङ् लॽरे़म्मे़ॽओ, मे़ःङ्ग्र मे़न्छाम् याप्मिरे़ मे़जोगुबा कुघे़म्गे़नुॽबा इङ्ले़क्पा निसाम्हाॽरे़ के़युक्तिॽरो॥ खे़न् निसाम्हाॽग ख्रिस्तलाम् मेःन्, कर मे़न्छाम्थाःक्लाम् के़युबा थिम् नु इक्सादिङ् खाम्बेःक्मोबा कुहेःक्सिङ्मोबा हने़बा खाहुन्लाम् के़दाबारक्लो॥ Gade chapit la |
कलस्सि 2:8
38 Referans Kwoze
खिनिॽ ख्रिस्ते़न्नु सोरिक् के़स्ये़ॽइबारो, हे़क्क्याङ् खुने़ॽए इक्सादिङ् खाम्बेक् कुहेःक्सिङ्माआङ्धोबा हने़बा खाहुन्लाम् चोःक्युम्भो के़बिरिआङ् वाॽरो॥ हे़क्केःल्ले़ कन् ओगप् मे़जोगे़न्ने़ॽ, खे़न् मे़साॽरे़न्ने़ॽ, हे़क्क्याङ् मे़सुसे़न्ने़ॽ के़लॽबा इक्साबा थिम्हाॽ थेआङ् के़इःत्तुम् के़नाःत्तुबाबे?
यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, “खिनिॽ लुम्मो के़वाॽबा माङ्निङ्वाॽपान् के़बाःप्पाहाॽ इग्र ताःन्दि के़दाबा पाःन्हाॽ आनिगे आल्लोसा पाःप्मा सुक्तुम्बे़ लॽरिक् पान् के़धक्पा वेॽ मनाहाॽरे़ खुन्छिॽ इङ्ले़क्को मे़ध्ये़म्मे़न्ने़ॽ॥ खिनिॽ आबाङे के़इःत्तुम्माङ् के़माक्तुम्बा से़प्माङ्बा पाःन्नो निङ्वाॽ मे़बिरे़म्मिन्ने़ॽ॥
खे़ल्ले़चोगुल्ले़ आमिःम् आन्जुम्से, खिनिॽग कन् पाःन्हाॽ निङ्वाॽ के़घोसुम्माङ् के़वयिबाल्ले़ चोगुल्ले़ सिङ्सिङ् ये़क्ये़क् लॽरे़म्मे़ॽओ॥ हे़क्केःल्ले़ फे़न्पान् के़जोःक्पाहाॽरे़ खुनिॽ इङ्ले़क्के पाःन्निल्ले़ खिनिॽ के़मे़न्भोःत्तिन्ल हे़क्क्याङ् खिनिॽ के़धुम्बा नसाःन्लाम् के़न्जोःन्दिन्लरो॥
आनिॽ कन् फे़जुम् फे़याहाॽलाम् मनाहाॽरे़ खुनिॽ इङ्ले़क्के पाःन्धङ्हाॽ हे़क्क्याङ् मनाहाॽरे़ निङ्वाॽफुमाङ्ङिन् कुसिङ् मे़न्निःत्तुन्ल फाॽआङ् के़बोःक्पा आघघबा पाःन्हाॽ आनाःन्दुम्लो॥ हे़क्क्याङ् के़रे़क् मे़इःत्तुबा फे़न् निङ्वाॽहाॽ पुङ्लाधाबान् ते़म्ना ताःप्मनाबा कुइसिक् ख्रिस्तरे़ कुइङ्जाङ् के़इःप्पा के़नाःप्पा मे़बोङ्ल फाॽआङ् युक्को आदारुम्लो॥
आनिगे सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ से़वा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोम्नाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
आमिःम् फुॽनुसाॽ नु ने़ॽनुसाॽसे, ये़मे़न्दङ् के़दाःप्पाहाॽ मिक्चो मे़त्ते़म्सिम्मे़ॽ फाॽआङ् पेलि फाक्निङ्लो॥ खे़ङ्हाॽरे़ग खिनिॽ के़हुॽआसिबा से़क्खा पाःन्निल्ले़ कुदक्ले़ङ्वाओ इङ्ले़क्पा पाःन्निन् मे़हुॽरुसिआङ् मनाहाॽ खुनिॽ नसाःन्नो मे़घसुसिरो॥ अक्तङ्बा मनाहाॽनु माःङ्घाए वये़म्मे़ॽ,
खे़प्मो एपिक्युरि नु स्तोकि सिक्साम्बाहाॽआङ् खुने़ॽनु पान् मे़धक्ते़रो॥ कुभा अक्खे मे़मे़त्छिङ्, “कन् अॽअबाल्ले़ थे़माःन् पाःत्तुबे?” वेॽहाॽरे़ अक्खे मे़मे़त्तु, “कल्ले़ग कुसङ् वेॽ साम्माङ्ज्याङ् नु माङ् पान् चे़क्खु पाःत्तुबा हे़क्के लॽरो॥” पावलरे़ ये़सुन् नु सिमे़न्लाम् याम्मो हिङ्मारे़ कुयाःम्बेओ इङ्भन् चोगुबाल्ले़ खे़ङ्हाॽरे़ अक्खे मे़बाःत्तुबारो॥
Piblisite