कलस्‍सि 1:7 - लिम्‍बु

⁷ खे़न् पाःन्‍निन् आनिगे़नु सोरिक् माङ्‌से़वा याःम्‍बक् के़जोःक्‍पा इपाफ्रासलाम् के़हुॽआसिआङ् के़वयिॽरो॥ खुने़ॽग लुङ्‌माॽ तुक्‍तुम्‍बे़बा आनिगे ले़क्‌वा खिनिॽ लुम्‍मो ख्रिस्‍तरे़ कुनसाःन्‍साबा माङ्‌से़वा के़जोःक्‍पारो॥

कलस्‍सि 1:7 Referans Kwoze

कलस्‍सि 4:12

खिनिॽनुएबा थिक्‍पा ख्रिस्‍त ये़सुरे़ कुसे़वारोबा इपाफ्रासरे़ खिनिॽ से़वा के़हाक्‍तिरो॥ खुने़ॽग खिनिॽ लागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌दो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

फिलेमोन 1:23

ख्रिस्‍त ये़सुओ इङ्‌गाॽनु पुङ्‌लाहिम्‍मो साक्‍पा के़धाबा इपाफ्रासरे़ खे़ने़ॽ से़वा के़हाक्‍ते़आङ् वाॽरो॥

हिब्रु 2:17

खे़ल्‍ले़चोगुल्‍ले़ खुने़ॽग निङ्‌वाॽफुमाङ्‌ङिन् से़वा के़जोःक्‍पा लुङ्‌गुम्‍साबा नु नसाःन्‍साबा मानिङ्‌वाॽफुसाम्‍बा पोङ्‌से़ काक् परिक्‍ले़ आनिॽ हे़क्‍के पोङ्‌मा पोःक्‍खे़रो॥ हे़क्‍क्‍याङ् आनिॽ लायोल्‍ले़न् ले़प्‍मि पिमा के़सुक्‍पा सिदुङ्‌जभा पोःक्‍खे़रो॥

कलस्‍सि 4:7

तुखिकसरे़ इङ्‌गाॽ आयाःम्‍बेओबा इङ्‌घङ्‌ङिन् खिनिॽ के़जे़क्‍तिॽरो॥ खुने़ॽग आनिॽ लुङ्‌माॽ आदुक्‍तुम्‍बा नसानिबा नुसाॽ नु नसाःन्‍साबा माङ्‌से़वा के़जोःक्‍पा हे़क्‍क्‍याङ् दाङ्‌बाओ से़वारोबा चुम्‍लो॥

हिब्रु 3:2

मोसाःन् निङ्‌वाॽफुमाङ्‌ङिल्‍ले़ काक् कुहिम्‍सयङ्‌ङो नसाःन्‍साबा पोःक्‍खे़बा कुइसिक् ये़सुःन्‍नाङ् खुने़ॽ सेःक्‌युक् के़जोःक्‍पाल्‍लो ताःक्‍पोसाबा पोःक्‍खे़॥

२ तिमोथि 2:2

यरिक् तोःन्‍दिहाॽरे़ खुनिॽ तगि के़घे़प्‍सुबा आबाःन्‍निन् के़निङ्‌वाॽइरे़ खोःप्‍तुसिबा मनाहाॽ हुॽमा के़सुक्‍पा नसाःन्‍साबा वेॽ मनाहाॽ हुक्‍सुप्‍ते़से़ॽओ॥

फिलिप्‍पि 2:25

कर आल्‍लोग इपाफ्रोदितसे़न् खिनिॽओ याङ्‌ना पाङ्‌मा के़ये़क्‍पा निसुङ्‌लो॥ आन्‍छिगे सोरिक् माङ्‌से़वा याःम्‍बक् चोगुसिगे़, हे़क्‍क्‍याङ् सुनाइङ् से़मा थङ्‌ङिन्‍नाङ् सोसोरिक् थक्‍ते़सिगे़॥ खुने़ॽग इङ्‌गाॽ कुभाॽ पिसे़ के़बाङ्‌घुम्‍बा खिनिॽ इङ्‌साबारो॥

२ कोरन्‍थि 11:23

खे़ङ्‌हाॽ ख्रिस्‍तरे़ कुसेवारोबासिबि? इङ्‌गाॽग आल्‍लसाङ् साॽरिक् कुसेवारोबाआरो, कर अक्‍खेलॽरिक् पाःत्ताल्‍ले़ कुधना के़ले़ङ्‌बा कुइसिक् चोःक्‍कारो॥ खे़ङ्‌हाॽनुःल्‍ले़आङ् इङ्‌गाॽ याम्‍बुधिक्‍काङ् याःम्‍बक् चोगाङ्, यरिक्‍ले़ङ् पुङ्‌लाहिम्‍मो साक्‍पा थ्‍याङ्, यरिक्‍ले़ङ् ते़ःम्‍भुक् च्‍याङ्, हे़क्‍क्‍याङ् ए़त्‍ले़ङ् सिमालिङ्‌धोओ के़राङ्‌लो॥

१ कोरन्‍थि 4:2

आल्‍ल हे़क्‍तङ्‌बा लक्‍के़घोबा सेवारोबाहाॽग नसाःन्‍साबा पोङ्‌मा पोङ्‌लो॥

१ तिमोथि 4:6

कन् पाःन्‍हाॽ खे़ने़ॽ नसानिबा फुॽनुसाॽहाॽ के़हुॽरुसि हे़क्‍क्‍याङ् के़नाःत्तु के़इःत्तुबा से़क्‍खा निसाम् नु नसाःन्‍गे़न् पाःन्‍जाक्‍को के़हुॽसिङ्‌ल के़धाङ्‌ने़ फाॽग्र खे़ने़ॽग ख्रिस्‍त ये़सुरे़ नुबा कुसे़वारोबा के़बोङ्‌लो॥

एफिसि 5:21

आल्‍ल ख्रिस्‍ते़न् मिङ्‌सो इङ्‌धाङ् पिमनाबाल्‍ले़ चोगुल्‍ले़ थिक्‍किन् वेॽइल्‍ले़ कुयुक्‍को वये़म्‍मे़ॽओ॥

१ कोरन्‍थि 7:25

आल्‍ल मेःक्‍खिम् मे़न्‍जोःक्‍के के़वाॽमाहाॽरे़ खुनिॽ लागि दाङ्‌बालाम् थेआङ् इङ्‌जाङ् इङ्‌गाॽ मे़गत्तुङ्‌ङिन्‍लो, कर निङ्‌वाॽफुमाङ्‌ङिल्‍ले़ कुलुङ्‌गुम्‍लाम्‍बा नसाःन्‍साबा मना कुइसिक् सुजा पिनिङ्‌लो॥

१ कोरन्‍थि 4:17

बा खे़ल्‍ले़चोगुल्‍ले़ इङ्‌गाॽ लुङ्‌माॽ तुक्‍तुङ्‌बा दाङ्‌बाओ नसाःन्‍साबा आबुगे़न् आस्‍सा तिमोथिन् खिनिॽओ पाङ्‌घुङ्‌ल पत्तारो॥ के़रे़क् सेसेहुप्‍लक्‍को हुॽरुङ्‌सिङ्‌बा आनिसाम्‍मिन् कुइसिःक्‍के ख्रिस्‍त ये़सुन् इःत्तुङ् नाःत्तुङ्‌बा पाःन्‍निन् खिनिॽ निङ्‌वाॽसुम्‍मो खुने़ॽए तारु के़बिरिॽरो॥

मत्ति 25:21

कुन्‍दाङ्‌बाल्‍ले़ खे़न् मे़त्तु, ‘नुबा नु निङ्‌वाॽइरे़ खोःप्‍तुबा सेवारोबाए, नुबा के़जोगुरो! खे़ने़ॽग मिसाक् याङ्‌ङो नसाःन्‍साबा के़बोःक्‍खे़, आल्‍ल यरिक् पाःन्‍नो युक् पिने़रो॥ आल्‍ल आनिॽ सोरिक् सःत्तिरो!’

मत्ति 24:45

“आत्तिन् से़वारोबान् नसाःन्‍साबा नु सिक्‍कुम्‍साबा चोक्, खे़न्‍निन् हिम्‍दाङ्‌बाल्‍ले़ कुहिम्‍धाःङ्‌हाॽ ओमे़प्‍मा युक् पिरुआङ् खे़ल्‍ले़ वेॽ से़वारोबाहाॽ ये़म्‌ये़म्‍मो चामा थुङ्‌मा पिरुसिॽरो॥

खानिःत् 12:7

कर आङ्‌गाॽ आसे़वारोबा मोसाःन्‍नुग आङ्‌गाॽ हे़क्‍के मे़जोःक्‍कान्‍लो॥ खुने़ॽग के़रे़क् आहिम्‍सयङ्‌ङो नसाःन्‍साबा चोक्‍लो॥

मत्ति 18:29

खे़ल्‍ले़ थुङ्‌बोहजॽ युङ्‌सिङ्‌ङाङ् पेलि फाक्‍तुर मे़त्तु, ‘चुम्‍मे, इङ्‌गाॽ नासि थःत्ताङ्‌ङे़ॽआङ् कुभा ये़म् थारिक् हाङ्‌घाङ्‌ङे़ॽओ! इङ्‌गाॽ के़याङ्‌ङिन् के़रे़क् हुङुङ्‌लो॥’

कलस्‍सि 4:9

खुने़ॽ खिनिॽनुएबा थिक्‍पा ओने़सिमसे़न्‍नु फे़न्‍ल पत्‍लो॥ खुने़ॽ नसाःन्‍साबा नु आनिॽ लुङ्‌माॽ आदुक्‍तुम्‍बा नुसाॽरो॥ खे़ङ्‌हाॽरे़ कप्‍मो के़बोङ्‌बार के़बप्‍पा काक् पाःन्‍हाॽ खिनिॽनु चे़ङ्‌सुरो॥