कलस्सि 1:6 - लिम्बु6 खिनिॽ सुनाइङ्ङिन् के़घे़प्सुम् हे़क्क्याङ् निङ्वाॽफुमाङ्ङिल्ले़ कुलुङ्गुम्मिन् काक् से़क्खाओ कुसिङ् के़निःत्तुम्बा ये़न्नाङ्धो खिनिॽ लुम्मो पोङ्ल पप्पा हे़क्केए काक् इक्सादिङ् खाम्बेःक्मो आत्तिसाङ् मनालुम्मो सुनाइङ्ङिल्ले़ मुॽइसाम् तारुर पोर पत्लो॥ Gade chapit la |
कलस्सि 1:6
36 Referans Kwoze
कर खिनिॽ के़घे़प्सुम्बा सुनाइङ्ङिल्ले़न् निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसान् चोःक्माए पोङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोसुआङ् वाॽ, हे़क्क्याङ् खे़न् सुनाइङ्ङिन् इङ्भोमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसे़वारोबा पोःक्खाङ्लो॥
आल्लो कन् सुनाइङ्ङिन् माङ्निङ्वाॽपान् के़बाःप्पाहाॽरे़ मे़साप्तुबा पाःन्लाम् ओसेःन्दाङ् पोःक्खे़आङ् वाॽरो॥ हे़क्क्याङ् मे़न्नुप्मनाबा निङ्वाॽफुमाङ्ङिल्ले़ कुइङ्जाङ्लाम् के़रे़क्ले़ ख्रिस्ते़न् नसान् मे़जोगुआङ् निङ्वाॽफुमाङ्ङिन् के़इःप्पा के़नाःप्पा मे़बोङ्ल फाॽआङ् काक् मे़न्छाम् सुवाङ्हाॽओ कन् सुनाइङ्ङिन् इङ्भोर वाॽरो॥
आमिःम् फुॽनुसाॽ नु ने़ॽनुसाॽसे, खिनिॽओ तामा यरिक्ले़ङ् निङ्वाॽ चोगुङ्, कर आल्लो थारिक् तामा मे़न्छुक्पे़न् के़लॽबान् निङ्वाॽ खोसे़म्मे़ॽ के़लॽबा निङ्वाॽ इःत्तुङ्लो॥ इङ्गाॽ वेॽ थिम्मे़न्दङ् सुवाङ्हाॽ ख्रिस्तओ तारुङ्सिङ्बा हे़क्के खिनिॽओलाम्माङ् यरिक् मनाहाॽ ताःप्मासि आनिङ्वाॽ वाॽरो॥
दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे सदादिङ् नोगे़न् पिमाए पोङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसान् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
थेआङ्भे़ल्ले़ आनिगे सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे पाःत्तुम्बे़बा पाःन्निन् से़क्खासमा वये़ फाॽआङ् के़निसुम्लो॥ आनिगे खिनिॽनु वयिगे़ल्ले़ खिनिॽ लागि आनिगे हिङ्मन्निन् आक्तङ्बा वये़ के़लॽबान् नुरिक्काङ् के़निसुम्माङ् वाॽरो॥
हे़क्क्याङ् दाङ्बा ये़सुन् लाॽरुबा हिङ्मन्नो सुम्बोधासाबा के़बोःक्खिर, हे़क्केलॽरिक् काक् परिक्ले़ खुने़ॽ कुनिङ्वाॽ के़दासुम्ल हे़क्क्याङ् निङ्वाॽफुमाङ्ङिन् आल्लसाङ् नुरिक्काङ् कुसिङ् निःप्मा के़सुक्तुम्माङ् काक् नुबा याःम्बक्किल्ले़ निङ्वाॽफुमाङ्ङिल्ले़ कुनिङ्वाॽ के़दासुम्ल फाॽआङ् आनिगे तुवा चोगुम्बे़रो॥
खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोसमा परान्ला तेत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् से़वा के़जोःक्मा थिम्मे़न्दङ् सुवाङ्समा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसान् चोगुर फाॽआङ् दाङ्बाल्ले़ कुनिङ्वाॽइन् हन्दु पिरु॥
हे़क्क्याङ् खे़न् यहुदि नसानिबाहाॽरे़ कन् पाःन्निन् मे़घे़प्सुल्ले़ खुने़ॽनु पान् थक्मा मे़ले़रुआङ् अक्खे मे़बाःत्तुर निङ्वाॽफुमाङ्ङिल्ले़ कुनारा फोमा मे़हेःक्तुरो, “निङ्वाॽफुमाङ्ङिल्ले़ थिम्मे़न्दङ् सुवाङ्हाॽआङ् लायोलाम् हिम्माआङ् मे़न्नुप्मनाबा हिङ्मन्ले़न् सुये़म् पिरुसि के़लॽबा पाःन्निन् नुःरिक्काङ् के़निसुम्लो॥”
Piblisite