कलस्‍सि 1:11 - लिम्‍बु

¹¹ खुने़ॽ कुमिमिदिङ्‌गे़न् कुमुक्‍साम्‍लाम्‍बा खिनिॽ के़धुम्‍बा के़बोःक्‍खिर फाॽआङ् आनिगे तुवा चोगुम्‍बे़, हे़क्‍केलॽरिक् खिनिॽ चाहाबा के़जोगिबा काक् निङ्‌वाॽ हाङ्‌गे़म्‍सिङ्‌मान् नु नासि थःप्‍मान् के़घोसुम्‍लरो॥ हे़क्‍क्‍याङ् सःप्‍मे़ल्‍ले़ कुधिम् के़बोःक्‍खिररो,

कलस्‍सि 1:11 Referans Kwoze

एफिसि 3:16

खुने़ॽ मुल्‍लुक् मिमिदिङ्‌गे़न् कुमुक्‍साम्‍लाम् कुयाम्‍साम्‍मिल्‍ले़ खिनिॽ याम्‍साम्‍मो के़धुम्‍बा के़जोगिर फाॽआङ् तुवा चोःक्‍कारो॥

फिलिप्‍पि 4:13

इङ्‌गाॽग दाङ्‌बाल्‍ले़ के़धुम्‍बा चोःक्‍काबाल्‍ले़ चोगुल्‍ले़ काक् पाःन्‍हाॽ चोःक्‍मा सुक्‍तुङ्‌लो॥

एफिसि 4:2

काक् चुङ्‌जिगे़न् नःम्‍नःम् नु सुम्‍सुम्‍माङ् वये़म्‍मे़ॽ॥ हे़क्‍क्‍याङ् निङ्‌वाॽ यो धो मे़ल्‍लॽए लुङ्‌माॽ तुक्‍कासिम्‍मे़ॽर नासि थःत्ते़म्‍मे़ॽओ॥

एफिसि 6:10

आल्‍ल कुनुप्‍मा पाःन्—दाङ्‌बाल्‍ले़ पयम् यम्‍बा कुमुक्‍साम्‍मिल्‍ले़ए के़धुम्‍बा पोःक्‍खे़म्‍मे़ॽओ॥

२ कोरन्‍थि 4:7

निङ्‌वाॽफुमाङ्‌ङिल्‍ले़ ओःप्‍पाङ्‌घुबा कन् सुनाइङ्‌ले़न् ओःत्तिःन् आनिॽओ वाॽ, कर कन् पयम् यम्‍बा मुक्‍साम्‍मिङ्‌ग आनिॽलाम्‍बा मेःन्, कर निङ्‌वाॽफुमाङ्‌लाम्‍बाए ता के़लॽबान् के़रे़क्‍ले़ मे़निसुर फाॽआङ् आनिॽग कन् याङ्‌भु याक्‍मनाबा फुजिक् कुइसिःक्‍लक् आजोःक्‍लो॥

सेःक्‌युक्‍मिबाहाॽ 5:41

हे़क्‍क्‍याङ् सेःक्‌युक्‍मिबाहाॽ ये़जुम्‍भोलाम् मे़लःन्‍दे़ मे़बेआङ् आनिगे़ग ये़सुरे़ कुमना पोःक्‍खिगे़बाल्‍ले़ चोगुल्‍ले़ तुक्‍खे चामा लाॽरिगे़ फाॽआङ् साॽरिक् मे़सःत्ते़रो॥

सुफो 14:12

खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ कुइङ्‌जाङ् के़घे़म्‍बाहाॽ नु ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ सेसे कुमनाहाॽरे़ नासि थःप्‍माए पोङ्‌लो॥

२ पत्रुस 1:6

साम्‍जिक्‍को निङ्‌वाॽ हाङ्‌गे़म्‍सिङ्‌मान्, निङ्‌वाॽ हाङ्‌गे़म्‍सिङ्‌मो नासि थःप्‍मान्, नासि थःप्‍मो साप्‍चुवान् योॽरे़म्‍मे़ॽ,

लाम्‍दिक् 15:6

यहवे दाङ्‌बाए, खे़ने़ॽ के़जुक्‌वा हुक्‍को किप्‍मा के़घुबा मुक्‍साम् यागे़रो, यहवे दाङ्‌बाए, खे़ने़ॽ के़जुक्‌वा हुक्‍किल्‍ले़ निङ्‌मिहाॽ स्‍याक् स्‍याक् के़भुॽरुसिरो॥

रोमि 2:7

कुभा मनाहाॽरे़ चक्‍मे़ल्‍लॽए नुबा याःम्‍बक् मे़जोगुर निङ्‌वाॽफुमाङ्‌लाम् मिमिदिङ्, मिङ्‌सो इङ्‌धाङ् नु आजुनि हिङ्‌मन् मे़गोःत्तुर मे़वाॽरो॥ खे़ङ्‌हाॽग निङ्‌वाॽफुमाङ्‌ङिल्‍ले़ मे़न्‍नुप्‍मनाबा हिङ्‌मन् पिरुसिॽरो॥

सेःक्‌युक्‍मिबाहाॽ 1:8

कर खिनिॽ थे़मा निङ्‌वाॽ खोमा पोङ् फाॽले़ सेसेमाङ्‌ङिन् खिनिॽओ ताःल्‍ले़ मुक्‍साम् के़घोसुम्‍माङ् खिनिॽ यरुसले़म्‍मो, यहुदिया नु सामरिया थुम्‍मो हे़क्‍क्‍याङ् काक् इक्‍सादिङ् खाम्‍बेःक्‍मो खाराक् इङ्‌गाॽ आदोःन्‍दि के़बोःक्‍खिॽरो॥”

यसैया 45:24

“आङ्‌गाॽ आयाःम्‍बेओ खे़ङ्‌हाॽरे़ मे़बाःत्तुरो, ‘यहवे दाङ्‌बाओरक् साम्‌योबा नु मुक्‍साम् वाॽरो॥’” खुने़ॽ कुदक्‍ले़ङ्‌वाओ कुसाक्‍के़न् के़बोक्‍पाहाॽ के़रे़क् खुने़ॽओए मे़दारो, हे़क्‍क्‍याङ् सिरिङ्‌ममो मे़धारो॥

खाहुन् 24:10

तुक्‍खेलाक्‍खेबा ये़म्‍मो के़लुङ्‌माॽ फ्‍याःङ् लॽने़भग्र, खे़ने़ॽ आक्‍खे़न् साॽरिक् मे़न्‍धुम्‍मनाबा के़जोःक्‍लो!

निङ्‌वाॽफु साम्‍लोसुम् 63:2

खे़ने़ॽग के़सेसेदे़न्‍नो आङ्‌गाॽ निने़आङ् वाॽआरो, हे़क्‍क्‍याङ् के़मुक्‍साम् नु के़मिमिदिङ्‌ङिन् आङ्‌गाॽ निसुङ्‌ङाङ् वाॽआरो॥

यहुदा 1:25

ये़सु ख्रिस्‍तलाम् आनिॽ से़न्‍लप् के़बिबा थिक्‍लक् निङ्‌वाॽफुमाङ्‌ङिन् मिमिदिङ्, हाङ्‌युक्, मुक्‍साम् हे़क्‍क्‍याङ् युक्‍किन् तोलिङ्‌सोमुआङ्‌धो सदादिङ् सदादिङ् खोमा लाॽरुरो! आमे़न्!

१ कोरन्‍थि 16:13

खिनिॽ सिङ्‌सिङ् ये़क्‌ये़क् लॽरे़म्‍मे़ॽओ॥ नसाःन्‍नो मे़म्‍मुन्‍ने वये़म्‍मे़ॽओ॥ मे़ङ्‌गिःम्‍नाबा नु के़धुम्‍बा पोःक्‍खे़म्‍मे़ॽआङ्