7 खे़प्मो यरिक् मनाहाॽओनु फे़न्साम्हाॽ मे़भिःक्ते़र मे़लःन्दे़ मे़बे, हे़क्क्याङ् यरिक् लङ्ले़ःङ्वाहाॽ नु लाङ्सक्पाहाॽआङ् मे़नुरे़रो॥
हे़क्क्याङ् ये़सुरे़ थिक्-ने़त् (१२) कुहुॽसाम्बाहाॽ उःत्तुसिआङ् फे़न्साम्हाॽ नाःप्मा लःप्मा नु के़रे़क् परिक्ले़न् के़दुक्पा के़यॽबाहाॽ वेःम्मा युक् पिरुसिरो॥
यरुसले़म खिरिबा पाङ्जुम्लाम्माङ् खे़प्मो मनाहाॽ मे़जुप्से़॥ खे़ङ्हाॽरे़ के़दुक्पा के़यॽबाहाॽ नु फे़न्साम्हाॽरे़ तुक्खे मे़जाःत्तुसिबाहाॽ खे़प्मो मे़दारुसि, हे़क्क्याङ् काक् मे़वेःत्ते़रो॥
निङ्वाॽफुमाङ्ङिल्ले़आङ् खुने़ॽ चोगुबा मिक्सेःन्हाॽ नु निङ्वाॽ के़माबा याःम्बक्हाॽलाम्बा हे़क्क्याङ् आबाङे कुनिङ्वाॽ कुइसिक् नसानिबाहाॽ हाःत्तुसिबा सेसेमाङ्ङिल्ले़न् पर्धाःम्हाॽलाम्बा कन् पाःन्निन् निःन्धो चोगुरो॥
इङ्गाॽ से़क्खाए मे़त्निङ्, हाःत्ले़ इङ्गाॽ नसान् चोःक्का, खे़ल्ले़ग इङ्गाॽ चोगुङ्बान्नुःल्ले़आङ् पयम् यम्बा याःम्बक्हाॽ चोगुॽरो, थेआङ्भे़ल्ले़ इङ्गाॽ पानुदिङ् पाःल्लो पेःक्कार पत्तारो॥
नु-ने़त् (७२) हुॽसाम्बाहाॽ मे़सःत्ते़र मे़द्ये़आङ् ये़सुन् मे़मे़त्तु, “आदाङ्बे, खे़ने़ॽ के़मिङ्ङोग फे़न्साम्हाॽ आनिगे युक्को मे़द्ये़रो॥”
खे़न् फे़न्साम्मिन् फिःक्ते़र खे़न् साॽरिक् थाप्सुधआङ् लःन्दे़ पेरो॥ खे़न् चुक्पे़न् खाक्तुआङ् के़सिबा कुइसिक् पोःक्खे़आङ् ने़स्से़॥ हे़क्केःल्ले़ कुभारे़ग खे़ङ्ग स्ये़ फाॽआङ् मे़बाःत्तुरो॥
मिक्फःम्बाहाॽरे़ निमा मे़सुक्तुॽ, लाङ्सक्पाहाॽ लाङ्मे़घेःक्, लोगेॽ तुक्माल्ले़ तरुसिबाहाॽ मे़नुॽ, नाधाक्पाहाॽरे़ खे़म्मा मे़सुक्तुॽ, के़सिबाहाॽ कुहिङ्वे़त् मे़बोङ्, हे़क्क्याङ् याङ्गे़साॽबाहाॽरे़ सुनाइङ् मे़घे़प्सुॽरो॥
ये़सुरे़ कुयाःम्बेओ इङ्घङ्ङिन् सिरिया लाजेॽ खाराक् से़रे़, हे़क्क्याङ् यरिक् परिक्ले़न् तुक्माल्ले़ तरुसिबा मनाहाॽ, के़दुक्पाहाॽ, फे़न्साम्मिल्ले़ याङ्घुसिबाहाॽ, हे़क्क्याङ् थप्मा के़मबाहाॽ नु के़दुक्पा के़यॽबाहाॽ खुने़ॽओ मे़दारुसिआङ् खे़ङ्हाॽ के़रे़क् नुसुसिरो॥
खम्भ्याङ् लाङ्सक्पाहाॽ पे़ःङ्वा कुइसिक् मे़बिन्ल लाङ्मे़घेःक्लो, हे़क्क्याङ् कुबान् मे़ल्लःम्मनाबा के़बाहाॽ मे़सःत्ल साम्मे़लोरो॥ थेआङ् के़होप्पा एःक्सादे़न्नो च्वाःत् लाक्तु लःन्लो, हे़क्क्याङ् ये़ःङ्घादे़न्नो वहःङ्हाॽ कुङ्लो॥
फिलिपरे़ पाःत्तुबा पाःन्निन् मे़घे़प्सु हे़क्क्याङ् खुने़ॽ चोगुबा निङ्वाॽ के़माबा याःम्बक्हाॽ मे़निसुल्ले़ मनाहाॽरे़ नुरिक्काङ् कुबाःन्नो निङ्वाॽ मे़बिरुरो॥