सेःक्युक्मिबाहाॽ 7:51 - लिम्बु51 “खिनिॽग साॽरिक् कुनिङ्वाॽ के़धुङ्बा थिङ्गानि के़जोगिरो! निङ्वाॽफुमाङ्ङिल्ले़ कुइङ्घङ्ङिन् खे़म्मा खिनिॽ ने़क्खोॽ थुङ्लो॥ खिनिॽ सुधे़बाहाॽ हे़क्केए के़लॽरिआङ् सदादिङ् सेसेमाङ्ङिन् के़अत्तुम्लो॥ Gade chapit la |
सेःक्युक्मिबाहाॽ 7:51
38 Referans Kwoze
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
थेआङ्भे़ल्ले़ यहवे दाङ्बे़ल्ले़ मोसान् अक्खे मे़त्तुआङ् वये़, “इस्राइलिहाॽ मे़त्ते़से़ॽ, ‘खिनिॽ आधिङ्गानि मनानिङ्॥ आङ्गाॽ मिक्चिराप्पा थिक्लक् खिनिॽ लुम्मो ताआने़भग्र आङ्गाॽ खिनिॽ खाप्पुथ्यःङ् मे़ङ्निङ्॥ आल्ल खिनिॽ वाःत्ति सामाहाॽ फे़न्दे़म्मे़ॽ, हे़क्क्याङ् खिनिॽनु थे़मा चोःक्मा पोङ्ॽ, खे़न् पाःन्नो आङ्गाॽ निङ्वाॽ इःत्तुङ्॥’”
आङ्गाॽ नुगप् पिरुङ्, “आङ्गाॽ आबाःन्निन् हाःत्ले़ खे़प्सुबे? आत्तिन्हाॽ मे़त्तुङ्सिङ्ङाङ् साम्दिङ् पिरुङ्सिङ्बाबे? खे़ङ्हाॽ हादिङ् के़धक्पा मे़बोङ्लो खे़ब्याङ् आबाङे खुनिॽ ने़क्खोॽइन् मे़हुॽरुआङ् मे़वाॽरो॥ यहवे दाङ्बे़ल्ले़ के़इङ्घङ्ङिन् खे़ङ्हाॽरे़ खुन्छिॽ लागि के़घबा पान् पोङ्लो हे़क्क्याङ् खे़प्मो खे़ङ्हाॽरे़ निङ्वाॽ तामा पान् थेआङ् मे़ङ्घोसुन्लो॥
याम्गे़सिङ्बा खिनिॽ फे़न्याःम्बक्हाॽनुःल्ले़ वेॽ, निङ्वाॽओ नु थक्लाओ हर्दो मे़न्हे़क्मनाबा वेॽ लाजेॽबा मनाहाॽ आङ्गाॽ आसेसेदे़न्नो खिनिॽ के़दारुम्सिम्माङ् आङ्गाॽओ कुजा, सासोःत् नु माक्खिॽ के़दोःन्दुम्मिल्ले़ आसुत्थो के़जोगुम्, हे़क्क्याङ् आङ्गाॽ चोगुङ्बा माङ्हुप्पिन् खिनिॽ के़भेःन्दुम्॥
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
खिनिॽ पाधे़बाहाॽ हे़क्के खिनिॽआङ् पान् मे़ङ्घे़म्मनाबा मे़बोःक्खे़म्मिन्ने़ॽ॥ यहवे दाङ्बाओ खिनिॽ आप्फेक् तोःन्नासिम्मे़ॽआङ् खुने़ॽ आभे़ल्ले़साङ् सदादिङ्ले़ लागि सेसे चोगुबा खुने़ॽ कुसेसेदे़न्नो लासाम्मे़ॽ॥ यहवे दाङ्बा खिनिॽ निङ्वाॽफुमाङ्ङिन् माङ्से़वा मे़त्ते़म्मे़ॽ, हे़क्क्याङ् खुने़ॽ किप्मा पघुगे़घुबा कुसाक्के़न्निन् खिनिॽलाम् थिक्नाहाङ् हिसिङ् पेःक्ल॥
खुने़ॽ मे़त्तु, “आङ्गाॽ आदाङ्बारे़ के़निमो के़निङ्वाॽ के़दाबा पोःक्खाङ्ङाङ् वाॽआने़भग्र, यहवे दाङ्बाए, आङ्गाॽ पेलि फाक्ने़, यहवे दाङ्बान्ने आनिगे़नु सोरिक् लाङ्घेगे़ॽ॥ कन्हाॽ आधिङ्गानि मना मे़बोःक्खे़साङ् आनिगे फे़न्याःम्बक् नु लायोलाम् ले़प्मि आबिरे़ॽआङ् लक्खोबा कुइसिक् आबाङे के़माना हे़क्के आदाःक्ते़ॽओ॥”
थेआङ्भे़ल्ले़ जिनबा मुरे़क् खारे़क् थेआङ् के़होप्पादे़न्नो के़ने़बा च्वाःत्हाॽओ सङ्जुम्भोःन् आङ्गाॽ आदक्ले़ङ्वाओ मे़बोगे़ल्ले़, खे़न्छिॽ ने़प्माङ्ले़ खे़ङ्हाॽरे़ खुन्छिॽ तगि आङ्गाॽ सेसेबा चोःक्काबा पाःन्निन् इङ्धाङ् मे़म्बिए आङ्गाॽ आइङ्जाङ्ङिन् के़भेःन्दुसिआङ् के़वये़सि॥” (कन् हिन्दोक्किन् सिनबा मुरे़क् खारे़क् थेआङ् के़होप्पादे़न्नो के़ने़बा मेरिबा-कादेसबा च्वाःत्हाॽओ पोःक्खे़आङ् वये़॥)
Piblisite