सेःक्‌युक्‍मिबाहाॽ 7:10 - लिम्‍बु

¹⁰ हे़क्‍क्‍याङ् खुने़ॽ कुदुक्‍खेवालाम् से़ःप्‍तुरो॥ हे़क्‍क्‍याङ् निङ्‌वाॽफुमाङ्‌ङिल्‍ले़ खुने़ॽ लुङ्‌माॽ तुक्‍तुआङ् सिक्‍कुम्‍दिङ् निङ्‌वाॽ पिरुबाल्‍ले़ चोगुल्‍ले़ फारो हाङ्‌ङिल्‍ले़ खुने़ॽ मिङ्‌सो इङ्‌धाङ् पिरुर मिस्र लाजेॽ नु कुयाङ्‌साकुन्‍धे सम्‍दाङ् सुहाङ्‌युक्‍पा चोगुरो॥

सेःक्‌युक्‍मिबाहाॽ 7:10 Referans Kwoze

खाहुन् 3:4

खे़ब्‍याङ् ख़ेऩेॽ निङ्‌वाॽफुमाङ्‌ङिन् नु मे़न्‍छाम् याप्‍मि निमो लुङ्‌गुम् नु नुबा मिङ् के़घोसुरो॥

२ तिमोथि 4:18

दाङ्‌बाल्‍ले़ इङ्‌गाॽ काक् फे़न् पाःन्‍नोलाम् से़ःप्‍पाआङ् साङ्‌ग्राम्‍पेदाङ्‌बा कुहाङ्‌जुम्‍मो कम्‍ब्राङ् मे़त्तार तेॽआरो॥ दाङ्‌बाल्‍ले़ कुमिमिदिङ्‌ङिन् सदादिङ् नु सदादिङ् पोङ्‌निरो॥ आमे़न्॥

खाहुन् 2:6

थेआङ्‌भे़ल्‍ले़ यहवे दाङ्‌बे़ल्‍ले़ सिक्‍कुम् निङ्‌वाॽ आबिरो, खुने़ॽ कुम्‍ब्राओलाम् ने़हिनिङ्‌वाॽ नु खासिङ्‌निःप्‍मा पाःन्‍हाॽ लःन्‍लो॥

तोलिङ्‌सोमु 48:16

के़रे़क् काःम्‍मालाम् याप्‍मि ताङ्‌गे़से़ःप्‍पा माङ्‌लाइङ्‌बाल्‍ले़ निङ्‌वाॽफुमाङ्‌ङिल्‍ले़ कन् अङे़ःक्‌वाहाॽ हाङ्‌वा मुॽइसाम् पिरुसिररो॥ कङ्‌हाॽओए आङ्‌गाॽ आमिङ्‌ङिन् वाॽररो, हे़क्‍क्‍याङ् आङ्‌गाॽ आम्‍बा अब्राहाम नु इसहाक्‍के़ल्‍ले़ खुन्‍छिॽ मिङ् सदादिङ् वाॽररो, हे़क्‍क्‍याङ् इक्‍सादिङ् खाम्‍बेःक्‍मो कङ्‌हाॽ निःत्‍मे़न्‍दे़त्ते थारिक् मे़बोःन्‍लरो॥”

निङ्‌वाॽफु साम्‍लोसुम् 22:24

थेआङ्‌भे़ल्‍ले़ ये़त्तुक्‍खे के़जाबाहाॽरे़ खुनिॽ तुक्‍खेन् खुने़ॽ मे़जिःत्तुन्‍लो कर खुने़ॽ निङ्‌वाॽ इःत्तुरो॥ खे़ङ्‌हाॽलाम् खुने़ॽ कुनारान् मे़जिक्‍खुन्‍लो कर खे़ङ्‌हाॽरे़ आभाॽरे़ मे़मे़त्तुल्‍ले़ फाॽरुसिरो॥

तोलिङ्‌सोमु 42:6

खे़न् ये़म्‍मो युसुफे़न् मिस्र लाजेॽओ सुहाङ्‌युक्‍पा वये़॥ लाजेॽओबा के़रे़क् मनाहाॽ चा के़सङ्‌बा के़बिबाआङ् खुने़ॽए वये़॥ खे़ल्‍ले़चोगुल्‍ले़ युसुफे़ल्‍लो कुम्‍भुॽसि मे़द्‌ये़आङ् खाम्‍बाङ्‌ङो थारिक् अःक्‍खुम् मे़भन्‍छिङ्‌ङाङ् से़वा मे़मे़त्तु॥

सुफो 7:14

इङ्‌गाॽ खुने़ॽ नोगप् पिरुङ्, “आदाङ्‌बे, इङ्‌गाॽग मे़निसुङ्‌सिङ्‌ङिन्‍लो, खे़ने़ॽए के़निसुॽरो॥” हे़क्‍क्‍याङ् खुने़ॽ अक्‍खे मे़त्ताङ्, “कन्‍हाॽग पयम् यम्‍बा निङ्‌घुम्‍लाम् के़दाबासिरो॥ कङ्‌हाॽरे़ मे़ल्‍लुक्‍साःल्‍ले़ कुमाक्‍खिॽओ खुनिॽ तेत्‍चाङ्‌हाॽ वामे़हप्‍तुआङ् फदाङ्‌बा मे़जोगुआङ् मे़वाॽरो॥

निङ्‌वाॽफु साम्‍लोसुम् 37:40

यहवे दाङ्‌बे़ल्‍ले़ खे़ङ्‌हाॽ फाॽरुसि हे़क्‍क्‍याङ् से़ःप्‍तुसिरो, खुने़ॽ खे़ङ्‌हाॽ कुइगे़भे़म्‍बाहाॽलाम् से़न्‍दुसिरो, थेआङ्‌भे़ल्‍ले़ खे़ङ्‌हाॽ खुने़ॽओ इःम्‍सिङ्‌से़ मे़बेःक्‍लो॥

खाहुन् 16:7

मनाःल्‍ले़ कुलाम्‍हाॽ यहवे दाङ्‌बे़ल्‍ले़ कुसिराॽ के़धाङ्‌बा पोङ्‌ङिल्‍ले़, खुने़ॽ खे़ल्‍ले़ कुनिङ्‌मिहाॽआङ् खे़न्‍नु नादङ् चोगुआङ् कत्तुसिरो॥

याकुब 5:11

ओमे़त्ते़म्‍मे़ॽ, इनोगे़न् तुक्‍खेओ नासि के़धःप्‍पाहाॽग मुॽइसाबासि फाॽआङ् आइःत्तुम्‍सिम्‍लो॥ अयुबरे़ कुनासि थःप्‍माङ्‌ग खिनिॽ के़घे़प्‍सुम्‍माङ् के़वयिॽ, हे़क्‍क्‍याङ् कुनुप्‍मो दाङ्‌बाल्‍ले़ नुबा पाःन्‍हाॽ तारु पिरुबान् के़निसुम्‍माङ् के़वयिॽरो॥ दाङ्‌बाङ्‌ग मिःम्‍जि नु लुङ्‌दुक् कुधिम् चोक्‍लो॥

तोलिङ्‌सोमु 44:18

खे़ब्‍याङ् यहुदान् युसुफरे़ कुबेसाङ् पेआङ् मे़त्तु, “आदाङ्‌बे, पेलि फाक्‍ने़रो, के़से़वारोबान् लत्‍छा पाःन्‍धिक् पाःप्‍मा पिराङ्‌ङो॥ आदाङ्‌बे़न् हाङ् इसिःक् के़जोःक्‍साङ् के़से़वारोबे़न्‍नु के़याःक् मे़ले़ॽरे़न्‍ने़ॽओ॥

तोलिङ्‌सोमु 39:21

कर यहवे दाङ्‌बान् युसुफे़न्‍नु वये़, हे़क्‍क्‍याङ् खुने़ॽ खे़न् कुलुङ्‌माॽ स्‍याःत् लॽरे़, हे़क्‍क्‍याङ् खे़न् पुङ्‌लाहिम् ओगे़मप्‍पा सुहाङ्‌गे़म्‍बाल्‍ले़ खुने़ॽ नुरिक् मे़त्तुर याःन्‍दु॥

१ हाङ् 8:50

हे़क्‍क्‍याङ् खे़ने़ॽ के़दक्‍ले़ङ्‌वाओ लायो के़जोःक्‍पा खे़ने़ॽ के़मनाहाॽ ले़प्‍मि पिरे़से़ॽओ, हे़क्‍क्‍याङ् खे़ङ्‌हाॽरे़ खुन्‍छिॽ के़रे़क् फे़न्‌याःम्‍बक्‍हाॽ ले़प्‍मि पिरे़से़ॽओ, खे़ब्‍याङ् खुन्‍छिॽ के़नाःम्‍बाहाॽरे़ खे़ङ्‌हाॽ लुङ्‌माॽ मे़दुक्‍तुसिर याःन्‍दे़से़ॽओ॥

यर्मिया 39:12

खुने़ॽ अक्‍खे मे़त्तुसि, “ओमे़त्ते़म्‍मे़ॽ, खुने़ॽ नुरिक्‍काङ् मे़ङ्‌गाःन्‍ने कम्‍ब्राङ् मे़त्ते़म्‍मे़ॽ, हे़क्‍क्‍याङ् खुने़ॽ पाःत्तुबा के़रे़क् पाःन्‍हाॽ तङ्‌गाम् चोगे़म् पिरे़म्‍मे़ॽ॥”