सेःक्युक्मिबाहाॽ 6:7 - लिम्बु7 निङ्वाॽफु पाःन्जाक्किन् चक्मे़ल्लॽए मे़से़सुर मे़देॽरु॥ हे़क्क्याङ् यरुसले़म्मो हुॽसाम्बाहाॽ यरिक् मे़बोःक्खे़र मे़बेआङ् यरिक् निङ्वाॽफुसाम्बाहाॽरे़आङ् कन् नसाःन्निन् ते़न्दिङ् मे़जोगुरो॥ Gade chapit la |
सेःक्युक्मिबाहाॽ 6:7
25 Referans Kwoze
आल्लो कन् सुनाइङ्ङिन् माङ्निङ्वाॽपान् के़बाःप्पाहाॽरे़ मे़साप्तुबा पाःन्लाम् ओसेःन्दाङ् पोःक्खे़आङ् वाॽरो॥ हे़क्क्याङ् मे़न्नुप्मनाबा निङ्वाॽफुमाङ्ङिल्ले़ कुइङ्जाङ्लाम् के़रे़क्ले़ ख्रिस्ते़न् नसान् मे़जोगुआङ् निङ्वाॽफुमाङ्ङिन् के़इःप्पा के़नाःप्पा मे़बोङ्ल फाॽआङ् काक् मे़न्छाम् सुवाङ्हाॽओ कन् सुनाइङ्ङिन् इङ्भोर वाॽरो॥
हे़क्क्याङ् खे़ङ्हाॽरे़ खे़न् मे़घे़प्सुआङ् निङ्वाॽफुमाङ्ङिल्ले़ कुनारा मे़भोसु, हे़क्क्याङ् खे़ङ्हाॽरे़ खुने़ॽ अक्खे मे़मे़त्तु, “नुसाॽए, ओमे़त्ते़ॽना, कप्मोआङ् यरिक् हे़न्छिङ् यहुदिहाॽरे़ ये़सुन् नसान् मे़जोगुआङ् मे़वाॽरो॥ खे़ङ्हाॽ मोसारे़ साप्तुबा साम्योथिम्मिन् इःप्मा नाःप्मा खुनिॽ सिक्के़सम्बा मे़जोक्॥
यहुदाबा हाङ् हिजकियाःल्ले़ सङ्जुम्भोहाॽरे़ लागि १,००० से़गम्बा पित्हाॽ नु ७,००० मे़ल्लुक् मे़ःन्दाहाॽ, हे़क्क्याङ् सुहाङ्युक्पाहाॽरे़ सङ्जुम्भोहाॽरे़ लागि १,००० से़गम्बा पित्हाॽ नु १०,००० मे़ल्लुक् मे़ःन्दाहाॽ मे़दारु मे़बिरुसिआङ् वये़॥ निङ्वाॽफुसाम्बाहाॽ खुन्छिॽ यरिक् खानिःत्तो आबाङे आबाङे सेसेसाङ्साङ् मे़जोःक्सिङ्॥
कर निङ्वाॽफुसाम्बाहाॽ साॽरिक् मे़सुःन्दे़बाल्ले़ चोगुल्ले़ मिधिङ्मनादेमनाबा वयागे़न् सिदुङ्जभाःल्ले़ के़रे़क् कुहोरक्पाहाॽ अङ्मा मे़न्छुक्तुन्॥ कल्ले़चोगुल्ले़ खे़न् याःम्बक्किन् मे़न्जुःत्ते थे़म्बा नु वेॽ निङ्वाॽफुसाम्बाहाॽ सेसेसाङ्साङ् मे़न्जोःक्सिङ्ङे थारिक् खुन्छिॽ ले़बि फुॽनुसाॽहाॽरे़ खे़ङ्हाॽ मे़भाॽरुसि॥ थेआङ्भे़ल्ले़ खुन्छिॽ आप्फेक् लुम्मो सेसेसाङ्साङ् चोःक्सिङ्मा पाःन्नो ले़बिहाॽ निङ्वाॽफुसाम्बाहाॽनुःल्ले़ साॽरिक् सिङ्सिङ् ये़क्ये़क् मे़लॽरे़आङ् मे़वये़॥
आल्ल खे़न् ये़म्मो हुॽसाम्बाहाॽ चक्मे़ल्लॽए मे़बोरे़र मे़बेःल्ले़ ग्रिक के़बाःप्पा यहुदिहाॽ नु हिब्रु के़बाःप्पा यहुदिहाॽओ खे़माॽ पोगे़रो॥ ग्रिक के़बाःप्पा यहुदिहाॽरे़ आनिगे मेमेदुमाहाॽ थिक्याःन्धक्पा चामा थुङ्मा मे़हासुबाओ नुरिक्काङ् कम्ब्राङ् मे़न्जोगुसिन् फाॽआङ् लुङ्मे़हाःत्तुसिरो॥
आमिःम् आन्जुम्से, आनिॽ के़रे़क्ले़ आघोसुम्बा से़न्लप्रे़ कुयाःम्बेओ खिनिॽओ सक्इङ्घङ् हाङ्मा साॽरिक्के इङ्गाॽ आसिराॽ थाङे़आङ् वये़रो॥ कर खे़ल्ले़ कुले़क्वा निङ्वाॽफुमाङ्ङिल्ले़ सेसे कुमनाहाॽ सदादिङ्ले़ लागि हुक्सुप्तुसिबा नसाःन्निन् इङ्ले़क्के सिक्साम्बाहाॽलाम्बा ताङ्गे़से़ःप्तुम्ल फाॽआङ् कन् सक्इङ्घङ्ङिन् साप्माए के़बोङ्बा निसुङ्लो॥
Piblisite