सेःक्‌युक्‍मिबाहाॽ 3:12 - लिम्‍बु

¹² हे़क्‍क्‍याङ् पत्रुसरे़ खे़ङ्‌हाॽ ओमे़त्तुसिर मे़त्तुसि, “इस्राइलिसे, कन् पाःन्‍नो थेआङ् खिनिॽ निङ्‌वाॽ मये़बाबे? थेआङ् कन् मनान् आन्‍छिगे मुक्‍साम् नु साम्‌योबाल्‍ले़ लाङ्‌गे़घेःक्‍पा चोगुबा फाॽआङ् याप्‍मि ओगे़मे़त्तिबाबे?

सेःक्‌युक्‍मिबाहाॽ 3:12 Referans Kwoze

२ कोरन्‍थि 3:5

आनिगे आबाङे थेसाङ् चोःक्‍मा सुक्‍तुम्‍बे़ॽ फाॽआङ् मे़बाःत्तुम्‍बे़न्‍लो, कर आनिगे निङ्‌वाॽफुमाङ्‌लाम्‍बा चोःक्‍मा सुक्‍तुम्‍बे़रो॥

तोलिङ्‌सोमु 41:16

युसुफरे़ फारोन् मे़त्तु, “अक्‍तङ्‌बा साम्‍जिःक्‍क आङ्‌गाॽ मे़गत्तान्॥ कर निङ्‌वाॽफुमाङ्‌ङिल्‍ले़ के़से़प्‍माङ्‌ङिल्‍ले़ कुबे के़हन् के़बिःॽ॥”

रोमि 9:4

निङ्‌वाॽफुमाङ्‌ङिल्‍ले़ इस्राइलिहाॽ आबाङे कुस्‍सा पोङ्‌से़ सेगुसिआङ् कुमिमिदिङ्‌ङिन् खे़ङ्‌हाॽ ओसेःन्‍धाक्‍तुसि॥ हे़क्‍क्‍याङ् खे़ङ्‌हाॽनु माङ्‌हुप्‍हाॽ चोगुआङ् साम्‌योथिम्‍मिन् पिरुसि॥ खे़ङ्‌हाॽए निङ्‌वाॽफुमाङ्‌ङिल्‍ले़ माङ्‌हिम्‍मोबा से़वा चोःक्‍मान् नु यरिक् माङ्‌हे़क्‍हाॽ पिरुसिरो॥

सेःक्‌युक्‍मिबाहाॽ 2:22

“इस्राइलिसे, कन् पाःन्‍निन् खे़प्‍से़म्‍मे़ॽओ—नासरतसमा ये़सुःन्‍ग निङ्‌वाॽफुमाङ्‌ङिल्‍ले़ निङ्‌वाॽ के़माबा याःम्‍बक्‍हाॽ हे़क्‍क्‍याङ् मिक्‍सेःन्‍हाॽनु खिनिॽ लुम्‍मो पाङ्‌घुरो॥ खिनिॽ लुम्‍मो याःम्‍बक्‍हाॽ चोगुबाङ्‌ग, खिनिॽआङ् के़निसुम्‍मेरो॥

रोमि 11:1

हे़क्‍केने़ फाॽग्र इङ्‌गाॽ सेःन्‍दोनिङ्, निङ्‌वाॽफुमाङ्‌ङिल्‍ले़ कुमना इस्राइलिहाॽ नाॽरुसिबाबि? से़क्‍खासाङ् मे़नाॽरुसिन्‍लो! थेआङ्‌भे़ल्‍ले़ इङ्‌गाॽ आबाङेआङ् अब्राहामरे़ कुमुॽइदाङ्‌सा बे़न्‍जामिन सुवाङ्‌समा इस्राइलिआरो॥

सेःक्‌युक्‍मिबाहाॽ 13:26

“अब्राहामरे़ कुमुॽइदाङ्‌सा इस्राइलि फुॽनुसाॽ नु निङ्‌वाॽफुमाङ्‌ङिल्‍ले़ कुसे़वा के़जोःक्‍पा थिम्‍मे़न्‍दङ् सुवाङ्‌सासे, आनिॽओए निङ्‌वाॽफुमाङ्‌ङिल्‍ले़ कन् से़न्‍लप्‍पिल्‍ले़न् सुनाइङ्‌घङ्‌ङिन् पाङ्‌घुआङ् वाॽरो॥

युहुन्‍ना 7:18

आबाङे युक्‍कोलाम् के़बाःप्‍पाहाॽरे़ग आबाङे मिङ्‌सो इङ्‌धाङ् मे़गोःत्तुॽरो, कर आत्तिल्‍ले़ खुने़ॽ के़बाङ्‌बान् मिङ्‌सो इङ्‌धाङ् पिमा निङ्‌वाॽ चोगुॽ, खे़ल्‍ले़ से़क्‍खा पान् पाःत्तुॽरो॥ हे़क्‍क्‍याङ् खुने़ॽओ थेआङ् इङ्‌ले़क्‍पा पान् होप्‍लो॥

तोलिङ्‌सोमु 40:8

खे़ङ्‌हाॽरे़ खुने़ॽ मे़त्ते़छु, “आन्‍छिगे ने़प्‍माङ्‌ले़ से़प्‍माङ् माक्‍ते़त्‍छुगे़, कर खे़ल्‍ले़ कुबे के़हम्‍बा मना हाःत्ताङ् होप्॥” युसुफरे़ खे़ङ्‌हाॽ मे़त्तुसि, “से़प्‍माङ्‌ङिल्‍ले़ कुबेःङ्‌ग निङ्‌वाॽफुमाङ्‌ङिल्‍ले़ कुहुक्‍को मे़वाॽने़म्‍बि? खे़न्‍छिॽ से़प्‍माङ्‌हाॽ आमे़त्ते़छे़ॽ॥”

सेःक्‌युक्‍मिबाहाॽ 3:11

हे़क्‍केःल्‍ले़ खे़न् मनाःल्‍ले़ पत्रुस नु युहुन्‍नान् ते़म्‍सुसिर माङ्‌हिम्‍मोबा सोलोमनरे़ कुआःम्‍भो मे़प्‍मनाबा ते़न्‍नो वये़॥ खे़प्‍मो मनाहाॽ मे़लोःक्‍ते़र मे़द्‌ये़आङ् खुनिॽ खिरि मे़जुप्‍से़रो॥

सेःक्‌युक्‍मिबाहाॽ 3:13

अब्राहाम, इसहाक नु याकुब हे़क्‍क्‍याङ् आनिॽ वेॽ पाधे़बाहाॽरे़ खुनिॽ निङ्‌वाॽफुमाङ्‌ङिल्‍ले़ कुसे़वारोबा ये़सुन् मिमिदिङ् चोगुआङ् वाॽरो॥ खुने़ॽ के़दे़म्‍सुम्‍माङ् हाङ्‌युक्‍पाहाॽरो से़त्‍छे़ हुक्‍के़सुप्‍तुम्॥ सुहाङ्‌गे़म्‍बा पिलातसरे़ खुने़ॽ ले़प्‍मा निङ्‌वाॽ चोगुसाङ् खिनिॽ के़नाॽरुम्‍लो॥

सुफो 7:13

हे़क्‍क्‍याङ् तुम्‍लाम्‍लोबाधिक्‍ले़ इङ्‌गाॽ अक्‍खेलॽरिक् सेःन्‍दोसाङ् “कन् फःदाङ्‌बा तेत् के़जाङ्‌बाहाॽ हाःत्‍छिबे? हे़क्‍क्‍याङ् आत्तोलाम् मे़द्‌ये़बाबे?”