सेःक्‌युक्‍मिबाहाॽ 23:3 - लिम्‍बु

³ पावलरे़आङ् हननियान् मे़त्तु, “खे़ने़ॽ कुनिङ्‌वाॽ के़जिःप्‍पाए! निङ्‌वाॽफुमाङ्‌ङिल्‍ले़ खे़ने़ॽआङ् के़हिप्‍लो॥ खे़ने़ॽग खे़प्‍मो मोसारे़ पिरुबा साम्‌योथिम् कुइसिक् इङ्‌गाॽ आघासे़न्‍लोःम्‍मा फाॽआङ् के़युङ्, कर खे़ने़ॽग साम्‌योथिम्‍मिल्‍ले़ कुदक्‍ले़ङ्‌वाओ खासे़न् लोःम्‍मानुःल्‍ले़ तगिए इङ्‌गाॽ याप्‍मि हिप्‍मा के़बाङ्‌घुसिबि?”

सेःक्‌युक्‍मिबाहाॽ 23:3 Referans Kwoze

युहुन्‍ना 7:51

“मे़ःम्‍बे़, खे़न् मनाःल्‍ले़ थे चोगुर वाॽ के़लॽबान् नुःरिक्‍काङ् कुसिङ् मे़न्‍निःत्ते आप्‍तिक् कुःप्‍मा आनिॽ साम्‌योथिम्‍मिल्‍ले़ आबिॽबि?”

आमोस 5:7

कुदोःप्‍मा खासे़न्‍निन् मे़न्‌वाॽमनाबा के़जोःक्‍पासे हे़क्‍क्‍याङ् साम्‌योबा पाःन्‍निन् खाम्‍बाङ्‌ङो के़दोॽबासे,

खाहुन्‍साबा 3:16

हे़क्‍क्‍याङ् नाम्‍मिल्‍ले़ कुसिगाङ् वेॽ पाःन्‍नाङ् निसुङ्‌लो— साम्‌योनिमाल्‍ले़ कुले़क्‌वा चोःक्‍मा के़बोङ्‌बा ते़न्‍नो फे़न्‍पान् पोङ्‌लछ, कुदोःप्‍मा खासे़न् चोःक्‍मा के़बोङ्‌बो मे़न्‌वाॽमनाबा खासे़न् पोङ्‌लछ॥

निङ्‌वाॽफु साम्‍लोसुम् 94:20

कर कुइगे़भे़म्‍बा युक्‍साबाहाॽनु खे़ने़ॽ के़न्‌वाॽने़ल्‍लो, खे़ङ्‌हाॽरे़ग आबाङे खुनिॽ चोःक्‍थिम्‍लाम्‍बा के़साक्‍पा पाःन्‍हाॽ मे़दारुरो॥

ले़बि 19:35

“‘खिनिॽ के़सिःक्‍तुम्‍मिल्‍ले़, के़धाङ्‌घुम्‍मिल्‍ले़ हे़क्‍क्‍याङ् के़धिम्‍सुम्‍मिल्‍ले़ इङ्‌ले़क् मे़जोगे़म्‍मिन्‍ने़ॽ॥

ले़बि 19:15

“‘खिनिॽ मे़न्‌वाॽमनाबा मे़जोगे़म्‍मिन्‍ने़ॽ॥ चुक्‍पासाङ् इग्र यम्‍बासाङ्, मनान् ओमे़प्‍माआङ् मेःन्, कर के़रे़क् मनाहाॽरे़ खुन्‍छिॽ लागि कुदोःप्‍मा खासे़न् चोगे़म्‍मे़ॽ॥

युहुन्‍ना 18:24

हे़क्‍क्‍याङ् हन्‍नासरे़ ये़सुन् इमे़घेःक्‍खुबान् मे़म्‍भाःङ्‌ङे मानिङ्‌वाॽफुसाम्‍बा कैयाफासरो पाङ्‌घुदेसुरो॥

१ हाङ् 22:24

खे़ब्‍याङ् केनानारे़ कुस्‍सा सिदकियाहःन् थो थाङे़आङ् मिकायाहरे़ कुन्‍दे़ङ्‌बे़न् फक्‍खु पिरु हे़क्‍क्‍याङ् खे़न् मे़त्तु, “आल्‍ल यहवे दाङ्‌बे़ल्‍ले़ कुयाम्‍साम्‍मिन् आत्तिलाम् पोःक्‍खे़आङ् आङ्‌गाॽलाम् खे़ने़ॽनु पाःत्‍छे़ पेबे?”

सेःक्‌युक्‍मिबाहाॽ 23:4

हे़क्‍क्‍याङ् कुबेसाङ् के़ये़प्‍पा मनाहाॽरे़ पावले़न् मे़मे़त्तु, “खे़ने़ॽ निङ्‌वाॽफुमाङ्‌ङिल्‍ले़न् मानिङ्‌वाॽफुसाम्‍बाल्‍ले़ कुनाधाःमा आक्‍खेआङ् के़आःन्‍छिङ्‌बे?”