हे़क्क्याङ् कन् मनान् से़प्मा फाॽआङ् यहुदिहाॽरे़ चे़म्फन् मे़जोगुर मे़याक् के़लॽबा इङ्गाॽ इङ्घङ् खोसुङ्॥ हे़क्केःल्ले़ कन् मनान् खे़ने़ॽओए पाङ्मा निङ्वाॽ चोगुङ्लो॥ हे़क्क्याङ् खुने़ॽ आप्तिक् के़गुःप्पाहाॽआङ् हाराॽ खे़ने़ॽओए मे़युआङ् खुने़ॽ कुदक्ले़ङ्ङो मे़गुःत्तुबा आप्तिक्हाॽआङ् खे़ने़ॽए के़म्मे़त्ल, फाॽआङ् मे़त्तुङ्सिङ्ङाङ् मे़वाॽरो॥”
सेःक्युक्मिबाहाॽ 23:12 - लिम्बु12 कुदाःन्दिक्मा यहुदिहाॽ मे़भुङ्सिङ्ङाङ् थिक्हुप् मे़बोःक्खे़र इङ्मे़दङ्घुरो॥ खे़ङ्हाॽरे़ पावले़न् मे़न्छे़त्ते थारिक् थे़माआङ् मे़जाम्बे़न् मे़धुङ्गुम्बे़न् लॽरिक् माङ्मे़हे़क्सिङ्लो॥ Gade chapit la |
सेःक्युक्मिबाहाॽ 23:12
33 Referans Kwoze
कर खे़ङ्हाॽरे़ खुनिॽ पाःन्निन् मे़घे़प्से़न्ने़ॽओ, थेआङ्भे़ल्ले़ लिबोङ्ङाङ्धो मनाहाॽरे़ पावले़न् से़प्मा फाॽआङ् मे़सुगुआङ् मे़युङ्लो॥ खे़ङ्हाॽरे़ग खुने़ॽ मे़न्छे़त्ते थारिक् थेआङ् मे़जाम्बे़न् मे़धुङुम्बे़न् लॽरिक् माङ्मे़हे़क्सिङ्ङाङ् यारिप् मे़बोःक्खे़आङ् मे़वाॽ॥ खे़ङ्हाॽरे़ खे़ने़ॽ के़निङ्वाॽ पाःन्निल्ले़ इङ्जाङ् खोमारक् मे़हाङ्घुआङ् मे़युङ्लो॥”
आङ्गाॽग से़त्छे़ तेॽमनाबा लत्छा कुदोःप्मा थुःम्बा हे़क्के वयाङ्॥ खे़ङ्हाॽरे़ आङ्गाॽ आदक्ले़ङ्वाओ चे़म्भन् मे़जोगुबा फाॽआङ् आङ्गाॽ निङ्वाॽ मे़ङ्घोए वयाङ्॥ खे़ङ्हाॽरे़ अक्खे मे़बाःत्तुर मे़वये़, “खे़न् सिङ्बुङ्मान् कुजाॽनुए ताङुम्माङ् सोःन्दुम्॥ कुहिङ्वे़त्हाॽरे़ खुन्छिॽ लाजेॽलाम्बा खे़न् मे़क्खुम् हे़क्क्याङ् खे़ल्ले़ कुमिङ्ङिन् आत्तिन्हाॽरे़आङ् याम्मो निङ्वाॽसोओ मे़न्इःत्तुन्लरो॥”
कर साम्योथिम्मिल्ले़ तारुबा खुम्दिङ्ङिल्ले़ कुमे़ल्लुङ्ङिन् ख्रिस्तरे़ हुङुआङ् आनिॽ आधे़ॽरे़रो॥ खुने़ॽ सिलाम्साक्मा सिङ्सम्दाङ् फोःन्छिङ्ङिल्ले़ खुने़ॽ आबाङे आनिॽ खुम्दिङ्ङिन् कुयुदेॽरुरो॥ थेआङ्भे़ल्ले़ साम्योसाप्लाओ साप्ते़आङ् पत्, “सिङ्सम्दाङ् के़भोःन्छिङ्बा के़सिबाङ्ग निङ्वाॽफुमाङ्ङिल्ले़ खुम्दिङ् पिरुबारो॥”
कल्ले़चोगुल्ले़ इजेबेलरे़ अक्खे मे़त्तुआङ् एलियाओ इङ्घङ् के़साबाधिक् पाङ्घुदेसु, “आक्खेलॽरिक् खे़ने़ॽ खे़ङ्हाॽ के़से़रुसि, हे़क्केलॽरिक्के ताःन्दिक् हाबा कन् ये़म्मो थारिक्ले़ आङ्गाॽ खे़ने़ॽ मे़से़त्ने़न्ने़भग्र, माङ्हाॽरे़ आङ्गाॽ हे़क्केए मे़मे़त्तार इग्र खे़न्नुःल्ले़ साॽरिक् ताप्फे़ःल्लिक् मे़मे़त्तार॥”
आनिगे सुभाहाॽनु थिक्हुप् पोःक्खिगे़आङ् यहवे दाङ्बा आनिगे निङ्वाॽफुमाङ्ङिल्ले़ कुसे़वारोबा मोसालाम् पिरिगे़बा साम्योथिम् इङ्जाङ् कुइसिक् कुसाम्योथिम् इङ्जाङ्हाॽ नु कुइङ्दत्हाॽ इःत्तुम्बे़ नाःत्तुम्बे़ फाॽआङ् माङ्हुप् चोगुम्बे़॥ कन् माङ्हुप्पिन् फेःन्दुम्बे़ने़भग्र आनिगे निङ्वाॽफुमाङ्ङिल्ले़ कुसाङ्ग्रा कुघुम्दिङ्ङिल्ले़ ते़त्तिगे़ररो॥
हाबा खे़न् ये़म्मो यहोसुःल्ले़ खे़ङ्हाॽ माङ्हे़क् चाःत्तुसिआङ् अक्खे पाःत्तुरो, “कन् यरिहो ये़क्यक्किन् चोःक्मारे़ लागि आत्तिन् ये़म्सिङ्ॽ, यहवे दाङ्बे़ल्ले़ कुदगि खे़न् साङ्ग्रा माङ्देरे़ ते़त्तुररो॥ कल्ले़ कुबुङ् युक्खुल्ले़ खे़ल्ले़ खुने़ॽ कुस्सा तुम्बे़न् सिरो, खे़ल्ले़ कुस्सा फोःक्वाःल्ले़ कुमे़न्नो कप्मोबा यम्बा लाम्धेःप्पान् ये़म्सिङ्लो॥”
कर खाप्पुथ्यःङ् मे़जोगुआङ् यहवे दाङ्बाओ मे़दोन्दुबा पाःन्हाॽओ इस्राइलिहाॽरे़ लायो मे़जोगु॥ यहुदा थाःक्कोबा, जेरहरे़ कुस्सा जब्दिरे़ कुमुॽइदाङ्सा कार्मिरे़ कुस्सा आकान मे़प्मनाबा मनाधिक्ले़ कन् मे़दोन्दुबा पाःन्हाॽ कुभा खुःत्तुआङ् वये़, खे़ल्ले़चोगुल्ले़ यहवे दाङ्बे़न् इस्राइलिहाॽनु साॽरिक् कुसिक् पोगे़॥
मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ पाःत्तुॽ, “खिनिॽ नु खिनिॽ मेःत्हाॽरे़ के़बाःत्तुम्माङ् वाॽ, ‘साङ्ग्राम्पेदाङ्मा हाङ्माओ सुक्पा हाःम्मा नु सेजःङ्वा सिदुङ्जभाहाॽ हुङ्मा आनिगे चोगुम्बे़बा माङ्हुप्पिन् चोगुम्बे़,’ हे़क्क्याङ् खिनिॽ के़बाःत्तुम्बान् खिनिॽ याःम्बक्लाम् ओसेःन्धाङ् के़जोगुम्॥ कल्ले़चोगुल्ले़ खिनिॽ खे़न् हाङ्माओ के़जोगुम्बा माङ्हुप्हाॽ नु माङ्हे़क्हाॽ तगि चोगे़म् तेॽरे़म्मे़ॽ!
इङ्गाॽग यरिक्ले़ङ् लाम्दिक् चोगाङ्ङिल्ले़ वाहङ्ङो हे़क्क्याङ् फाःन्दाहाॽलाम्बा, आबाङे लाजेॽसाबाहाॽ नु थिम्मे़न्दङ् सुवाङ्हाॽलाम्बा के़साक्पा तुक्खेहाॽ तुमुङ्लो॥ हे़क्क्याङ् ये़क्यक्को, ये़ःङ्घादे़न्नो, वरक्कोबा किप्मा के़घुबा सुरित् केजङ्ङो, हे़क्क्याङ् फोत्याबा फुॽनुसाॽलाम्बाआङ् के़साक्पा तुक्खेहाॽ तुमुङ्ङाङ् वाॽआरो॥
निङ्वाॽफुमाङ्ङिल्ले़ कुसुनाइङ्ङिन् थिम्मे़न्दङ् सुवाङ्हाॽरे़ मे़घे़प्सुआङ् से़न्लप् मे़ङ्घोसुन्ल फाॽआङ् खे़ङ्हाॽरे़ सुनाइङ् इङ्भन् चोःक्मा आनिगे याप्मि साक्मा तम्सिङ् मे़जोगुर मे़वाॽरो॥ अक्खेलॽरिक् निङ्वाॽफुमाङ्ङिल्ले़ कुनिमाओ खे़ङ्हाॽरे़ खुनिॽ लायोन् लुम्सिङ्ल पत्लो॥ कर आल्लग निङ्वाॽफुमाङ्ङिल्ले़ कुसिक्के़न् खे़ङ्हाॽओ चुक्ते़आङ् वाॽरो॥
Piblisite