सेःक्‌युक्‍मिबाहाॽ 22:6 - लिम्‍बु

⁶ “हे़क्‍केलॽरिक् इङ्‌गाॽ लाम्‍दिःक्‍को पेगाङ्‌ल पत्‍छाङ्‌ङिल्‍ले़ दमस्‍कस कुबेसाङ् के़राङ्‌ङिल्‍ले़ ले़न्‍दिक् पोःक्‍खे़र पत्‍छे़, खे़प्‍मो हक्‍चघत् ताङ्‌साक्‍पोलाम् इङ्‌गाॽ आघिरि से़न्‍दाङ्‌गे़न् ओःत्तिःन् ले़क्‍ते़रो॥

सेःक्‌युक्‍मिबाहाॽ 22:6 Referans Kwoze

सुफो 1:16

खुने़ॽ कुजुप्‍साङ् हुक्‍किल्‍ले़ नुसि खेःम्‍सिक्‍हाॽ ते़म्‍सुसिआङ् पत्‍छे़, हे़क्‍क्‍याङ् कुमुराओलाम् ने़प्‍जाङ् ले़प्‍माङ् खागे़सुक्‍पा कुया के़बप्‍पा ताभेन् लःन्‍दे़आङ् पत्‍छे़रो॥ हे़क्‍क्‍याङ् कुनाराःङ्‌ग ले़न्‍दिक् के़ओःप्‍पा नाम्‍मिन् हे़क्‍के मिक् के़जे़म्‍बा चोगे़रो॥

मत्ति 17:2

खे़ङ्‌हाॽरे़ ओमे़मे़त्तुर मे़बत्‍छे़ल्‍ले़ए ये़सुरे़ कुनाइबेक् ले़ङ्‌सिङ्‌ल पे, हे़क्‍क्‍याङ् कुनारान् नाम्‍मिन् कुइसिक् ले़क्‍ते़ हे़क्‍क्‍याङ् कुदेःत्तिन्‍नाङ् मिक्‍किन् चे़मुर ओःत्ते़रो॥

यसैया 24:23

हे़क्‍क्‍याङ् लाबे़न् माक्‍ताङ्‌बा पोङ्‌ङाङ् मे़ओःत्‍ने़न्‍लो, खम्‍भ्‍याङ् नाम्‍मिन्‍नाङ् मे़से़ःक्‍ने़न्‍लो थेआङ्‌भे़ल्‍ले़ मुक्‍साम्‍दाङ्‌बा यहवे दाङ्‌बे़ल्‍ले़ सियोन कोःक्‍माओ नु यरुसले़म ये़क्‌यक्‍को के़वाॽबा साम्‌योसिक्‍साम्‍बाहाॽरे़ खुन्‍छिॽ तगि मिमिदिङ्‌गे़न् हाङ्‌युक् चोगुरो॥

२ सामुए़ल 8:6

हे़क्‍क्‍याङ् दमस्‍कसबा अरामिहाॽरे़ खुन्‍छिॽ ते़ङ्‌गप्‍पो थक्‍सुबा साःङ्‌गाहिम् लेःत्तु॥ खे़ङ्‌हाॽ खुने़ॽ कुयुक्‍को मे़द्‌ये़, हे़क्‍क्‍याङ् हाङ्‌ङो हुङ्‌मा के़बोङ्‌बा एःङ्‌याङ् मे़हुङु॥ अक्‍खेलॽरिक् दाउदे़न् आत्तान् आत्तान् पे, यहवे दाङ्‌बाल्‍ले़ थङ् के़नाःम्‍बा चोगु॥

तोलिङ्‌सोमु 15:2

कर अब्राम्‍मिल्‍ले़ मे़त्तु, “यहवे दाङ्‌बा निङ्‌वाॽफुमाङ्‌ङे, खे़ने़ॽ थे के़बिआयाङ्‌ग? थेआङ्‌भे़ल्‍ले़ आङ्‌गाॽग आल्‍ल थारिक् सा मेःन्‍ने वाॽआ, आहिम् आधाङ् के़दक्‍पा के़जाबाग दमस्‍कसबा एलिएजरे़न् पोङ्‌लो॥”

तोलिङ्‌सोमु 14:15

से़न्‍दिक् निङ्‌मिहाॽ फप्‍मासिरे़ लागि खुने़ॽ कुमनाहाॽ कुलुप् कुलुप् से़सुसि॥ हे़क्‍क्‍याङ् खे़ङ्‌हाॽरे़ निङ्‌मिहाॽ मे़नाःन्‍दुसि, दमस्‍कसबा थाङ्‌गे़त् पिसाङ् के़ने़बा होबा थारिक् मे़नाःत्तुसि॥

सेःक्‌युक्‍मिबाहाॽ 22:7

इङ्‌गाॽ खे़प्‍मो हर्गुप् चोःन्‍दाङ्‌ङिल्‍ले़ अक्‍तङ्‌बा इक्‍लाधिक् खे़प्‍सुङ्, ‘सावलए, सावलए, इङ्‌गाॽ थेआङ् तुक्‍खे के़जाःत्ताबाबे?’

सेःक्‌युक्‍मिबाहाॽ 23:9

हे़क्‍क्‍याङ् मनाहाॽ साॽरिक् मे़अःक्‍ते़॥ खे़प्‍मो फरिसि लक्‍कोबा कुभा साम्‌योथिम्‍साम्‍बाहाॽआङ् मे़बोगे़आङ् वेॽहाॽ साॽरिक् मे़अत्तुसिर मे़बाःत्तु, “कन् मनाःल्‍ले़ याःम्‍बक् फेःन्‍दुबा थेआङ् मे़निसुम्‍बे़न्‍लो॥ माङ्‌लाइङ्‌बाहाॽ इग्र साम्‍हाॽआङ्‌सा से़क्‍खाए कन्‍नु पाःप्‍मा मे़सुक्‍से़बा!”

१ कोरन्‍थि 15:8

हे़क्‍क्‍याङ् के़रे़क्‍नुःल्‍ले़ एगाङ् कुये़म् मे़ङ्‌गे़त्ते सागे़वाःन्‍छिङ्‌बाल्‍लो कुइसिक् इङ्‌गाॽओआङ् थाःम्‍सिङ्‌लो॥