सेःक्युक्मिबाहाॽ 22:3 - लिम्बु3 “इङ्गाॽ सिलिसियासमा तार्सस्सो सागे़वाःन्छिङ्बा यहुदिआरो, कर बा कप्मो यरुसले़म्मोए थाङ्बे़न् के़राङ्ङाङ् तुत्तुगे़न् तुम्म्याङ्हाङ् सिक्साम्बा गमालियलरे़ कुहुॽसाम्बा पोःक्खाङ्लो॥ हे़क्क्याङ् इङ्गाॽ साम्योथिम् नु आनिॽ पाधे़बाहाॽरे़ मे़नाःत्तु मे़युरुबा साक्थिम्हाॽ कप्मो हुॽसिङ्ङाङ्लो॥ आइन् खिनिॽ हे़क्केए इङ्गाॽआङ् निङ्वाॽफुमाङ्ङिन् इङ्धाङ् पिमा कुसिक् के़सम्बा वयाङ्लो॥ Gade chapit la |
सेःक्युक्मिबाहाॽ 22:3
27 Referans Kwoze
हे़क्क्याङ् खे़ङ्हाॽरे़ खे़न् मे़घे़प्सुआङ् निङ्वाॽफुमाङ्ङिल्ले़ कुनारा मे़भोसु, हे़क्क्याङ् खे़ङ्हाॽरे़ खुने़ॽ अक्खे मे़मे़त्तु, “नुसाॽए, ओमे़त्ते़ॽना, कप्मोआङ् यरिक् हे़न्छिङ् यहुदिहाॽरे़ ये़सुन् नसान् मे़जोगुआङ् मे़वाॽरो॥ खे़ङ्हाॽ मोसारे़ साप्तुबा साम्योथिम्मिन् इःप्मा नाःप्मा खुनिॽ सिक्के़सम्बा मे़जोक्॥
हे़क्क्याङ् पावलरे़ खे़प्मो फरिसि नु सदुकिहाॽ मे़वाॽ के़लॽबा निङ्वाॽ खोसु, हे़क्क्याङ् खे़ङ्हाॽरे़ सिमे़न् एगाङ् थे पोङ् के़लॽबा पाःन्नो खुनिॽ नसान् मे़दङे़न्बा निसुआङ् यम्बा इक्लाओ ये़जुम्भोओ अक्खेलॽरिक् मे़त्तुसि, “आम्भुॽ आन्साॽसे, इङ्गाॽग फरिसिःल्ले़ कुस्सा फरिसिआरो॥ इङ्गाॽग के़सिबाहाॽ मे़हिङ् लॽरिक् निङ्साङ् चोगुङ्बाल्ले़ आइन् कन् तुःन्देॽओ थ्याङ्ङाङ् वाॽआरो॥”
(गिबोनिहाॽ इस्राइलि सुवाङ्बा मे़होःप्ते़॥ खे़ङ्हाॽ एमोरि सुवाङ्लाम्बा लत्छा लक् मे़वये़, इस्राइलिहाॽरे़ खे़ङ्हाॽ मे़से़त्तासिगे़न् मे़मे़त्तुसिआङ् माङ्हे़क् मे़जोगुआङ् मे़वये़॥ हे़क्केसाङ् सावलरे़ इस्राइल नु यहुदारे़ लागि कुसिक्समे़बाल्ले़ चोगुल्ले़ गिबोनिहाॽ से़प्मासि फाॽआङ् निङ्वाॽ इःत्तुआङ् वये़॥) खे़ल्ले़चोगुल्ले़ दाउद हाङ्ङिल्ले़ गिबोनिहाॽ उःत्तुसि,
कर दाङ्बाल्ले़ कुहुॽसाम्बाहाॽ के़रे़क् से़प्मासि फाॽआङ् सावलरे़ साॽरिक् यङ्मा से़रुसिरो॥ खुने़ॽ मानिङ्वाॽफुसाम्बाल्लो पेआङ् दमस्कसओ के़वाॽबा के़रे़क् दाङ्बाल्ले़ कुलाम् के़दिम्बा मे़न्छुमाॽ ये़म्बित्छाहाॽ पुङ्लाधाबा चोःक्मासिआङ् यरुसले़म्मो ताःप्मासि हे़क्क्याङ् खुम्दिङ् पिमासि सुक्तुङ्ल फाॽआङ् दमस्कसओबा यहुदि चुम्लुङ्हिम्मोबा सुहाङ्युक्पाहाॽरे़ लागि सक्इङ्घङ् साप्पाङ्घुसिरो॥
Piblisite